完整藏文原文 · 德格版页 当前仅加载第 66 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
མོ། །བཞི་གང་ཞེ་ན། གཡང་ས་ཆེན་པོ་ནས་བདག་གཡང་དུ་ལྷུང་བར་མཐོང་བ་དང་། ལམ་མཐོ་དམའ་ཅན་དུ་མཐོང་བ་དང་། བདག་ལམ་སྲང་དོག་པར་ཞུགས་པར་མཐོང་བ་དང་། རྨི་ལམ་ན་ཕྱོགས་བསླད་ཅིང་འཇིགས་པ་མང་པོ་མཐོང་བ་སྟེ། བཞི་པོ་དེ་དག་
D252.066.0065a01.01གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཉོན་མོངས་པའི་སྒྲིབ་པའི་རྒྱུ་འཐུན་པའི་རྨི་ལམ་མོ། །བཞི་གང་ཞེ་ན། དུག་དྲག་པོས་འཁྲུགས་པར་མཐོང་བ་དང་། གཅན་གཟན་གཏུམ་པོ་ཕལ་པོ་ཆེའི་སྒྲ་ཐོས་པ་དང་། བདག་གཡོན་ཅན་གྱི་ནང་ན་གནས་
D252.066.0065a02.01པར་མཐོང་བ་དང་། བདག་གི་ལུས་དྲི་མ་ཅན་དང་གོས་དྲི་མ་ཅན་དུ་མཐོང་བ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་གཟུངས་འཐོབ་པའི་རྒྱུ་འཐུན་པའི་རྨི་ལམ་མོ། །བཞི་གང་ཞེ་ན། གཏེར་ཆེན་པོ་རིན་པོ་ཆེ་སྣ་ཚོགས་ཀྱིས་གང་བ་
D252.066.0065a03.01མཐོང་བ་དང་། རྫིང་བུ་མེ་ཏོག་པད་མ་རྒྱས་པས་ཡོངས་སུ་གང་བ་མཐོང་བ་དང་། བདག་གོས་དཀར་པོའི་ཕྲུགས་རྙེད་པར་མཐོང་བ་དང་། ལྷ་ཞིག་སྤྱི་བོའི་གཙུག་ན་གདུགས་འཛིན་པར་མཐོང་བ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་
D252.066.0065a04.01ཏིང་ངེ་འཛིན་ཐོབ་པའི་རྒྱུ་འཐུན་པའི་རྨི་ལམ་མོ། །བཞི་གང་ཞེ་ན། བུ་མོ་བཟང་མོ་རྒྱན་བཟང་པོས་བརྒྱན་པ་མེ་ཏོག་སིལ་མ་འབུལ་བར་མཐོང་བ་དང་། ནམ་མཁའ་ལ་བྱ་ངང་པ་དཀར་པོ་ཐལ་ཀར་གྱི་ཁྱུ་སྐད་འབྱིན་ཅིང་འགྲོ་བར་མཐོང་བ་དང་། དེ་བཞིན་གཤེགས་པ་འོད་མང་པོས་
D252.066.0065a05.01བརྒྱན་པའི་ཕྱག་སྤྱི་བོར་འཇོག་པ་མཐོང་བ་དང་། དེ་བཞིན་གཤེགས་པ་མེ་ཏོག་པད་མ་ལ་བཞུགས་ཤིང་བསམ་གཏན་མཛད་པར་མཐོང་བ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དེ་བཞིན་གཤེགས་པ་མཐོང་བའི་རྒྱུ་འཐུན་པའི་
D252.066.0065a06.01རྨི་ལམ་མོ། །བཞི་གང་ཞེ་ན། ཟླ་བའི་དཀྱིལ་འཁོར་འཆར་བར་མཐོང་བ་དང་། ཉི་མའི་དཀྱིལ་འཁོར་འཆར་བར་མཐོང་བ་དང་། མེ་ཏོག་པད་མ་ཁ་འབུས་པར་མཐོང་བ་དང་། ཚངས་པའི་དབང་པོ་རབ་ཏུ་ཞི་བའི་སྤྱོད་ལམ་མཐོང་བ་སྟེ། ལྷའི་བུ་བཞི་པོ་དེ་དག་ནི་བྱང་ཆུབ་སེམས་དཔའ་
D252.066.0065a07.01