完整藏文原文 · 德格版页 当前仅加载第 79 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོའི་ལྟ་སྤྱོད་ཀྱིས། །འཁོར་གྱི་དཔའ་བོ་མཁའ་འགྲོ་ཚོགས། །དུས་དང་བརྒྱལ་དང་འགྱེལ་གྱུར་པས། །དབུགས་དབྱུང་བ་ཡི་ཏིང་འཛིན་གྱིས། ཐམས་ཅད་དྲན་པ་སླར་རྙེད་ནས། །ཐམས་ཅད་མགྲིན་གཅིག་འདི་སྐད་གསོལ། །དངོས་པོ་རོ་མཉམ་གྱུར་པ་ཡི། །
D393.079.0221b01.01ལྟ་བ་འདི་ཡང་ངོ་མཚར་ཆེ། །གཡེང་བས་གཡེང་བ་སྤང་བ་ཡི། །སྤྱོད་པ་འདི་ཡང་ངོ་མཚར་ཆེ། །ཆོས་རྣམས་སྟོང་པར་རོ་མཉམ་ན། །ལྟ་དང་མི་ལྟ་ག་ལ་ཡོད། །གཙང་སྨེ་བདུད་རྩི་རོ་གཅིག་ལ། །སྤྱོད་དང་མི་སྤྱོད་ག་ལ་ཡོད། །དབང་བསྐུར་བ་དང་རྡོ་རྗེ་འཛིན། །
D393.079.0221b02.01མཉམ་གཞག་རྗེས་ཐོབ་ག་ལ་ཡོད། །ཐམས་ཅད་སེམས་ཀྱི་ངོ་བོ་ལ། །གཟུང་དང་འཛིན་པ་ག་ལ་ཡོད། །འཇིགས་བྱེད་ཆེན་པོས་བཀའ་སྩལ་པ། །འཁོར་བ་ཐོག་མ་མེད་པ་ནས། །ལྷན་ཅིག་སྐྱེས་པའི་སྒྲིབ་གཡོགས་ཀྱིས། །རིན་ཆེན་སེམས་ནི་དྲི་ཅན་བྱས། །ཟླ་བ་
D393.079.0221b03.01རབ་རིབ་སེལ་བྱེད་དེ། །མིག་གིས་རང་གི་རྡུལ་མི་མཐོང་། །སེམས་ཀྱིས་དེ་ཉིད་མ་རྟོགས་པར། །ཐ་དད་གཟུང་འཛིན་སྣ་ཚོགས་འཛིན། །དེ་ཕྱིར་ལྟ་བའི་རྒྱལ་པོ་བསྟན། །མི་ཤེས་པ་ཡི་རབ་རིབ་ཀྱིས། །བདུད་རྩིའི་དེ་ཉིད་མ་ཤེས་ཏེ། །གཙང་དང་མི་གཙང་ལ་
D393.079.0221b04.01སོགས་བརྟགས། །དེ་ཕྱིར་སྤྱོད་པའི་རྒྱལ་པོ་བསྟན། །གནས་པའི་རྐྱེན་དང་གཡེང་བའི་རྐྱེན། །དེ་ཕྱིར་ཟུང་འཇུག་རྒྱལ་པོ་བསྟན། །རྐྱེན་དང་དབང་པོ་རབ་འབྲིང་གིས། །མཉམ་གཞག་རྗེས་ཐོབ་རྒྱལ་པོ་བསྟན། །མི་ཤེས་པ་ཡི་རབ་རིབ་ཀྱིས། །འཁྲུལ་པས་
D393.079.0221b05.01གཟུང་འཛིན་གཉིས་སུ་བརྟགས། །དེ་ཕྱིར་སེམས་ཀྱི་རྒྱལ་པོ་བསྟན། །ལྟ་སྤྱོད་འདི་ལ་ནན་ཏན་གྱིས། །དེ་ནས་ཐམས་ཅད་དགའ་ཞིང་མགུ་ནས་ཡི་རངས་ཏེ། ཕྱི་ནང་གི་མཆོད་པས་མཆོད་ནས་མི་སྣང་བར་གྱུར་ཏོ། །དཔལ་ཡེ་ཤེས་ཕྲེང་བའི་རྒྱུད་ཀྱི་རྒྱལ་པོ་
D393.079.0221b06.01ལྟ་སྤྱོད་ཟུང་དུ་འཇུག་པ་རྫོགས་སོ།། །།རྣལ་འབྱོར་མ་ཙནྡྲ་མཱ་ལ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།
D393.079.0221b07.01