完整藏文原文 · 德格版页 当前仅加载第 72 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ཀྱང་ལྷུང་བཟེད་ཀྱིས་ཆུ་བླངས་ནས་ཡང་མི་ཟ་བ་ཡིན་ནོ། །ཟས་ཀྱི་མཐའ་པ་ཞེས་བྱ་བ་ནི་ཟ་བ་ན་ཁམ་གྱི་ཐ་མ་མིད་ནས་ཡང་མི་ཟ་བ་ཡིན་ནོ། །སྟན་གཅིག་པ་ལ་ནི་ལན་གཉིས་སུ་འདུག་སྟེ་ཟ་བ་སྤོང་བ་ཡིན་ནོ། །ཟས་ཀྱི་མཐའ་ནི་ཆུ་དང་སྨན་མ་
D306.072.0134a01.01གཏོགས་པ་མེད་པར་བྱ་བ་གང་ཅུང་ཟད་ཅི་ཡང་རུང་བ་ཡིན་ནོ། །ལན་གཉིས་སུ་འདུག་སྟེ་ཟ་བས་ནི་སྟན་གཅིག་པ་ཉིད་འཇིག་གོ། །ཟས་ཆོག་པ་པ་ཇི་ལྟར་ཡང་དག་པར་ལེན་ཅེ་ན། ཟས་མང་དུ་ཟོས་ན་ལུས་ལྕི་བར་བྱེད་པ་དང་། ཕུལ་སྐྱེ་བ་དང་། འདོད་ཆེན་ཆེ་བ་
D306.072.0134a02.01ཉིད་དང་། ཡོ་བྱད་བསྙུངས་པ་མ་ཡིན་པའི་ཉེས་དམིགས་ཀྱང་མཐོང་། ཟས་ཆོག་པ་པ་ཉིད་ཀྱི་ཡོན་ཏན་དག་ཀྱང་མཐོང་ནས་འདི་སྐད་དུ་དེང་སླན་ཆད་ཟས་མང་པོ་སྤོང་སྟེ། ཟས་ཆོག་པ་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་ཟས་ཆོག་པ་
D306.072.0134a03.01པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། ཕུལ་མི་སྐྱེ་བ་ཉིད་དང་། ཟས་ཀྱི་ཚོད་ཟིན་པ་ཉིད་དང་། ཟས་མང་དུ་ཟ་བའི་གནད་ཤེས་པ་ཉིད་དང་། ལུས་ཀྱི་གནས་ངན་ལེན་བསྲབས་པ་དང་། དེ་ལ་ཆགས་པ་སྤོང་བ་དང་། གནོད་པ་ཆུང་བ་ཤེས་པ་དང་། ཀུན་ནས་ལྡང་བ་ཡང་
D306.072.0134a04.01དག་པར་སྤོང་བ་དང་། སྐྱེས་བུ་དམ་པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་ཅན་ཏེ། དེ་ལྟ་བུ་ལ་སོགས་པ་ནི་ཟས་ཆོག་པ་པའི་ཡོན་ཏན་དག་ཡིན་ནོ། །ཟས་ཀྱི་ཚད་ནི་ཇི་ལྟར་འཛིན། ཟས་ཀྱི་ཆོག་པ་པ་ནི་གང་ཡིན། གང་གིས་ནི་ཟས་ཆོག་པ་པ་ཉིད་འདི་
D306.072.0134a05.01འཇིག་ཅེ་ན། འབྲས་བྲེའུ་ཆུང་གང་གིས་འབྲས་ཆན་ལྷུང་བཟེད་དུ་བླངས་ནས་ཆོག་པའི་མཚན་མ་ལ་ཉེ་བར་རྟོག་ཅིང་། དེའི་འོག་ཏུ་མི་བླང་བའི་མཚན་མ་ལ་མཁས་པ་ཡིན་ཏེ། གོམས་པ་ན་ལྟོའི་ཚད་ཀྱང་ཤེས་པར་འགྱུར་རོ། །ཟས་ཆོག་པ་པ་ནི་ཟས་མང་པོ་སྤོང་བ་ཡིན་ནོ། །
D306.072.0134a06.01ཟས་ཚད་ལས་ལྷག་པས་ནི་ཟས་ཆོག་པ་པ་ཉིད་འཇིག་གོ། །ཟས་ཕྱིས་མི་ལེན་པ་ཉིད་ཇི་ལྟར་ཡང་དག་པར་ལེན་ཅེ་ན། ཟས་ལྷག་པར་ཟོས་ན་ཕུལ་སྐྱེ་བ་དང་། གཞན་ལ་རག་ལས་པ་ཉིད་དང་། ཡོ་བྱད་བསྙུངས་པ་མ་ཡིན་པའི་ཉེས་དམིགས་ཀྱང་མཐོང་། ཟས་ཕྱིས་མི་ལེན་
D306.072.0134a07.01