完整藏文原文 · 德格版页 当前仅加载第 74 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་དང་། མི་དགའ་བའི་གཞི་ནི་འདུན་པའོ། །ཀུན་འབྱུང་བ་ནི་འདུན་པའོ། །རྣམ་པ་ནི་འདུན་པའོ། །སྐྱེ་བ་ནི་འདུན་པའོ། །འདུན་པ་ཡོད་ན་དགའ་བ་དང་མི་དགའ་བ་འབྱུང་བར་འགྱུར་ལ་འདུན་པ་མེད་ན་དགའ་བ་དང་། མི་དགའ་བ་འབྱུང་བར་མི་འགྱུར་རོ། །བརྒྱ་བྱིན་གྱིས་
D340.074.0076b01.01གསོལ་པ། བཙུན་པ་དེ་ནི་དེ་ལགས་སོ། །དེ་ནི་དེ་ལགས་ཏེ། དགའ་བ་དང་མི་དགའ་བའི་གཞི་ནི་འདུན་པ་ལགས་སོ། །ཀུན་འབྱུང་བ་ནི་འདུན་པ་ལགས་སོ། །རྣམ་པ་ནི་འདུན་པ་ལགས་སོ། །སྐྱེ་བ་ནི་འདུན་པ་ལགས་ཏེ། འདུན་པ་མཆིས་ན་དགའ་བ་དང་མི་དགའ་བ་འབྱུང་
D340.074.0076b02.01བར་འགྱུར་ལ། འདུན་པ་མ་མཆིས་ན་དགའ་བ་དང་མི་དགའ་བ་འབྱུང་བར་མི་འགྱུར་ཏེ། བཅོམ་ལྡན་འདས་ཀྱིས་བཀའ་སྩལ་པའི་དོན་འདི་བདག་གིས་རྟོགས་ནས། སོམ་ཉི་ལས་བརྒལ་ཏེ་ཐེ་ཙོམ་དང་བྲལ་ལགས་སོ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལས་
D340.074.0076b03.01ཞུ་བ་ལུང་བསྟན་པ་ཐོས་ནས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་ཅིང་རྗེས་སུ་ཡི་རངས་ནས། བཅོམ་ལྡན་འདས་ལ་ཞུ་བ་ཕྱི་མ་ཞུས་པ། བཙུན་པ་འདུན་པའི་གཞི་ནི་ཅི་ལགས། ཀུན་འབྱུང་བ་ནི་ཅི་ལགས། རྣམ་པ་ནི་ཅི་ལགས། ཅི་ལས་ནི་སྐྱེས་ལགས།
D340.074.0076b04.01གང་མཆིས་ན་འདུན་པ་འབྱུང་བར་འགྱུར་ལ། གང་མ་མཆིས་ན་འདུན་པ་འབྱུང་བར་མི་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་འདུན་པའི་གཞི་ནི་རྟོག་པའོ། །ཀུན་འབྱུང་བ་ནི་རྟོག་པའོ། །རྣམ་པ་ནི་རྟོག་པའོ། །སྐྱེ་བ་ནི་རྟོག་པ་སྟེ། རྟོག་པ་ཡོད་ན་
D340.074.0076b05.01འདུན་པ་འབྱུང་བར་འགྱུར་ལ། རྟོག་པ་མེད་ན་འདུན་པ་འབྱུང་བར་མི་འགྱུར་རོ། །ལྷའི་དབང་པོ་བརྒྱ་བྱིན་གྱིས་གསོལ་པ། བཙུན་པ་དེ་ནི་དེ་ལགས་སོ། །དེ་ནི་དེ་ལགས་ཏེ། འདུན་པའི་གཞི་ནི་རྟོག་པ་ལགས་སོ། །ཀུན་འབྱུང་བ་ནི་རྟོག་པ་ལགས་སོ། །རྣམ་པ་ནི་རྟོག་པ་
D340.074.0076b06.01ལགས་སོ། །སྐྱེ་བ་ནི་རྟོག་པ་ལགས་ཏེ། རྟོག་པ་ཡོད་ན་འདུན་པ་འབྱུང་བར་འགྱུར་ལ། རྟོག་པ་མེད་ན་འདུན་པ་འབྱུང་བར་མི་འགྱུར་ཏེ། བཅོམ་ལྡན་འདས་ཀྱིས་བཀའ་སྩལ་པའི་དོན་འདི་བདག་གིས་རྟོགས་ནས་སོམ་ཉི་ལས་བརྒལ་ཏེ། ཐེ་ཙོམ་དང་བྲལ་ལགས་སོ། །དེ་ནས་
D340.074.0076b07.01