完整藏文原文 · 德格版页 当前仅加载第 71 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་འཁོད་དོ། །དེའི་ཚེ་ན་རལ་པ་ཅན་ཚེ་དང་ལྡན་པ་ལྟེང་རྒྱས་འོད་སྲུང་འཁོར་དེ་ཉིད་དུ་འདུས་ཏེ་འདུག་པར་གྱུར་ཏོ། །དེ་ནས་ཡུལ་མ་ག་དྷཱའི་བྲམ་ཟེ་དང་། ཁྱིམ་བདག་རྣམས་འདི་སྙམ་དུ་སེམས་ཏེ་ཅི་དགེ་སྦྱོང་ཆེན་པོ་རལ་པ་ཅན་ལྟེང་རྒྱས་འོད་སྲུང་གི་དྲུང་ན་ཚངས་པར་སྤྱད་པ་སྤྱོད་དམ།
D289.071.0245b01.01འོན་ཏེ་རལ་པ་ཅན་ལྟེང་རྒྱས་འོད་སྲུང་ཉིད་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱད་པ་སྤྱོད་སྙམ་མོ། །དེ་ནས་བཅོམ་ལྡན་འདས་ཀྱིས་ཡུལ་མ་ག་དྷཱའི་བྲམ་ཟེ་དང་། ཁྱིམ་བདག་རྣམས་ཀྱི་སེམས་ཐུགས་ཀྱིས་མཁྱེན་ནས་ཚེ་དང་ལྡན་པ་ལྟེང་རྒྱས་འོད་སྲུང་ལ་ཚིགས་སུ་བཅད་
D289.071.0245b02.01པའི་དབྱངས་ཀྱིས་དྲི་བ་དྲིས་པ། ལྟེང་རྒྱས་གནས་པས་འདི་ལ་ཅི་མཐོང་ན། །ཁྱོད་ཀྱིས་མེ་སྤངས་བརྟུལ་ཞུགས་ཁོ་ན་སྤྱོད། །ཁྱོད་ཀྱིས་ཇི་ལྟར་མེ་ཡི་སྦྱིན་སྲེག་སྤངས། །འོད་སྲུང་དེ་ཡི་དོན་ནི་ང་ལ་སྨྲོས། །ཚེ་དང་ལྡན་པ་ལྟེང་རྒྱས་འོད་སྲུང་གིས་གསོལ་པ། འདི་ན་ཁ་ཅིག་
D289.071.0245b03.01ཟས་དང་སྐོམ་དག་དང་། །རོ་དང་འདོད་པ་བུད་མེད་རྗོད་བགྱིད་པ། །རྫས་བྱུང་དེ་དག་དྲི་མར་རབ་མཐོང་བས། །དེ་སླད་མཆོད་སྦྱིན་སྲེག་ལ་བདག་མི་དགའ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཁྱོད་ནི་འདོད་དང་ཟས་སྐོམ་དང་། །དེ་བཞིན་རོ་རྣམས་དག་
D289.071.0245b04.01ལ་ཡིད་དགར་མི་བདེན། །ཇི་ལྟར་ལྷ་མིའི་འཇིག་རྟེན་དག་ལ་ཁྱོད་ཀྱི་ཡིད། །དགའ་བར་བྱེད་པ་དྲིས་པ་འོད་སྲུང་སྨྲོས། །ཚེ་དང་ལྡན་པ་ལྟེང་རྒྱས་འོད་སྲུང་གིས་གསོལ་པ། གོ་འཕང་ཞི་མཆོག་ཕུང་པོ་མ་མཆིས་ཤིང་། །ཅི་ཡང་མ་མཆིས་འདོད་སྲིད་མ་ཆགས་ལ། །མི་འགྱུར་གཞན་
D289.071.0245b05.01གྱིས་མི་བཀྲི་མཐོང་ལགས་པས། །དེ་སླད་མཆོད་སྦྱིན་སྲེག་ལ་བདག་མི་དགའ། །མི་ཉམས་གོ་འཕང་དམ་པ་མ་མཐོང་ཚེ། །མཆོད་སྦྱིན་བརྟུལ་ཞུགས་རྣམས་ཀྱང་ཞུགས་ཀྱིས་ཀྱང་། །གྲོལ་བར་འགྱུར་ཞེས་བདག་ཡིད་རྨོངས་གྱུར་ཅིང་། ལྡོངས་ཤིང་སྐྱེ་ཤིའི་རྗེས་སུ་ཞུགས་
D289.071.0245b06.01པར་གྱུར། །གཽ་ཏམ་སྐྱེ་མང་དོན་དུ་རྣམ་འདྲེན་པ། །ཐུབ་པ་བདེན་པའི་རྩལ་མངའ་ཁྱོད་བྱུང་ཞིང་། །གཙོ་མཆོག་སྐྱོབ་པས་ལེགས་བཤད་ད་ལྟར་ནི། །གོ་འཕང་འདུས་མ་བགྱིས་དེ་བདག་གིས་མཐོང་། །བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་རྣམ་པར་ཕྱེ་བའི་ཆོས་
D289.071.0245b07.01