完整藏文原文 · 德格版页 当前仅加载第 79 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་སོགས་རྣལ་འབྱོར། །དཔའ་བོ་གཉིས་མེད་རྣལ་འབྱོར་མ། །པུལླཱིར་མ་ལ་ཡར་རབ་གཏུམ། །ཛཱ་ལན་དྷ་རར་གཏུམ་པའི་མིག །ཨཽ་ཌྱན་ནི་འོད་ལྡན་མ། །ཨར་བུ་དར་ནི་སྣ་ཆེན་མོ། །གོ་དཱ་བ་རིར་དཔའ་བློ་མ། །རཱ་མེ་ཤྭ་རང་
D375.079.0044a01.01མིའུ་ཐུང་མ། །དེ་བཱི་ཀོ་ཊར་ལང་དབང་ཕྱུག །མཱ་ལ་པར་ནི་ཤིང་གྲིབ་མ། །ཀཱ་མ་རཱུ་པར་ས་སྲུང་མོ། །ཨོ་ཊིར་འཇིགས་བྱེད་ཆེན་མོ་ཡིན། །ཏྲི་ཤ་ཀུ་ནིར་རླུང་ཤུགས་མ། །ཀོ་ས་ལར་ནི་ཆང་འཐུང་མ། །ཀ་ལིང་ལྷ་མོ་སྔོ་བསངས་མ། །ལམ་པཱ་ཀར་ནི་རབ་
D375.079.0044a02.01བཟང་མོ། །ཀཱཉྩི་ཀར་ནི་རྟ་རྣ་མ། །ཧི་མ་ལ་ཡར་བྱ་གདོང་མ། །པྲེ་ཏ་པུ་རིར་འཁོར་ལོའི་ཤུགས། །གྲྀ་ཧ་དེ་བར་དུམ་སྐྱེས་མ། །སཽ་རཱཥྚར་ཆང་འཚོང་མོ། །གསེར་གླིང་འཁོར་ལོའི་གོ་ཆ་མོ། །ནཱ་ག་རར་ནི་རབ་དཔའ་མོ། །སིན་དྷུའི་ཡུལ་དུ་སྟོབས་ཆེན་མོ། །
D375.079.0044a03.01མྱ་ངན་ཡུལ་དུ་འཁོར་སྒྱུར་མ། །ཀུ་ལུ་ཏཱར་ནི་བརྩོན་ཆེན་མོ། །ཡུལ་འདི་རྣམས་ཀྱི་བུ་མོ་གང་། །དཔའ་བོ་གཉིས་མེད་རྣལ་འབྱོར་མའོ། །གསང་བའི་སྔགས་ལ་རྟག་གནས་ནས། །རབ་ཏུ་འབད་དེ་བསྒྲུབ་པར་བྱ། །རྣལ་འབྱོར་མ་ནི་རེ་རེ་ཞིང་། །བྱེ་བ་གྲངས་
D375.079.0044a04.01སྙེད་དག་གིས་བསྐོར། །མཚན་མ་མཚན་ཉིད་ཕྱག་རྒྱ་སོགས། །གཡོན་པའི་སྒྲུབ་པ་པོ་ཡིས་སྦ། །མི་བཟད་ལས་ནི་གང་གང་གིས། །སྐྱེ་བོ་རྣམས་ནི་འཆིང་འགྱུར་བ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་བ་ལས་གྲོལ་འགྱུར། །འཁོར་བའི་ཕ་རོལ་
D375.079.0044a05.01བརྒལ་ནས་འདི། །ཅི་འདོད་ཡེ་ཤེས་ཅན་དུ་འགྱུར། །མགུར་ཆུ་གཙུག་རྒྱན་དཔུང་རྒྱན་དང་། །རྣ་རྒྱན་ཚངས་པའི་སྐུད་པ་དང་། །མགུལ་པ་བརྒྱན་ཅིང་སྤྱི་བོར་ཕྲེང་། །སྐ་རགས་རྐང་གདུབ་སྒྲ་ཉིད་དོ། །རི་སྟེང་སྣ་ཚོགས་པདྨ་ཡི། །གེ་སར་ཨ་ལི་ཀ་ལི་ལས། །ཉི་ཤུ་རྩ་
D375.079.0044a06.01བཞིར་ཡང་དག་ལྡན། །དཔའ་བོ་རྣལ་འབྱོར་མ་ཚོགས་བཅས། །ཨུ་མའི་བདག་པོ་ཡང་དག་མནན། །རྡོ་རྗེ་དྲིལ་བུ་སྐུ་ལ་འཁྱུད། །ཧེ་རུ་ཀ་དཔལ་རྒྱལ་པོ་ཆེ། །གོ་འཕང་མཆོག་ནི་བསྒོམ་པར་བྱ། །དེ་ནས་རྟག་ཏུ་སྤོས་ཆུས་འདིར། །རྟག་ཏུ་ལུས་ནི་ཡན་ལག་དྲིལ། །དྲི་
D375.079.0044a07.01