完整藏文原文 · 德格版页 当前仅加载第 66 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
གར་ཡང་དམིགས་སུ་མེད་པས་ན་ནད་མེད་པར་བཏགས་པ་དང་། མི་སྐྱེ་བར་བཏགས་པ་དང་། མི་འགག་པར་བཏགས་པ་རྣམས་གདགས་སུ་མེད་པ་སྟེ། སེམས་ཅན་གྱི་ཁམས་མཉམ་པ་བཞིན་དུ་ཆོས་ཀྱི་དབྱིངས་མཉམ་པ་ཉིད། ཆོས་ཀྱི་དབྱིངས་མཉམ་པ་བཞིན་དུ་
D255.066.0072b01.01སེམས་ཅན་གྱི་ཁམས་མཉམ་པ་ཉིད་དེ། སེམས་ཅན་གྱི་ཁམས་མཉམ་པ་ཉིད་དང་། ཆོས་ཀྱི་དབྱིངས་མཉམ་པ་ཉིད་དུ་མི་གཉིས་ཏེ། གཉིས་སུ་མེད་དོ། །དེ་མི་གཉིས་ཏེ་གཉིས་སུ་མེད་པས་ན་དེ་ལ་དོར་བ་ཡང་མེད། མི་དོར་བ་ཡང་མེད། གང་དོར་བ་ཡང་མེད། མི་དོར་བ་ཡང་མེད་
D255.066.0072b02.01པས་ན་དེ་ལ་འདའ་བ་དང་། ཐོབ་པར་མི་ནུས་ཏེ་བཅོམ་ལྡན་འདས་ཀྱིས་ཀྱང་འདི་ལྟར་དགོངས་ནས་གདགས་སུ་མེད་པའི་དགེ་སློང་བཏགས་པ་ལ་མི་འཇུག་གོ། །གང་ཡི་གེ་མེད་པའི་དགེ་སློང་ཡི་གེ་ལས་འདས་པ་སྟེ། དེ་ལ་གྲངས་ཀྱིས་བསྟན་པར་ཡང་མི་རུང་སྟེ། དེ་ནི་མི་འོང་མི་འགྲོ་མི་
D255.066.0072b03.01གནས་མི་འདུག་ཉལ་བར་ཡང་མི་རྟོག་གོ། །ཞི་བ་དང་ཉེ་བར་ཞི་བ་རྣམས་མི་དམིགས་པའི་དགེ་སློང་ལ་བརྟགས་པ་སྟེ། སྤྱོད་པ་རྣམས་ཀྱང་བརྟགས་པའོ། །ལོག་པ་ལ་རྣམ་པ་མང་དུ་རྟོག་པའི་དགེ་སློང་སྤྱོད་པ་ནི་མ་བརྟགས་པའོ། །བཅོམ་ལྡན་འདས་ཀྱིས་འདི་ལྟར་དགོངས་ནས་འདི་
D255.066.0072b04.01ལྟ་བུའི་དགེ་སློང་ནི་དད་པས་སྦྱིན་པ་སྤྱོད་པའི་སྦྱིན་གནས་སུ་གྱུར་པའོ། །དེ་ནས་བཅོམ་ལྡན་འདས་ཀྱིས་སྤྱན་རས་གཟིགས་དབང་པོ་བྱང་ཆུབ་སེམས་དཔའ་ལ་དགེ་བ་བྱིན་ཏེ་ངས་དགོངས་ཏེ་བཤད་པ་བཞིན་དུ་སྐྱེས་བུ་དམ་པ་ཁྱོད་ཀྱིས་བསྟན་པ་ནི་དགེའོ་དགེའོ། །དགེ་བར་གསུངས་
D255.066.0072b05.01པའི་ཆོས་ཀྱི་འདུལ་བ་ལ་རབ་ཏུ་བྱུང་བ་འདི་བླ་ན་མེད་པ་དམ་པའི་ཆོས་ཀྱི་ཕྱག་རྒྱ་སྟེ། འདི་ཚུལ་ཁྲིམས་ཉམས་པ་དང་། མ་དུལ་བ་དང་། ང་རྒྱལ་མངོན་པར་བྱེད་པ་རྣམས་ཀྱི་མདུན་དུ་མི་བཤད་པར་གྱིས་ཤིག །དེ་ལྟ་བུ་དེ་དག་རྣམས་ཀྱི་སྙེམས་པ་སྤང་བའི་ཕྱིར་ཕྱག་རྒྱ་འདི་ལ་གང་
D255.066.0072b06.01གིས་ཡང་དག་པ་ཇི་ལྟ་བ་བཞིན་དུ་ཤེས་རབ་ཀྱིས་བལྟས་ཤིང་མི་དམིགས་པའི་ལུས་མངོན་དུ་བྱས་ན། དེས་ཡིད་ཀྱི་ལུས་མྱུར་དུ་འཐོབ་བོ། །གང་གི་ཡིད་ཀྱི་ལུས་དེས་གྲངས་མེད་པའི་སེམས་ཅན་རྣམས་བྱང་ཆུབ་ཏུ་སྨིན་པར་བྱེད་དོ། །དེ་ནས་ཆོས་ཀྱི་གཞུང་འདི་བཤད་པའི་ཚེ་དགེ་སློང་
D255.066.0072b07.01