完整藏文原文 · 德格版页 当前仅加载第 66 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །བྱིས་པ་རྣམས་མི་ཤེས་པས་དེ་ལ་མངོན་པར་ཞེན་པས་ན་དམྱལ་བ་དང་། {ཡི་དགས་,ཡི་དྭགས་}རྣམས་ཀྱི་སྡུག་བསྔལ་གྱིས་ཉོན་མོངས་པ་མྱོང་བར་འགྱུར་རོ། །ཆོས་ཀྱི་གཞུང་འདི་ཇི་ལྟ་བ་དེ་ནི་དམིགས་པའོ། །ཇི་ལྟར་དམིགས་པ་དེ་ནི་ཆོས་ཐམས་ཅད་དོ། །དེ་ལྟར་དུས་གསུམ་
D255.066.0073b01.01གྱི་ཆོས་ཐམས་ཅད་མཉམ་པ་ཉིད་དེ། མི་དམིགས་པས་ན་གང་དམིགས་པ་དེ་ནི་རྟོགས་པའོ། །གང་རྟོགས་པ་དེ་ནི་ཐོབ་པ། གང་ཐོབ་པ་དེ་ནི་བྱང་ཆུབ། གང་བྱང་ཆུབ་པ་དེ་ནི་དེ་བཞིན་ཉིད། གང་དེ་བཞིན་ཉིད་པ་དེ་ནི་ཡང་དག་པའི་མཐའ། གང་ཡང་དག་པའི་མཐའ་དེ་ནི་
D255.066.0073b02.01སྟོང་པ་ཉིད། གང་སྟོང་པ་ཉིད་དེ་ནི་མཚན་མ་མེད་པ། གང་མཚན་མ་མེད་པ་དེ་ནི་སྨོན་པ་མེད་པ། གང་སྨོན་པ་མེད་པ་དེ་ནི་དོན་དམ་པ། གང་དོན་དམ་པ་དེ་ནི་ཆོས་ཀྱི་དབྱིངས། གང་ཆོས་ཀྱི་དབྱིངས་དེ་ནི་གཉིས་སུ་མེད་པའི་མཐའ། གང་གཉིས་སུ་མེད་པའི་མཐའ་དེ་ནི་དབུ་མར་
D255.066.0073b03.01སྒྲུབ་པ། གང་དབུ་མར་སྒྲུབ་པ་དེ་ནི་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་སྐུ་རྟག་པ། བརྟན་པ། མི་འགྱུར་བ་སྟེ། རྟག་པ་ཡང་མ་ཡིན། མི་རྟག་པ་ཡང་མ་ཡིན་ཏེ། དེ་ནི་གདགས་པ་ཡང་མ་ཡིན། མི་གདགས་པ་ཡང་མ་ཡིན། གང་གདགས་པ་ཡང་མ་ཡིན། མི་གདགས་
D255.066.0073b04.01པ་ཡང་མ་ཡིན་པ་དེ་ནི་འཇིག་རྟེན་པ་ཡང་མ་ཡིན། འཇིག་རྟེན་ལས་འདས་པ་ཡང་མ་ཡིན། གང་འཇིག་རྟེན་པ་ཡང་མ་ཡིན། འཇིག་རྟེན་ལས་འདས་པ་ཡང་མ་ཡིན་པ་དེ་ནི་བརྗོད་དུ་མེད་པ། གང་བརྗོད་དུ་མེད་པ་དེ་ནི་{ཆུང་ཟད་,ཅུང་ཟད་}ཀྱང་མེད་པ། གང་{ཆུང་ཟད་,ཅུང་ཟད་}ཀྱང་མེད་པ་དེ་ནི་སེམས་ཅན་
D255.066.0073b05.01རྣམས་ཀྱི་བསོད་ནམས་ཀྱི་ཞིང་། གང་སེམས་ཅན་རྣམས་ཀྱི་བསོད་ནམས་ཀྱི་ཞིང་དེ་ནི་སྟོན་པ། གང་སྟོན་པ་དེ་ནི་རྣམ་པར་མི་རྟོག་པ། གང་རྣམ་པར་མི་རྟོག་པ་དེ་ནི་དམིགས་པ་མེད་པ། གང་དམིགས་པ་མེད་པ་དེ་ནི་མི་འགྱུར་བ་གྲུབ་པ། གང་མི་འགྱུར་བ་གྲུབ་པ་དེ་ནི་ཡིད་བཞིན་
D255.066.0073b06.01གྱི་ནོར་བུ་རིན་པོ་ཆེ་སྟེ། འདུལ་བའི་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཇི་ལྟར་མོས་པ་ཐམས་ཅད་བྱེད་དོ། །དེ་ནས་བྱང་ཆུབ་སེམས་དཔའ་མང་པོ་དེ་དག་གིས་ཚིག་འཐུན་པར་སྨྲས་པ། ཆོས་ཀྱི་གཞུང་འདི་གང་ན་སྤྱོད་པའི་ས་ཕྱོགས་དེ་རྡོ་རྗེ་ལྟ་བུ་སྟེ།
D255.066.0073b07.01