完整藏文原文 · 德格版页 当前仅加载第 76 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མི་དགའ་བ་དང་། མ་ཡིན་པ་བྱས་པ་དག་ལ་རྟོག་པ་དང་། གཉིད་ཆུང་ཞིང་ཞེ་སྡང་མང་བ་གང་ཡིན་པ་དེ་ནི་སྔོན་ཁྱི་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་གཡེམ་པ་ལ་དགའ་ཞིང་སྐྱེ་བོ་མང་པོའི་ཡིད་དུ་འོང་བའི་གཏམ་བརྗོད་པ་ལ་མངོན་པར་དགའ་བ་གང་ཡིན་པ་
D354.076.0204b01.01དེ་ནི་སྔོན་ནེ་ཙོ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་ལུས་ཀྱི་བོང་ཆུང་ཞིང་གཡེམ་པ་ལ་དགའ་བ་དང་། སེམས་རྩེ་གཅིག་ཏུ་མི་གནས་པ་དང་། གཟུགས་མཐོང་མ་ཐག་ཏུ་མངོན་པར་ཞེན་པའི་སེམས་འབྱུང་བ་གང་ཡིན་པ་དེ་ནི་སྔོན་བྱེའུ་མཆིལ་པ་བྱས་པ་ལས་
D354.076.0204b02.01འོངས་པ་ཡིན་ནོ། །མིར་གྱུར་ཀྱང་མིག་དམར་ཞིང་སོ་ཐུང་བ་དང་། སྨྲ་བའི་ཚེ་ལྦུ་བ་འབྱུང་ཞིང་ཉལ་ན་གོས་ཀྱིས་ལུས་དཀྲི་བར་བྱེད་པ་གང་ཡིན་པ་དེ་ནི་སྔོན་སྦྲུལ་དང་རྩངས་པ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་སྨྲས་མ་ཐག་ཏུ་ཁོང་ཁྲོ་ཞིང་ཕ་རོལ་གྱི་དོན་ལ་སོ་སོར་མི་
D354.076.0204b03.01རྟོག་པར་ངག་གི་གདུག་པ་འབྱིན་པ་གང་ཡིན་པ་དེ་ནི་སྔོན་སྡིག་པ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་གཅིག་པུ་དབེན་པར་གནས་ཤིང་ཟས་ལ་བརྐམ་པ་དང་། མཚན་མོ་གཉིད་ཆུང་བ་གང་ཡིན་པ་དེ་ནི་སྔོན་བྱི་ལ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་རྩིག་
D354.076.0204b04.01པ་ཕུག་ནས་རྐུན་པོ་བྱེད་པ་དང་། ནོར་ལ་བརྐམ་ཞིང་འཁོན་འབྱུང་སླ་བ་དང་། ཉེ་རིང་གི་མཚན་མ་མེད་པ་གང་ཡིན་པ་དེ་ནི་སྔོན་བྱི་བ་བྱས་པ་ལས་འོངས་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། མིར་གྱུར་ཀྱང་མཆོད་རྟེན་དང་། གཙུག་ལག་ཁང་བཤིག་པ་
D354.076.0204b05.01དང་། དཀོན་མཆོག་གསུམ་གྱི་དཀོར་སྦས་ནས་བདག་ཉིད་ཀྱིར་ཡོངས་སུ་སྤྱོད་པ་གང་ཡིན་པ་དེ་ནི་ཤི་འཕོས་ནས་སེམས་ཅན་དམྱལ་བ་ཆེན་པོ་མནར་མེད་པར་ལྷུང་བར་འགྱུར་རོ། །སེམས་ཅན་དམྱལ་བ་ལས་ཐར་བར་གྱུར་ན་ཡང་དུད་འགྲོའི་སྐྱེ་གནས་ཀྱི་ལུས་འདི་ལྟ་སྟེ། ཕུག་
D354.076.0204b06.01རོན་དང་། མཆིལ་པ་དང་། ངུར་པ་དང་། ནེ་ཙོ་དང་། བྱེའུ་སྔོན་པོ་དང་། ཉ་དང་། རུས་སྦལ་དང་། སྤྲེའུ་དང་། {རི་དགས་,རི་དྭགས་}ཀྱི་ལུས་ལེན་པར་འགྱུར་རོ། །བརྒྱ་ལམ་ན་མིའི་ལུས་ཐོབ་པར་གྱུར་ན་ཡང་མ་ནིང་དང་། བུད་མེད་དང་། མཚན་གཉིས་པ་དང་། དབང་པོ་མེད་པ་དང་།
D354.076.0204b07.01