完整藏文原文 · 德格版页 当前仅加载第 79 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ཀྱི་ལྟ་སྤྱོད་གང་སྤྱོད་པ། །རང་ཡང་ཕུང་ལ་གཞན་ཡང་ཕུང་། །མཐོང་བའི་ཆོས་ལ་དམྱལ་སོགས་འཚེད། །དེ་བས་དངོས་གྲུབ་འདོད་པ་ཡིས། །བླ་མ་དམ་པ་མཉེས་བྱས་ཏེ། །མན་ངག་དམ་པ་བླང་བར་བྱ། །ངེས་པའི་ལྟ་སྤྱོད་མ་རྙེད་པར། །གསང་བའི་ལྷ་
D402.079.0237a01.01དང་སྤྱོད་པ་དང་། །མོས་པའི་རྗེས་སུ་གང་བྱེད་དང་། །ཉོན་མོངས་ཟིལ་ནོན་ལ་སོགས་དག །གསང་སྔགས་ལྟ་བུར་སྤྱད་པ་སྤྱོད། །འདི་དག་རྐུན་པོ་མ་རུངས་པ། །མཐོང་བའི་ཆོས་ལ་དམྱལ་བར་སྐྱེ། །དང་པོ་སྲིད་པ་སྐྱེ་བ་ཡང་། །ཡར་ངོ་མར་ངོ་མཚམས་དང་གསུམ། །སིཧླའི་དང་
D402.079.0237a02.01པོ་ཐ་མ་དང་། །འབྲས་བུ་སྲེད་པ་སྐྱེ་བ་ཡི། །དུས་དེར་ཀུན་དུ་རུ་བྱེད་ན། །འབྱུང་བའི་རླུང་གི་ནང་ཞུགས་ན། །ནད་གཞི་བསྡུས་ཤིང་ནད་གཞི་སྐྱེད། །སྲོག་དང་ཚངས་པར་སྤྱོད་པ་འབྱུང་། །དེ་ལ་འདོད་པའི་མཚོན་ཆས་ནི། །གཡེང་བ་མེ་དང་གཏར་ཀ་བྱ། །ཕྱི་ནས་རིགས་ཀྱི་བདག་
D402.079.0237a03.01པོས་སོ། །སྲིད་པར་སྐྱེ་བའི་དུས་ཚོད་ཀྱང་། །རྒྱུན་ཆད་ཞག་གསུམ་ཞག་ལྔ་དང་། །བདུན་དང་དགུ་ཡི་དུས་རྣམས་སྤང་། །དེ་ལྟར་རྒྱུད་མཆོག་རྒྱལ་པོའི་དོན། །ཁྱོད་ལ་གཏད་ཀྱིས་ལེགས་པར་ཟུང་། །དེ་ནས་འཁོར་ཐམས་ཅད་དགའ་ཞིང་མགུ་སྟེ་རྗེས་སུ་ཡི་རངས་པར་གྱུར་ཏོ། །དཔལ་
D402.079.0237a04.01དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ་རྫོགས་སོ། །པཎྜི་ཏ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
D402.079.0237a05.01