完整藏文原文 · 德格版页 当前仅加载第 81 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཀྲོ་དྷ་རཱ་ཛ་སརྦ་མནྟྲ་གུ་ཧྱ་ཏནྟྲ་ནཱ་མ། བོད་སྐད་དུ། ཁྲོ་བོའི་རྒྱལ་པོ་ཐམས་ཅད་གསང་སྔགས་གསང་བའི་རྒྱུད་ཅེས་བྱ་བ། ཁྲོ་བོ་མི་གཡོ་མགོན་པོ་ལ་ཕྱག་འཚལ་ལོ། །དེ་ནས་ཡང་དག་བཤད་བྱ་བ། །ཁམས་གསུམ་ཞེ་སྡང་ཅན་
D433.081.0012b01.01གཟིགས་ནས། །ཞེ་སྡང་ཐམས་ཅད་ཟད་བྱའི་ཕྱིར། །བཅོམ་ལྡན་ཐུགས་རྗེའི་རང་བཞིན་ཅན། །ཞེ་སྡང་མི་གཡོ་མགོན་པོར་མཛད། །ངོ་བོ་ཉིད་ཀྱིས་དག་པའི་བདག །སྔགས་དང་ཕྱག་རྒྱ་ཏིང་འཛིན་དང་། །རྣམ་དག་བསམ་གཏན་འཕྲིན་ལས་རྣམས། །བཅོམ་ལྡན་
D433.081.0012b02.01རྡོ་རྗེ་འཆང་ཆེན་གྱིས། །དུར་ཁྲོད་འབར་བ་འཁྲུགས་པའི་སར། །འཛིན་པས་བཏུད་དེ་ངེས་ཞུས་ལ། །ཀྱེ་ཀྱེ་ཡང་དག་ཁྲོ་ཆེན་གཙོ། །མ་ལུས་རྣམ་དག་ལ་གནས་ཕྱིར། །མགོན་པོ་མི་གཡོའི་གསང་རྒྱུད་ལས། །སེམས་དཔའ་ཆེན་པོའི་ཏིང་འཛིན་གང་། །ངོ་མཚར་
D433.081.0012b03.01ཐར་པ་ངེས་པར་གསོ། །དེ་ནས་ཡང་དག་ཡེ་གསུངས་པ། །དཔའ་བོ་དུར་ཁྲོད་གནས་པས་ལེགས། །རུས་པའི་རྒྱན་ངེས་ཕྱག་རྒྱ་དྲུག །གནས་པའི་ཚོགས་ཀྱི་བདག་ཉིད་དེ། །རྒྱུ་བཞི་ཚད་མེད་བཞི་རུ་གནས། །ཡེ་ཤེས་རྟོག་པའི་རྟོག་པའོ། །རྒྱུན་མ་ཆད་པའི་
D433.081.0012b04.01དམ་པ་ཡིས། །ཉི་ཟླ་ཤེས་རབ་ཐབས་ཀྱི་གདན། །སྐུ་གསུང་ཐུགས་ཀྱི་ངོ་བོར་གནས། །གྱུར་པའི་མཚན་ལྡན་ཡེ་ཤེས་ལྔ། །ཕྱག་རྒྱ་དྲུག་མཛེས་བྱིན་བརླབས་ནས། །དུར་ཁྲོད་མ་ནི་འཁྱུད་པའོ། །ཕུང་པོ་ལ་སོགས་ཐུབ་པར་གནས། །པདྨ་རྡོ་རྗེ་བྱིན་གྱིས་བརླབས། །
D433.081.0012b05.01བསྲུང་བའི་སྦྱོར་བ་མེད་པ་དང་། །མཚན་མ་བྲལ་དང་འདུས་མ་བྱས། །བྱེད་པ་རྣམ་མེད་རྟོག་པས་འདས། །སྐུ་ནི་དུག་འཛོམས་གནག་པའི་ཚུལ། །རྡོ་རྗེ་ཞགས་པ་བསྡིགས་གནས་པ། །གཡོན་བརྐྱང་གནས་པ་སྤྱན་རྩ་དམར། །པདྨ་གྲི་གུག་ཤེས་རབ་ཚུལ། །གཡོན་འཁྱུད་
D433.081.0012b06.01ཚིམ་བྱེད་རྒྱན་བྲལ་བའི། །ཐབས་དང་ཤེས་རབ་མ་ཆགས་དང་། །ཐ་མ་བྱིན་ཟ་མནན་ཏེ་གནས། །འབར་བའི་དཀྱིལ་འཁོར་དབུས་ནའོ། །ཧཱུྃ་ལ་རྒྱ་གྲམ་རྡོ་རྗེ་གནས། །ཨེ་ལས་ཆོས་འབྱུང་གྲུབ་པ་མོ། །མཚོན་ཆ་ར་བ་དྲ་བས་སོ། །རྟེན་པ་ཕྱག་རྒྱ་ལྷ་ལྔ་གནས། །མོས་པ་
D433.081.0012b07.01