完整藏文原文 · 德格版页 当前仅加载第 71 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་ཤེས་པ་དེ་ཡོངས་སུ་ཤེས་པ་ཡིན་ནོ། །རྒྱལ་པོ་ཆེན་པོ་གཟུགས་ཡོངས་སུ་ཤེས་པའི་རིགས་ཀྱི་བུ་ནི་བདག་དང་བདག་གི་ཞེས་ཁས་ལེན་པར་མི་བྱེད། ཉེ་བར་ལེན་པར་མི་བྱེད། ལྷག་པའི་ཆགས་པར་མི་བྱེད། མངོན་པར་ཞེན་པར་མི་བྱེད་དོ། །རྒྱལ་
D289.071.0247a01.01པོ་ཆེན་པོ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོངས་སུ་ཤེས་པའི་རིགས་ཀྱི་བུ་ནི་བདག་དང་བདག་གི་ཞེས་ཁས་ལེན་པར་མི་བྱེད། ཉེ་བར་ལེན་པར་མི་བྱེད། ལྷག་པར་གནས་པར་མི་བྱེད། མངོན་པར་ཞེན་པར་མི་བྱེད་དོ། །རྒྱལ་པོ་ཆེན་པོ་གཟུགས་
D289.071.0247a02.01བདག་གིར་མི་བྱེད། ཁས་ལེན་པར་མི་བྱེད། ཉེ་བར་ལེན་པར་མི་བྱེད། ལྷག་པར་གནས་པར་མི་བྱེད། མངོན་པར་ཞེན་པར་མི་བྱེད་པའི་རིགས་ཀྱི་བུ་ནི་ཚད་མེད་པ་དང་། གྲངས་མེད་པ་ཡིན་ཏེ། མྱ་ངན་ལས་འདས་པ་ཡིན་པར་ང་སྨྲའོ། །རྒྱལ་པོ་ཆེན་པོ་ཚོར་བ་དང་། འདུ་ཤེས་དང་།
D289.071.0247a03.01འདུ་བྱེད་རྣམས་དང་། རྣམ་པར་ཤེས་པ་བདག་གིར་མི་བྱེད། ཁས་ལེན་པར་མི་བྱེད། ཉེ་བར་ལེན་པར་མི་བྱེད། ལྷག་པར་གནས་པར་མི་བྱེད། མངོན་པར་ཞེན་པར་མི་བྱེད་པའི་རིགས་ཀྱི་བུ་ནི་ཚད་མེད་པ་དང་། གྲངས་མེད་པ་ཡིན་ཏེ། མྱ་ངན་ལས་འདས་པ་ཡིན་པར་ང་སྨྲའོ། །དེ་ནས་
D289.071.0247a04.01ཡུལ་མ་ག་དྷཱའི་བྲམ་ཟེ་དང་། ཁྱིམ་བདག་རྣམས་འདི་སྙམ་དུ་སེམས་ཏེ། གལ་ཏེ་གཟུགས་བདག་མ་ཡིན་ཞིང་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་བདག་མ་ཡིན་ན། འོ་ན་ཅི་གང་ནམ་ཡང་བྱུང་བར་མ་གྱུར་པ་དང་། འབྱུང་བར་མི་འགྱུར་བ་
D289.071.0247a05.01དང་། ད་ལྟར་ཡང་མེད་པ་ཡང་མ་ཡིན་ཞིང་། གང་དེ་དང་དེ་དག་ཏུ་དགེ་བ་དང་། སྡིག་པའི་ལས་བྱས་ཤིང་། བྱས་པ་དག་གི་རྣམ་པར་སྨིན་པ་སོ་སོར་མྱོང་བར་བྱེད་པ་དང་། གང་ཕུང་པོ་འདི་འདོར་ཞིང་ཕུང་པོ་གཞན་དང་ཉིང་མཚམས་སྦྱོར་བར་འགྱུར་བའི་བདག་གམ། སེམས་ཅན་ནམ།
D289.071.0247a06.01སྲོག་གམ། སྐྱེ་བའམ། གསོ་བའམ། གང་ཟག་གམ། ཤེད་ལས་སྐྱེས་སམ། ཤེད་བུའམ། བྱེད་པ་པོའམ། བྱེད་དུ་འཇུག་པ་པོའམ། སྐྱེད་པ་པོའམ། ཀུན་ནས་སྐྱེད་པ་པོའམ། སློང་བ་པོའམ། ཀུན་ནས་སློང་བ་པོའམ། སྨྲ་བ་པོའམ། མྱོང་བ་པོའམ། སོ་སོར་མྱོང་བ་པོ་དེ་
D289.071.0247a07.01