完整藏文原文 · 德格版页 当前仅加载第 72 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེ་ན། འགྲོན་དུ་སོང་ནས་རང་གི་ལས་ཉམས་པ་དང་། གཞན་གྱི་དབང་དུ་གྱུར་པ་དང་། མི་འཐུན་པ་དང་ཕྲད་པ་དང་། འདུག་ན་ཉམ་ང་བའི་ཉེས་དམིགས་ཀྱང་མཐོང་། བསོད་སྙོམས་པ་ཉིད་ཀྱི་ཡོན་ཏན་དག་ཀྱང་མཐོང་ནས་འདི་སྐད་དུ་དེང་སླན་ཆད་
D306.072.0133a01.01འགྲོན་དུ་འགྲོ་བ་སྤོང་སྟེ། བསོད་སྙོམས་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་བསོད་སྙོམས་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། གནས་དམ་བཅས་པ་དང་འཐུན་པ་ཉིད་དང་། རང་དབང་ཡོད་པ་ཉིད་དང་། གཞན་མི་གསོ་བ་ཉིད་
D306.072.0133a02.01དང་། ལེ་ལོ་མེད་པ་ཉིད་དང་། ང་རྒྱལ་བཅོམ་པ་ཉིད་དང་། སེམས་ཅན་ལ་ཕན་འདོགས་པར་ཞུགས་པ་ཉིད་དང་། རོའི་སྲེད་པ་ལས་ལྡོག་པ་ཉིད་དང་། ཕྱོགས་རྣམས་སུ་ཐོགས་པ་མེད་པ་ཉིད་དང་། སྐྱེས་བུ་དམ་པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་
D306.072.0133a03.01ཅན་ཏེ། དེ་ལྟ་བུ་ལ་སོགས་པ་ནི་བསོད་སྙོམས་པ་ཉིད་ཀྱི་ཡོན་ཏན་དག་ཡིན་ནོ། །འགྲོན་ཡན་ལག་དུ་པ་ཡིན། །བསོད་སྙོམས་པ་གང་ཡིན། །གང་གིས་ནི་བསོད་སྙོམས་པ་ཉིད་འདི་འཇིག་ཅེ་ན། འགྲོན་ནི་ཡན་ལག་གསུམ་པ་སྟེ། ཟས་རྣམས་ལྟ་གང་ཡང་རུང་བ་
D306.072.0133a04.01ཞིག་ལ་དེ་རིང་ངམ་སང་ངམ་ནམ་དགའ་བ་ན་འགྲོན་དུ་བོས་པ་ནི་འགྲོན་ཡིན་ནོ། །བསོད་སྙོམས་པ་ནི་འགྲོན་དུ་འགྲོ་བ་སྤོང་བ་ཡིན་ནོ། །འགྲོན་ཁས་ལེན་པས་ནི་བསོད་སྙོམས་པ་ཉིད་འཇིག་གོ། །མཐར་ཆགས་སུ་རྒྱུ་བ་ཉིད་ཇི་ལྟར་ཡང་དག་པར་ལེན་ཅེ་ན། ནར་མར་སྟེར་
D306.072.0133a05.01བ་ལ་གང་དང་གང་དུ་མང་པོ་དང་གྱ་ནོམ་པ་ནར་མ་རྙེད་པ་དེ་དང་དེ་ཁོ་ནར་འགྲོ་ན་ཟན་ནར་མ་དང་འདྲ་བས་ཡོ་བྱད་བསྙུངས་པ་མ་ཡིན་པའི་ཉེས་དམིགས་ཀྱང་མཐོང་། མཐར་ཆགས་སུ་རྒྱུ་བ་ཉིད་ཀྱི་ཡོན་ཏན་དག་ཀྱང་མཐོང་ནས་འདི་སྐད་དུ་དེང་སླན་ཆད་དུ་ནར་མ་སྟེར་བ་སྤོང་སྟེ།
D306.072.0133a06.01མཐར་ཆགས་སུ་རྒྱུ་བ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་མཐར་ཆགས་སུ་རྒྱུ་བ་ཉིད་ཀྱི་ཡོན་ཏན་ནི་འདི་དག་ཡིན་ཏེ། སེམས་སྙོམས་པ་ཉིད་དང་། སེམས་ཅན་ལ་སྙིང་བརྩེ་བ་ཉིད་དང་། ཁྱིམ་ལ་སེར་སྣ་སྤོང་བ་ཉིད་དང་། ཁྱིམ་དུ་འགྲོ་བའི་ཉེས་
D306.072.0133a07.01