完整藏文原文 · 德格版页 当前仅加载第 79 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་དང་མཐའ་ཡི་མཚམས་རྣམས་སུ། །སྣ་ཚོགས་གདུལ་བའི་ཐབས་ཅན་གྱིས། །སེམས་ཅན་དོན་ལ་བརྩོན་པར་མཛད། །གསང་བའི་གནས་ཀྱི་རྣམ་གནས་པ། །རབ་ཏུ་འབད་དེ་སྦ་བར་བྱ། །རྣལ་འབྱོར་མ་དང་དཔའ་བོ་ཡིས། །ཇི་ལྟར་འདོད་པའི་དངོས་གྲུབ་སྟེར། །རྣལ་
D375.079.0043b01.01འབྱོར་འབྲས་བུ་ཐོབ་ནས་ནི། །སྲིད་མཚོར་ལྟུང་བར་མི་འགྱུར་རོ། །འཁོར་བ་ལས་ནི་སྒྲོལ་བའི་ཐབས། །རྒྱུད་ཀྱི་སྙིང་པོ་བསྡུས་པ་ཡིན། །བླ་མ་སློབ་མས་རྟོགས་སླའི་ཕྱིར། །ཆོ་ག་རྒྱ་ཆེར་མ་བཤད་དེ། །སེམས་ནི་ངལ་སོ་རྣལ་འབྱོར་བ། །མྱ་ངན་འདས་པ་བསྟན་
D375.079.0043b02.01མི་བྱ། །དེ་ལྟར་སྤྱོད་པའི་སྐྱེས་མཆོག་འདི། །སྡིག་པ་ཐམས་ཅད་རྣམ་དག་འགྱུར། །འཇིག་རྟེན་འདི་འམ་ཕ་རོལ་ཏུ། །འདིས་ནི་སངས་རྒྱས་ཉིད་མཐོང་འགྱུར། །ཇི་ལྟར་སྔར་བཤད་སྡིག་པ་རྣམས། །སྤང་བར་བྱ་བའི་མཚན་ཉིད་ཡིན། །གང་ཞིག་འདི་སྒོམ་
D375.079.0043b03.01རྣལ་འབྱོར་པ། །འདོད་པའི་བདེ་བ་ཐམས་ཅད་སྟེར། །ཧེ་རུ་ཀ་དཔལ་མཚན་བརྗོད་པས། །ལྷ་སོགས་ཀུན་གྱི་གསང་གང་དང་། །མི་ལ་སོགས་ལ་གང་ཞིག་ཡོད། །དེ་ཡི་བསོད་ནམས་དེས་འཐོབ་བོ། །བསམ་གཏན་གྱིས་ནི་བསམས་ཙམ་མམ། །འདོན་
D375.079.0043b04.01ཅིང་ཀློག་གམ་བྲིས་པ་ཡིས། །མཐོ་རིས་ལོངས་སྤྱོད་འཐོབ་འགྱུར་ཏེ། །ཡང་ན་འཁོར་ལོས་སྒྱུར་ཉིད་འགྱུར། །རྣལ་འབྱོར་པ་ནི་འཕོ་བའི་ཚེ། །དཔལ་ལྡན་ཧེ་རུ་ཀ་ལ་སོགས། །དཔའ་བོ་དག་ནི་ཐམས་ཅད་དང་། །རྣལ་འབྱོར་མ་ནི་ཇི་སྙེད་པ། །ལག་ན་སྣ་ཚོགས་མེ་
D375.079.0043b05.01ཏོག་བསྣམས། །བ་དན་རྒྱལ་མཚན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུས་ནི་ཉེ་བར་མཆོད། །འཆི་བ་ཞེས་བྱ་རྣམ་རྟོག་སྟེ། །མཁའ་ལ་སྤྱོད་པའི་གནས་སུ་འཁྱེར། །དེ་ལྟའི་དཔའ་བོ་ཆེན་པོ་དང་། །རྣལ་འབྱོར་མ་ནི་ས་སྟེང་དཀོན། །
D375.079.0043b06.01ཇི་ལྟར་བུད་མེད་བྱིས་གཏམ་རྗེས་ཡི་རང་། །ཀུན་སྨྲ་བསྟེན་པའི་གཏམ་ཡང་རྗོད་པར་བྱེད། །ལམ་ཡང་བཤད་ཅིང་འཆི་བར་འགྱུར་བ་ཡིན། །རྣལ་འབྱོར་ལམ་ངན་དེ་དང་འདྲ་བར་བཤད། །དེ་ནས་གཞན་ཡང་བཤད་བྱ་བ། །གནས་སོགས་རྣལ་འབྱོར་མ་ཡི་གནས། །ཧེ་རུ་ཀ་
D375.079.0043b07.01