完整藏文原文 · 德格版页 当前仅加载第 79 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
ཟས། །གང་ཟག་དང་ནི་དབྱེ་བ་དང་། །ངོ་བོ་དང་ནི་ཚད་དང་ཡང་། །ཐབས་དང་དགོངས་པ་དགོས་པ་དང་། །མཁས་པས་ཀུན་ལ་སྦྱར་བར་བྱ། །སངས་རྒྱས་རིགས་དང་རྡོ་རྗེའི་རིགས། །རིན་ཆེན་རིགས་དང་པདྨའི་རིགས། །ལས་ཀྱི་རིགས་དང་སྤྱོད་པ་ལྔ། །
D393.079.0221a01.01ཀུན་ཏུ་བཟང་པོའི་སྤྱོད་པ་ཡིན། །སྡོམ་པ་གསུམ་ལ་གནས་པ་དང་། །དཀོན་མཆོག་གསུམ་ནི་འཛིན་པ་དག །སངས་རྒྱས་ཀྱི་ནི་མཆོག་གི་སྤྱོད། །རྡོ་རྗེ་དྲིལ་བུ་ཕྱག་རྒྱ་འཛིན། །བླ་མ་འཛིན་པ་རྡོ་རྗེའི་སྤྱོད། །དམ་ཚིག་ཡིད་འོང་དུས་བཞི་རུ། །སྦྱིན་པ་རྣམ་བཞི་རིན་ཆེན་སྤྱོད། །
D393.079.0221a02.01ཐེག་པ་གསུམ་དང་དམ་ཆོས་འཛིན། །པདྨ་ཤར་གྱི་སྤྱོད་པ་ཡིན། །དམ་ཚིག་ཐམས་ཅད་ལྡན་པ་དང་། །མ་གྲོལ་ལ་སོགས་དགྲོལ་བ་ནི། །རྟ་ཡི་རྒྱལ་པོའི་སྤྱོད་པ་ཡིན། །ཟ་བ་ཉལ་བ་འཆག་པ་གསུམ། །རྣལ་འབྱོར་ཆེན་པོས་གནས་བྱ་སྟེ། །གཡེང་བས་གཡེང་བ་སྤོང་བ་ནི། །
D393.079.0221a03.01བྷུ་སུ་ཀུ་ཡི་སྤྱོད་པའོ། །རྒྱན་འཆང་བ་དང་བདུད་རྩི་མྱང་། །ཕྱག་རྒྱ་བསྟེན་དང་རྣམ་པ་གསུམ། །ཨ་བདྷཱུ་ཏཱིའི་སྤྱོད་པ་སྟེ། །རྒྱན་ལ་དྲུག་སྟེ་ཕྱག་རྒྱ་ལྔ། །བདུད་རྩི་བཅུ་སྟེ་མི་གཙང་བས། །མི་གཙང་འཁྲུད་པའི་སྤྱོད་པའོ། །གནས་ནི་ཁ་ན་མ་ཐོ་མེད། །ཕྱི་ནང་གཡེང་མེད་གནས་
D393.079.0221a04.01ཡིན་ནོ། །རྟོག་པ་འཇོམས་པ་སློབ་པའི་དུས། །གྲུབ་ན་རྫུ་འཕྲུལ་སྟོན་པའི་དུས། །ཐབས་ནི་གཞན་གྱིས་མཐོང་བ་དང་། །སྒྲོ་དང་སྐུར་པ་མེད་པའོ། །དགོངས་པ་གཉེན་པོའི་སྟོབས་ཡིན་ཏེ། །རྙེད་དང་བཀུར་སྟི་གྲགས་པ་དང་། །ཟུག་རྔུའི་ཁ་ཟས་མ་ཡིན་ཏེ། །བླ་མའི་
D393.079.0221a05.01དུས་ཐབས་ལེགས་བསྟེན་བླང་། །ཁ་ཟས་རྣམ་རྟོག་ཆུང་བ་ཡི། །ལས་དང་པོ་ཡིས་བྱ་བར་གསུངས། །དབྱེ་བ་གསུམ་དང་བྱེ་བྲག་ནི། །གོང་དུ་གསུངས་པ་ཁོ་ནའོ། །ངོ་བོ་རྟོག་མེད་སེམས་དེ་ཉིད། །གཙང་སྨེ་འགགས་དང་སྤྲུལ་པ་སྟོན། །འདི་ཉིད་འགྲུབ་པའི་ཚད་ཡིན་ནོ། །
D393.079.0221a06.01དགོས་པ་ལ་ཡང་གཉིས་ཡོད་དེ། །གཙང་སྨེ་སྤང་བ་དགོས་པ་ལས། །དགོས་པ་དངོས་ལ་རྣམ་པ་བཞི། །རང་སེམས་བརྟན་གཡོ་བརྟག་པ་དང་། །ཕྱག་རྒྱ་ཁྱད་པར་ཚོལ་བ་དང་། །དེས་འདུལ་གང་ཟག་གཞུག་པ་དང་། །མི་མོས་སྐུར་པ་དགག་པའོ། །གསང་སྔགས་
D393.079.0221a07.01