完整藏文原文 · 德格版页 当前仅加载第 72 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཆགས་པ་དང་། རོ་ལ་ཆགས་པ་དང་། རེག་བྱ་ལ་ཆགས་པ་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་དག་གིས་ཀུན་དུ་བསགས་པ། ཉེ་བར་བསགས་པ་དེ་ནི་སོ་སོར་བརྟགས་པས། འདི་ལྟ་སྟེ། མི་འཆི་བའི་དབྱིངས་ལ་ཉེ་བར་རྣམ་པར་གཞག་པ་
D318.072.0192b01.01མ་ཡིན་པར་འགྱུར་རོ། །ཚེ་དང་ལྡན་པ་དག་སོ་སོའི་སྐྱེ་བོས་རྣམ་པ་ཉི་ཤུས་སེམས་སྐྱོ་བར་བྱ་སྟེ། བདག་ནི་རྟོགས་པས་གསོག་ཡིན་ནོ། །མ་དུལ་བར་འཆི་བར་འགྱུར་རོ། །གཡང་སར་ལྟུང་བར་འགྱུར་རོ། །འཇིགས་པ་དང་བཅས་པའི་ཕྱོགས་སུ་འགྲོ་བར་འགྱུར་རོ། །
D318.072.0192b02.01འཇིགས་པ་མེད་པའི་ཕྱོགས་མི་ཤེས་པའོ། །ལས་མི་ཤེས་པའོ། །ཏིང་ངེ་འཛིན་མ་ཐོབ་པའོ། །ཡང་སྲིད་པ་ནི་སྡུག་བསྔལ་བའོ། །དལ་བ་ཕུན་སུམ་ཚོགས་པ་ནི་རྙེད་དཀའ་བའོ། །འདོད་པ་དག་གསོད་པར་བྱེད་པས་རྟག་ཏུ་རྗེས་སུ་བཅིངས་པའོ། །བདག་ནི་འགྲོ་བ་ལས་
D318.072.0192b03.01མ་འདས་པའོ། །བདག་ནི་ངན་སོང་དག་ལས་ཡོངས་སུ་མ་གྲོལ་བའོ། །བདག་ནི་ལྟ་བར་གྱུར་པ་དཔག་ཏུ་མེད་པ་དང་ཡང་དག་པར་ལྡན་པའོ། །བདག་ནི་མཚམས་མེད་པའི་ལས་རྣམས་མི་བྱ་བའི་ཕྱིར་གེགས་མ་བྱས་པའོ། །བདག་ནི་སྐྱེ་བའི་འཁོར་བ་ཐོག་མ་དང་ཐ་མ་མེད་པའི་
D318.072.0192b04.01མཐར་མ་བྱས་པའོ། །མཐར་མ་བྱས་ན་བྱེད་པ་གཞན་མེད་དོ། །མ་བྱས་ན་བདེ་བའི་ངོ་བོ་མེད་དོ། །ལས་བྱས་པ་རྣམས་ནི་ཆུད་ཟ་བ་མེད་དོ། །བདག་ནི་མ་རིག་པར་གྱུར་ཅིང་མི་མཁས་ལ་འཆི་བའི་དུས་བྱེད་པར་འགྱུར་རོ་ཞེས་སོ་སོའི་སྐྱེ་བོས་སེམས་སྐྱོ་བར་བྱའོ། །དེ་རྣམ་པ་ཉི་ཤུ་པོ་དེ་
D318.072.0192b05.01རྣམས་ཀྱིས་སེམས་སྐྱོ་ཤིན་ཏུ་སྐྱོ། སྐྲག་ཤིན་ཏུ་སྐྲག །བཀག་ཤིན་ཏུ་བཀག་ན་རྣམ་པ་གཞན་ཉི་ཤུས་སེམས་མྱུར་བ་མྱུར་བར་ཡང་དག་པར་གནས་ཏེ། དེ་སེམས་ཀྱི་མཚན་མ་ཡིད་ལ་བྱེད་པའི་སེམས་མྱུར་བ་མྱུར་བར་ཡང་དག་པར་གནས་སོ། །དེ་སེམས་བླ་ན་མེད་པའམ། སེམས་
D318.072.0192b06.01རྩེ་གཅིག་པའམ། ཏིང་ངེ་འཛིན་གྱི་མཚན་མའམ། ཏིང་ངེ་འཛིན་ལ་གནས་པའི་མཚན་མའམ། ཏིང་ངེ་འཛིན་ལས་ལྡང་བའི་མཚན་མའམ། ཞི་གནས་ཀྱི་མཚན་མ་འམ། རབ་ཏུ་འཛིན་པའི་མཚན་མའམ། བཏང་སྙོམས་ཀྱི་མཚན་མའམ། སྤྱོད་ཡུལ་མ་ཡིན་པ་སྤོང་
D318.072.0192b07.01