完整藏文原文 · 德格版页 当前仅加载第 74 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡིན་ལ་མྱོང་བ་ཡང་གཞན་ཡིན་ན་ནི། དེ་ལྟ་ན་སྡུག་བསྔལ་གཞན་གྱིས་བྱས་པ་ཡིན་པར་འགྱུར་ན། འོད་སྲུང་ང་ནི་དེ་སྐད་མི་ཟེར་རོ། །འོད་སྲུང་གང་གི་ཚེ་ཚོར་བ་ཡང་དེ་ཉིད་ཡིན་ལ། མྱོང་བ་ཡང་དེ་ཉིད་ཡིན་པ་དང་། གང་གི་ཚེ་ཚོར་བ་ཡང་
D340.074.0010a01.01གཞན་ཡིན་ལ། མྱོང་བ་ཡང་གཞན་ཡིན་ན་ནི། དེ་ལྟ་ན་སྡུག་བསྔལ་རང་གིས་བྱས་པ་ཡང་ཡིན་ལ། གཞན་གྱིས་བྱས་པ་ཡང་ཡིན་པར་འགྱུར་ན། འོད་སྲུང་ང་ནི་དེ་སྐད་མི་ཟེར་རོ། །འོད་སྲུང་གང་གི་ཚེ་སྡུག་བསྔལ་རྐྱེན་རྣམས་མེད་པར་འགྱུར་ན་ནི། དེ་ལྟ་ན་སྡུག་
D340.074.0010a02.01བསྔལ་རང་གིས་བྱས་པ་དང་། གཞན་གྱིས་བྱས་པ་དང་། རྒྱུ་ལས་བྱུང་བ་ཡང་མ་ཡིན་པར་འགྱུར་ན། འོད་སྲུང་ང་ནི་དེ་སྐད་མི་ཟེར་རོ། །དེ་བཞིན་གཤེགས་པ་ནི་མཐའ་དེ་གཉིས་ལ་མི་བརྟེན་པར། དབུ་མའི་ལམ་གྱི་ཆོས་སྟོན་ཅིང་འདི་ལྟ་སྟེ། འདི་ཡོད་ན་འདི་
D340.074.0010a03.01འབྱུང་ལ། འདི་སྐྱེས་པས་འདི་སྐྱེ་བར་འགྱུར་ཏེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས་འབྱུང་། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་འབྱུང་། རྣམ་པར་ཤེས་པའི་རྐྱེན་གྱིས་མིང་དང་གཟུགས་འབྱུང་། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་
D340.074.0010a04.01འབྱུང་། སྐྱེ་མཆེད་དྲུག་གི་རྐྱེན་གྱིས་རེག་པ་འབྱུང་། རེག་པའི་རྐྱེན་གྱིས་ཚོར་བ་འབྱུང་། ཚོར་བའི་རྐྱེན་གྱིས་སྲེད་པ་འབྱུང་། སྲེད་པའི་རྐྱེན་གྱིས་ལེན་པ་འབྱུང་། ལེན་པའི་རྐྱེན་གྱིས་སྲིད་པ་འབྱུང་། སྲིད་པའི་རྐྱེན་གྱིས་སྐྱེ་བ་འབྱུང་། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་
D340.074.0010a05.01དང་སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ། འདི་མེད་ན་འདི་མི་འབྱུང་ལ། འདི་འགགས་པས་འདི་
D340.074.0010a06.01འགག་པར་འགྱུར་ཏེ། འདི་ལྟ་སྟེ། མ་རིག་པ་འགགས་པས་འདུ་བྱེད་འགག །འདུ་བྱེད་འགགས་པས་རྣམ་པར་ཤེས་པ་འགག །རྣམ་པར་ཤེས་པ་འགགས་པས་མིང་དང་གཟུགས་འགག །མིང་དང་གཟུགས་འགགས་པས་སྐྱེ་མཆེད་དྲུག་འགག །སྐྱེ་མཆེད་དྲུག་
D340.074.0010a07.01