完整藏文原文 · 德格版页 当前仅加载第 79 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོད་ཀྱང་། །སྣ་རྩེར་རྩ་བརྒྱད་དུར་ཁྲོད་བརྒྱད། །ལྟེ་བར་རྩ་བརྒྱད་ཤིང་བརྒྱད་དོ། །སྙིང་གར་རྩ་བརྒྱད་ཕྱོགས་སྐྱོང་བརྒྱད། །མགྲིན་པར་རྩ་བརྒྱད་ཀླུ་བརྒྱད་དེ། །སྤྱི་བོར་རྩ་བརྒྱད་ཆར་སྤྲིན་བརྒྱད། །གསང་བར་རྣམ་རྟོག་མི་མངའི་རྟགས། །དུར་ཁྲོད་བརྒྱད་ནི་གསང་བར་གནས། །
D402.079.0236b01.01ཐམས་ཅད་བདེ་བར་སྣང་བའི་ཕྱིར། །གསང་བར་ཤིང་བརྒྱད་ཡང་དག་གནས། །ཕྲ་བའི་མཚན་མའི་རྣམ་རྟོག་གི། །གདུག་པ་འཇོམས་ཕྱིར་ཀླུ་བརྒྱད་དགོད། །བདེ་བས་བདག་སྤྱོད་གཞན་སྦྱོར་བས། །དེ་ཡི་ཕྱིར་ན་ཆར་སྤྲིན་དགོད། །དེ་ནས་བཞི་པའི་དུར་ཁྲོད་ཀྱང་། །རྣམ་ཤེས་བརྒྱད་
D402.079.0236b02.01ནི་དེ་ཉིད་བརྒྱད། །དུར་ཁྲོད་བརྒྱད་དུ་ངེས་པའོ། །དུར་ཁྲོད་སོགས་བརྒྱད་དེ་ཉིད་ཤིང་། །ལྷག་མ་གསུམ་དང་ཚོར་ཚོགས་ལྔ། །བརྒྱད་ནི་ཕྱོགས་སྐྱོང་བརྒྱད་དུ་ངེས། །ཉོན་མོངས་དྲུག་དང་དེ་ཡི་གཉིས། །བརྒྱད་པོ་དག་ནི་ཀླུ་བརྒྱད་དོ། །ལྔ་དང་བཞི་དག་གསུམ་དག་ནི། །དེ་དག་བཞི་
D402.079.0236b03.01པའི་ཆར་སྤྲིན་བརྒྱད། །གཟུང་འཛིན་རྣམ་རྟོག་མི་མངའི་རྟགས། །བཞི་པ་ཡི་ནི་དུར་ཁྲོད་བརྒྱད། །སྟོབས་སོགས་མཁྱེན་པའི་ཡོན་ཏན་རྒྱས། །རྟགས་སུ་ཤིང་བརྒྱད་ངེས་པའོ། །རྣམ་རྟོག་གདུག་པ་འདུལ་བ་ཡི། །རྟགས་སུ་ཀླུ་བརྒྱད་ངེས་པའོ། །གཟུགས་སྐུ་གཉིས་ཀྱིས་
D402.079.0236b04.01སེམས་ཅན་གྱི། །དོན་མཛད་རྟགས་སུ་ཆར་སྤྲིན་བརྒྱད། །ཕྱོགས་སྐྱོང་བླ་མའི་ཞལ་ནས་ཤེས། །དེ་དག་ཀུན་གྱི་བྱེ་བྲག་ཀྱང་། །བླ་མའི་ཞལ་ནས་ཤེས་པར་བྱ། །རྒྱུན་ཆགས་ཕྱི་ནང་རྒྱུད་ཅེས་བྱ། །རྒྱལ་པོ་ཁྱད་པར་འཕགས་པའོ། །གཞན་ཡང་ང་ཡིས་གསུངས་པའི་
D402.079.0236b05.01བཀའ། །གསུང་གཅིག་ཉིད་དུ་གསུངས་གྱུར་ཀྱང་། །དུ་མ་ཉིད་དུ་སོ་སོར་སྣང་། །ཆོས་ཚུལ་དུ་མའི་བྱེ་བྲག་དང་། །མོས་པ་དུ་མའི་བྱེ་བྲག་དང་། །འདུ་ཤེས་དུ་མའི་བྱེ་བྲག་གིས། །ཐེག་པའི་མཐའ་ལ་ཐུག་པ་མེད། །སེམས་གཟུང་ཡན་ལག་བསམ་མི་ཁྱབ། །ང་ཡི་རྗེས་སུ་
D402.079.0236b06.01འབྲང་བ་ཡི། །བླ་མ་ས་རབ་ནོན་པ་དང་། །དེ་ཉིད་བཅུ་ལྡན་མངོན་ཤེས་སྐྱེས། །དེ་གསུང་བཅུ་དྲུག་མཐའ་ཡི་བར། །རིག་པའི་གནས་ལྔ་མཁས་པས་སྤྱད། །མཁའ་འགྲོ་མ་ཡི་ལུང་བསྟན་པས། །བརྩམས་ལ་བཞི་ཡི་མཐའ་ཡིས་ངེས། །དེ་ལྟའི་མན་ངག་མ་ཐོབ་པར། །
D402.079.0236b07.01