完整藏文原文 · 德格版页 当前仅加载第 79 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
མར་གྱི་སྙིང་པོ་དང་སྦྱར་ཏེ། །སྤྱི་བོའི་གཙུག་ཏུ་སྦ་བ་དང་། །འདི་ནི་རཏྣ་དེ་བ་སར། །སྐྲ་དཀར་མེད་པར་བྱེད་པའོ། །དེ་ནས་ཡང་དག་བཞི་པ་ཡང་། །དེ་ནི་མརྒད་ལྗང་གུ་སྟེ། །དབྱིབས་ནི་གྲུ་བཞི་ལྟ་བུ་སྟེ། །དོན་ཡོད་གྲུབ་པར་བྱིན་བརླབས་ཏེ། །རབ་ནི་བེ་ཅོན་དབྱུག་པ་
D389.079.0209b01.01ཙམ། །འདི་ནི་རཏྣ་ག་ག་ནི། །རྩ་བ་ལྔ་དང་ཡན་ལག་བཅས། །བསྐུས་ལ་རྣ་བ་གཡོན་དུ་གདགས། །འདི་ཡིས་བྱང་གི་གདོན་རྣམས་ཐུབ། །འབྲིང་ནི་བྱ་མོའི་སྒོ་ང་ཙམ། །མ་ཧཱ་དེ་བ་ཨུ་མ་དེ། །གཉིས་ཀྱི་ག་པུར་རཀྟ་ཡིས། །བྱུགས་ལ་ལྟེ་བའི་ནང་དུ་གཞུག །ག་པུར་སིཧླ་
D389.079.0209b02.01གཉིས་ཀ་འཛིན། །ཐ་མ་གཞན་སྐྱེས་སྒོ་ང་ཙམ། །ལྡོང་རོས་སེར་པོ་གསེར་དང་གསུམ། །མན་ཆ་གཅིག་ནི་བྱིན་ནས་ནི། །འདི་ནི་ཨེ་རུ་ན་ར་སྟེ། །སྲིན་བུ་མི་སྐྱེ་བདེ་དང་ལྡན། །འདི་ནི་རཏྣ་སནྡ་ཧ། །དེ་ནས་ཡང་དག་ལྔ་པ་ཡང་། །ཁ་དོགས་དབྱིབས་ནི་དུ་མར་སྣང་། །རྣམ་པར་སྣང་
D389.079.0209b03.01མཛད་བྱིན་བརླབས་ཏེ། །དོན་རྣམས་སོ་སོ་དུ་མ་བྱེད། །ལྷ་མོས་གསོལ་པ་བཅོམ་ལྡན་འདས། །མ་འོངས་སོ་སོ་སྐྱེ་བོ་ཡིས། །རིན་ཆེན་གནས་རྣམས་གང་ལས་བཙལ། །རིན་ཆེན་མི་འཚལ་ཇི་ལྟར་ལགས། །རིན་པོ་ཆེ་ནི་ཇི་ལྟར་བརྟག །བཅོམ་ལྡན་འདས་ཀྱིས་བཀའ་སྩལ་
D389.079.0209b04.01པ། །རྒྱ་མཚོ་ཆེན་པོའི་ཕྱི་རོལ་ན། །རིན་པོ་ཆེ་ཡི་གླིང་ཡོད་དེ། །དེ་ཡི་གནས་ནས་བཙལ་བར་བྱ། །གཞན་ཡང་རིན་ཆེན་གནས་རྣམས་ནི། །གསེར་དངུལ་ལ་སོགས་རྡོ་རྣམས་ཀྱི། །གནས་ནི་ཀུན་ན་ཡོད་པར་གསུངས། །རིན་ཆེན་ཤེས་པ་རྣམ་པ་ལྔ། །དང་པོར་རྒྱུད་རྣམས་ཐམས་
D389.079.0209b05.01ཅད་ལ། །རྨོངས་པ་མེད་པས་ཤེས་པ་དང་། །བླ་མའི་མན་ངག་ཤེས་པས་ཐོབ། །གཉིས་པ་རྣལ་འབྱོར་བཅས་པས་ཤེས། །གསུམ་པ་རྒྱུད་ཀྱི་མན་ངག་ལ། །ཞུགས་པའི་ཚོང་དཔོན་ཆེན་པོས་ཤེས། །བཞི་པ་ཡོན་ཏན་ཀུན་ལྡན་པའི། །རྒྱལ་པོ་ཆེན་པོ་དེས་ཤེས་སོ། །ལྔ་
D389.079.0209b06.01པ་རྣལ་འབྱོར་མཁས་པ་དང་། །རྒྱལ་པོ་དང་ནི་འབྲེལ་པ་ཡི། །གསེར་མགར་མཁས་པས་རྟོགས་པར་འགྱུར། །ལྷ་མོས་གསོལ་པ་བཅོམ་ལྡན་འདས། །དང་པོའི་མན་ངག་ཇི་ལྟར་ཡིན། །གཉིས་པ་རྣལ་འབྱོར་ཇི་ལྟར་ལགས། །གསུམ་པ་རྒྱུད་ནི་ཇི་ལྟར་ལགས། །བཞི་
D389.079.0209b07.01