完整藏文原文 · 德格版页 当前仅加载第 76 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་འདི་ལ་ཆང་གི་ནང་དུ་བསྣན་ཏེ། གཞན་དག་ལ་བྱིན་པ་གང་ཡིན་པ་དེ་ནི་ཤི་འཕོས་ནས་ཆུའི་ནང་དུ་སྲིན་བུ་དག་ཏུ་སྐྱེ་བར་འགྱུར་ཏེ། བརྒྱ་ལ་མིའི་ནང་དུ་སྐྱེས་པར་གྱུར་ན་ཡང་ལུས་སྐྲང་ཞིང་དབུགས་ཐུང་བས་འཆི་བའི་དུས་བྱེད་པར་འགྱུར་རོ། །བཅོམ་ལྡན་འདས་ཀྱིས་
D354.076.0206a01.01བཀའ་སྩལ་པ། ཇི་སྐད་དུ་བསྟན་པའི་སྡུག་བསྔལ་སྣ་ཚོགས་མང་པོ་དེ་དག་ཐམས་ཅད་ནི་སྡིག་པ་མི་དགེ་བའི་ལས་རྣམ་པ་བཅུའི་དབང་ལས་གྱུར་པ་ཡིན་པས་རབ་གང་ཡིན་པ་དེ་ནི་སེམས་ཅན་དམྱལ་བའི་རྒྱུ་དང་རྐྱེན་བྱེད་པར་འགྱུར་རོ། །འབྲིང་གང་ཡིན་པ་དེ་ནི་དུད་འགྲོའི་སྐྱེ་གནས་ཀྱི་
D354.076.0206a02.01རྒྱུ་དང་རྐྱེན་བྱེད་པར་འགྱུར་རོ། །ཐ་མ་གང་ཡིན་པ་དེ་ནི་{ཡི་དགས་,ཡི་དྭགས་}ཀྱི་རྒྱུ་དང་རྐྱེན་བྱེད་པར་འགྱུར་རོ། །སྲོག་གཅོད་པའི་ཁ་ན་མ་ཐོ་བ་དེས་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་འགྱུར་རོ། །གལ་ཏེ་མིར་སྐྱེས་པར་
D354.076.0206a03.01གྱུར་ན་ཡང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། ཚེ་ཐུང་བ་དང་། ནད་མང་བ་གང་ཡིན་པའོ། །མ་བྱིན་པར་ལེན་པའི་ཁ་ན་མ་ཐོ་བ་གང་ཡིན་པ་དེ་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་
D354.076.0206a04.01བྱེད་དོ། །གལ་ཏེ་མིར་སྐྱེས་པར་གྱུར་ན་ཡང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། དབུལ་ཞིང་ཕོངས་པ་དང་། ནོར་ཐུན་མོང་དུ་འགྱུར་ཞིང་རང་དབང་མེད་པ་གང་ཡིན་པའོ། །འདོད་པས་ལོག་པར་གཡེམ་པའི་ཁ་ན་མ་ཐོ་བ་གང་ཡིན་པ་དེ་ནི་སེམས་
D354.076.0206a05.01ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་པར་གྱུར་ན་ཡང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། ཆུང་མ་གཞན་གྱིས་བྱི་བ་བྱེད་པ་དང་། ཆུང་མ་དང་ཕན་
D354.076.0206a06.01ཚུན་རྩོད་ཅིང་བདག་གི་སེམས་ཀྱིས་བསམས་བཞིན་དུ་མི་འགྱུར་བ་གང་ཡིན་པའོ། །{བརྫུན་,རྫུན་}དུ་སྨྲ་བའི་ཁ་ན་མ་ཐོ་བ་གང་ཡིན་པ་དེ་ནི་སེམས་ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་
D354.076.0206a07.01