完整藏文原文 · 德格版页 当前仅加载第 66 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། འདུ་འཛི་ལས་འབྱུང་བ་དང་། ཡུལ་ཐམས་ཅད་ལས་འབྱུང་བ་དང་། འཕགས་པ་མ་ཡིན་པའི་བསམ་པ་ལས་འབྱུང་བ་དང་། ཁམས་གསུམ་ཐམས་ཅད་ལས་འབྱུང་བ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བདེ་བའོ། །
D252.066.0063b01.01བཞི་གང་ཞེ་ན། དངོས་པོ་ཐམས་ཅད་ལ་མི་ལྟ་བའི་ཕྱིར་བདག་གི་བ་མེད་ཅིང་ཡོངས་སུ་འཛིན་པ་མེད་པའི་བདེ་བ་དང་། ཡུལ་སྤངས་པས་དབེན་པའི་བདེ་བ་དང་། ཉོན་མོངས་པ་མེད་པའི་ཕྱིར་ཞི་བའི་བདེ་བ་དང་། སེམས་ཅན་ཐམས་ཅད་ཡོངས་སུ་མི་གཏོང་བའི་ཕྱིར་མྱ་ངན་
D252.066.0063b02.01ལས་འདས་པའི་བདེ་བ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མཆོག་ཏུ་དགའ་བའོ། །བཞི་གང་ཞེ་ན། དེ་བཞིན་གཤེགས་པ་མཐོང་བས་མཆོག་ཏུ་དགའ་བ་དང་། ཆོས་ཐོས་པས་མཆོག་ཏུ་དགའ་བ་དང་། སྦྱིན་པ་ལ་འགྱོད་
D252.066.0063b03.01པ་མེད་པས་མཆོག་ཏུ་དགའ་བ་དང་། སེམས་ཅན་ཐམས་ཅད་ལ་བདེ་བ་སྐྱེད་པས་མཆོག་ཏུ་དགའ་བ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བདེན་པའོ། །བཞི་གང་ཞེ་ན། བྱང་ཆུབ་ཀྱི་སེམས་མི་གཏོང་བ་དང་། ཡི་དམ་ལས་
D252.066.0063b04.01མི་ཉམས་པ་དང་། སྐྱབས་སུ་སོང་བ་དག་ཡོངས་སུ་མི་གཏོང་བ་དང་། ངག་བསྡམས་པས་ཚིག་ཐམས་ཅད་བདེན་པ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་ཆོས་སོ། །བཞི་གང་ཞེ་ན། དགེ་བའི་ཆོས་ཐམས་ཅད་ལ་
D252.066.0063b05.01ལྷག་པའི་བསམ་པས་སྦྱོར་བ་དང་། མ་བསླབས་པ་ཐམས་ཅད་ལ་མི་བརྙས་པ་དང་། གསོལ་བ་མ་བཏབ་པར་སེམས་ཅན་ཐམས་ཅད་ལ་བཤེས་གཉེན་དུ་གྱུར་པ་དང་། ཡོན་ཏན་ཐམས་ཅད་སྒྲུབ་པ་ལ་ཕྱིར་བྱ་བའི་རེ་བ་མེད་པས་ལན་ལ་མི་རེ་བ་སྟེ། བཞི་པོ་དེ་དག་གོ། །ལྷའི་
D252.066.0063b06.01བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་པ་རྣམ་པར་དག་པའོ། །བཞི་གང་ཞེ་ན། བདག་མེད་པའི་ཕྱིར་ཚུལ་ཁྲིམས་རྣམ་པར་དག་པ་དང་། སེམས་ཅན་མེད་པའི་ཕྱིར་ཏིང་ངེ་འཛིན་རྣམ་པར་དག་པ་དང་། སྲོག་མེད་པའི་ཕྱིར་ཤེས་རབ་རྣམ་པར་དག་པ་དང་།
D252.066.0063b07.01