完整藏文原文 · 德格版页 当前仅加载第 79 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
སོར་རྟོག་པ་སྟེ། །ཝཾ་ནི་མཉམ་ཉིད་ཡེ་ཤེས་སོ། །རིན་ཆེན་ཆོས་དབྱིངས་ཡེ་ཤེས་ཏེ། །རྣམ་པར་ཐར་དང་སྟོང་པ་དང་། །མཚན་དང་དེ་བཞིན་དཔེ་བྱད་རྣམས། །ཨ་ནི་འཁོར་ལོ་འབྱུང་བ་བཞི། །ཕཊ་ཀྱི་གནས་སུ་ཡེ་ཤེས་ལྔ། །ཨེ་ཡི་གནས་སུ་སྙོམས་
D389.079.0211a01.01འཇུག་དགུ། །ཝཾ་གི་གནས་སུ་ལྔ་བཅུ་བརྒྱད། །དེ་ཁོ་ན་རུ་ཤེས་པར་བྱ། །ཀྵ་ཨོཾ་ཨེ་ཏ་ས་བོན་བཞི། །ཡོན་ཏན་སྐྱོན་གྱི་མཚན་ཉིད་ཀྱིས། །ཀུན་ལ་ཁྱབ་ཅིང་ཤེས་པར་བྱ། །ལྷ་མོས་གསོལ་པ་བཅོམ་ལྡན་འདས། །འདི་ཡིས་གདོན་རྣམས་ཇི་ལྟར་ཐུབ། །བྱང་སེམས་
D389.079.0211a02.01དགག་པ་ཇི་ལྟར་ལགས། །སྐྲ་དཀར་གཉེར་མ་ཇི་ལྟར་ཞི། །བཅོམ་ལྡན་འདས་ཀྱིས་བཀའ་སྩལ་པ། །རྣམ་པར་རྟོག་པ་གདོན་ཡིན་ཏེ། །མཚན་དང་དཔེ་བྱད་སྤོང་བ་དང་། །ཕུང་པོ་ལྔ་ནི་བདུད་རྩི་ལྔ། །སྐྱེ་མཆེད་དེ་ནི་ལྔ་རུ་འགྱུར། །ཁམས་རྣམས་རྟེན་གྱི་ངོ་བོ་སྟེ། །དེ་
D389.079.0211a03.01རྣམས་རྟེན་རྩིའི་ངོ་བོ་སྟེ། །རྣམ་རྟོག་སྤོང་ཕྱིར་རིན་པོ་ཆེ། །བྱང་ཆུབ་སེམས་དགག་རིམ་པ་ཡང་། །གཡས་བརྐྱང་བས་ནི་ཐབས་ཀྱིས་ཏེ། །གཡོན་གྱིས་ཤེས་རབ་རྩ་མདུད་དགག །ས་གས་ནམ་མཁའ་དགག་པར་བྱ། །ཟླུམ་པོས་གསང་བའི་སྣ་རྩེར་དགག །
D389.079.0211a04.01ལ་ལ་ནཱ་དང་ར་ས་ནཱ། །ཨ་བ་དྷཱུ་ཏཱིའི་ནང་ཆུད་པ། །དེ་ནི་ནམ་མཁའ་ཟླུམ་པོ་སྟེ། །དཔེར་ན་སྦྲུལ་གྱི་ལྕེ་གཉིས་ལ། །དུག་དང་སྨན་ནི་ཡོད་པ་བཞིན། །གཞན་ཡང་འདུག་སྟངས་བྱེ་བྲག་གིས། །དགག་པའི་སྦྱོར་བ་ཤེས་པར་བྱ། །དགག་པ་སྲོག་དང་རྩོལ་བའི་
D389.079.0211a05.01རྟེན། །དེ་ལྟར་དབུས་སུ་གནས་པ་དང་། །རིམ་ནས་རིམ་པར་གྱེན་ལ་དྲང་། །སྐད་ཅིག་ནས་བཟུང་ལོ་ཡི་བར། །སྐྲ་དཀར་གཉེར་མའི་རང་བཞིན་དགག །གང་ལ་བརྟེན་པ་དེ་ཡི་ཚད། །ལྷ་མོས་གསོལ་པ་བཅོམ་ལྡན་འདས། །དབུས་སུ་གནས་པ་ཇི་ལྟར་ལགས། །
D389.079.0211a06.01རིམ་ནས་རིམ་དུ་ཇི་ལྟར་དྲང་། །བཅོམ་ལྡན་འདས་ཀྱིས་བཀའ་སྩལ་པ། །ཐབས་ཞེས་བྱ་བ་རྟག་པའི་མཐའ། །ཤེས་རབ་ཞེས་པ་ཆད་པའི་མཐའ། །སྙོམས་པར་འཇུག་པ་དབུ་མའི་དོན། །གཡས་ཀྱི་སྲོག་ནི་རྟག་པའི་མཐའ། །གཡོན་གྱི་རྩོལ་བ་ཆད་པའི་མཐའ། །
D389.079.0211a07.01