完整藏文原文 · 德格版页 当前仅加载第 72 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །འགོག་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན་ཕུང་པོ་ཟད་པར་འགྱུར་རོ། །འཆི་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན་གསོན་པ་ལ་འཆུམས་པ་སྤོང་བར་འགྱུར་རོ། །ཚེ་དང་ལྡན་པ་
D318.072.0191a01.01དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་བྱེད་པའི་བདག་ཉིད་ལ་བར་དུ་གཅོད་པའི་ཆོས་ཉི་ཤུ་སྟེ། འདི་ལྟ་སྟེ། མི་བརྩོན་པ་དང་མི་བརྩོན་པ་དང་འགྲོགས་པ་དང་། ཡོངས་སུ་མི་འདྲི་བ་དང་མི་འཐུན་པའི་ལུང་དང་ལུག་ལྟར་ལྐུགས་པ་ཉིད་དང་སྲེད་
D318.072.0191a02.01པ་ཅན་ཉིད་དང་བྱ་བ་མང་བ་ཉིད་དང་ལས་ཀྱི་མཐའ་ཉེས་པར་བྱས་པ་ཉིད་དང་། བརྩོན་པ་བཏང་བ་ཉིད་དང་བར་དུ་གཅོད་པ་རྣམས་ཐོས་ན་ཉམ་ང་བ་དང་། ཁེངས་པ་དང་མི་འཐུན་པར་འཛིན་པ་ཉིད་དང་བརྗེད་ངས་པ་ཉིད་དང་བག་མེད་པ་དང་ཡུལ་དུ་མ་གནས་
D318.072.0191a03.01པ་དང་དབང་པོ་རྣམས་ཀྱི་སྒོམ་བསྲུངས་པ་ཉིད་དང་ཟས་ཀྱི་ཚོད་མི་རིག་པ་ཉིད་དང་། ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་མི་བརྩོན་པ་ཉིད་དང་དབེན་པ་ལ་མངོན་པར་མི་དགའ་བ་དང་ཇི་ལྟ་བ་བཞིན་ལ་སོ་སོར་མི་རྟོག་པའོ། །ཚེ་དང་
D318.072.0191a04.01ལྡན་པ་དག་བར་དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པར་འགྱུར་བའི་གཅེས་སྤྲས་བྱེད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། འདུན་པ་འཐོབ་པ་དང་ཕན་ཡོན་མཐོང་བ་ཉིད་དང་མངོན་པར་སྤྲོ་བ་ཉིད་དང་། རྣམ་པར་འགྱེད་པ་དང་རྒྱལ་བ་དང་
D318.072.0191a05.01ཆོས་རྣམས་ཀྱི་མཚན་མའི་རྗེས་སུ་འབྲང་བ་དང་། བདག་ལ་མི་བརྙས་པ་དང་གུས་པར་ཉན་པ་དང་ཡོངས་སུ་འདྲི་བ་དང་དབེན་པ་ལ་མངོན་པར་དགའ་བ་དང་ཇི་ལྟ་བ་བཞིན་ལ་སོ་སོར་རྟོག་པའོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་
D318.072.0191a06.01ཚུལ་བཞིན་ཡིད་ལ་བྱེད་པའི་བདག་ཉིད་ཀྱི་གཅེས་སྤྲས་བྱེད་པའི་ཆོས་ཉི་ཤུ་སྟེ། འདི་ལྟ་སྟེ། བརྩོན་པ་དང་བརྩོན་པ་དང་འགྲོགས་པ་དང་། ཡོངས་སུ་འདྲི་བ་དང་འཐུན་པའི་ལུང་དང་ལུག་ལྟར་ལྐུགས་པ་མ་ཡིན་པ་ཉིད་དང་སྲེད་པ་ཅན་མ་ཡིན་པ་ཉིད་དང་བྱ་བ་
D318.072.0191a07.01