完整藏文原文 · 德格版页 当前仅加载第 81 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
རིམ་པའི་ལེའུ་སྟེ་བཞི་པའོ།། །།དེ་ནས་ཕྱི་ཡི་དཀྱིལ་འཁོར་དུ། །རིགས་ཀྱི་ཁྲོ་བོ་སྤྲོ་བ་ནི། །ཐབས་དང་ཤེས་རབ་སྦྱོར་བ་ལས། །རྣམ་པར་འཕྲུལ་པ་བཤད་པར་བྱ། །རང་སྔགས་ས་བོན་ལས་བྱུང་བའི། །གཏི་མུག་མི་གཡོ་མགོན་པོ་ནི། །
D433.081.0014a01.01ཞལ་ནི་གནག་དང་དཀར་དང་དམར། །འབར་བའི་ཚོགས་ཀྱིས་རྣམ་པར་འཁྲིགས། །དབྱིག་པ་འཁོར་ལོ་རྡོ་རྗེ་བསྣམས། །ཕྱག་གཡས་ན་ནི་བསྣམས་པར་མཛད། །ཐུགས་ཀར་སྡིགས་མཛུབ་ཞགས་པ་དང་། །དྲིལ་བུ་དགྲ་སྟ་གཡོན་པ་ནི། །དབང་པོ་ལ་སོགས་ཚོགས་
D433.081.0014a02.01བཅས་དང་། །མི་བཟད་བགེགས་ནི་སྐྲག་པར་མཛད། །པདྨ་ཉི་མ་མནན་ནས་ནི། །ཤར་གྱི་ཕྱོགས་སུ་བཞུགས་གྱུར་པ། །རྣམ་སྣང་དབུ་རྒྱན་ལྡན་པའོ། །རང་སྔགས་ས་བོན་ལས་བྱུང་བའི། །སེར་སྣ་མི་གཡོ་མགོན་པོ་ནི། །རིན་ཆེན་འབྱུང་ལྡན་དབུ་རྒྱན་ཅན། །གསེར་
D433.081.0014a03.01མདོག་ཞལ་གསུམ་ཕྱག་དྲུག་པ། །སྤྱན་གསུམ་གསུས་ཆེ་ནོར་བུས་བརྒྱན། །སེར་དང་གནག་དང་དམར་བའི་ཞལ། །མཆེ་བ་གཙིགས་ཤིང་རྣམ་པར་རྒྱུ། །འབར་བའི་ཚོགས་ཀྱིས་རྣམ་པར་འཁྲིགས། །རྡོ་རྗེ་དབྱུག་པ་རལ་གྲི་ནི། །གཡས་ཀྱི་ཕྱག་ན་བསྣམས་པར་མཛད། །སྙིང་
D433.081.0014a04.01གར་སྡིགས་མཛུབ་ཞགས་པ་དང་། །དྲིལ་བུ་དགྲ་སྟ་གཡོན་པ་ན། གཡོན་བརྐྱང་པ་ཡི་གནས་པ་ཡིས། །མི་བཟད་བགེགས་ནི་སྐྲག་མཛད་པ། །པདྨ་ཉི་མ་མནན་ནས་ནི། །ལྷོ་ཡི་ཕྱོགས་ན་བཞུགས་པར་གྱུར། །རང་སྔགས་ཡི་གེ་ལས་བྱུང་བའི། །འདོད་ཆགས་མགོན་
D433.081.0014a05.01པོ་མི་གཡོ་བ། །སྤྱན་གསུམ་པདྨ་རཱ་གའི་མདོག །ཞལ་ནི་དམར་དང་གནག་དང་དཀར། །ཞལ་གདངས་གསུས་ཁྱིམ་ཆེ་བ་དང་། །འོད་དཔག་མེད་པའི་ཅོད་པན་ཅན། །དཔའ་བོ་གཡོན་བརྐྱང་པ་ཡིས་གནས། །འབར་བའི་ཚོགས་ནི་རྣམ་པར་འཁྲུགས། །པདྨ་རལ་གྲི་གཏུན་ཤིང་
D433.081.0014a06.01ནི། །གཡས་ཀྱི་ཕྱག་ན་བསྣམས་པར་མཛད། །སྙེམས་དང་བཅས་པས་དྲིལ་བུ་དང་། །དགྲ་སྟ་ཞགས་པ་གཡོན་ན་བསྣམས། །པདྨ་ཉི་མ་ལ་གནས་ཏེ། །ཕྱོགས་བཅུ་དག་ཏུ་གཟིགས་ནས་ནི། །ཀླུ་རྣམས་སྐྲག་པར་མཛད་ནས་སུ། །ནུབ་ཀྱི་ཕྱོགས་སུ་བཞུགས་པར་གྱུར། །
D433.081.0014a07.01