完整藏文原文 · 德格版页 当前仅加载第 81 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཡ་ཐཱ་ལ་བྡྷ་ཁ་ས་མ་ཏནྟྲ་ནཱ་མ། བོད་སྐད་དུ། ཇི་བཞིན་བརྙེས་པ་ནམ་མཁའ་དང་མཉམ་པ་ཞེས་བྱ་བའི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །གང་ཞིག་སངས་རྒྱས་ལྔ་ཡི་ཅོད་པན་ཅན། །
D441.081.0086b01.01ས་གསུམ་ཀུན་གྱི་སྙིང་པོ་དང་ལྡན་པ། །དཔལ་ལྡན་དང་པོའི་སངས་རྒྱས་ངོ་བོ་མཛད། །དེ་ནི་མཁའ་དང་མཉམ་པར་སྤྱོད་པའོ། །གལ་ཏེ་དེ་འདྲའི་ངོ་བོར་སེམས་དག་པ། །བྱིས་པ་འདི་ནི་དོན་དམ་སྒོམ་པ་ཡིན། །སངས་རྒྱས་རྣམས་ཀྱི་རང་བཞིན་མཐོང་
D441.081.0086b02.01མིན་ཏེ། །སངས་རྒྱས་དང་ནི་རྡོ་རྗེ་འཛིན་པ་དང་། །རིན་ཆེན་ཏོག་དང་པད་ལྡན་འཇུག་པ་སྟེ། །ལྷ་དེ་རྣམས་ཀྱི་རང་བཞིན་ཡོད་མ་ཡིན། །དང་པོའི་སངས་རྒྱས་ནམ་མཁའི་རང་བཞིན་ནོ། །དང་པོའི་ཆོས་ལས་དེ་རྣམས་འབྱུང་བ་སྟེ། །མཁའ་དང་ལྷན་ཅིག་
D441.081.0086b03.01སེམས་ཅན་ཁམས་རྣམས་ཀྱང་། །གཞུག་རྣམས་སུ་ནི་བསྟན་བཅོས་ཚད་མར་བྱས། །གདོད་ནས་དག་པའི་གོ་འཕང་མཁའ་མཉམ་མཚུངས། །སངས་རྒྱས་ལྔ་ཡི་ཅོད་པན་དང་ཡང་ལྡན། །གང་ཞིག་ཆོས་དེ་ཉིད་ཀྱི་རང་བཞིན་ཅན། །ས་གསུམ་པོ་ཡི་ཆོས་ནི་འབྱུང་
D441.081.0086b04.01འགྱུར་བ། །རྡོ་རྗེ་སེམས་དཔའ་དེ་ལ་ཕྱག་འཚལ་ལོ། །རྡོ་རྗེ་སེམས་དཔའ་ལ་ནི་ཕྱག་འཚལ་བའི། །བསོད་ནམས་ཀྱང་ནི་མཐའ་ཡས་འབྱུང་འགྱུར་ཞིང་། །རྡོ་རྗེ་སེམས་དཔའ་དེ་ལ་ཕྱག་འཚལ་བས། །ཆོས་ཀྱི་བདག་ཉིད་ཆེན་པོ་འཐོབ་པར་འགྱུར། །སེམས་ཅན་
D441.081.0086b05.01ཐམས་ཅད་ཡོངས་སུ་བསྒོམ་པར་ཡང་། །བྱ་བ་འདི་ནི་ཐར་པའི་རང་བཞིན་ནོ། །དངོས་ཀུན་རྡོ་རྗེ་སེམས་དཔར་དག་བྱས་པའི། །ཐར་པ་ཆོས་ཀྱི་རང་བཞིན་བྱ་བ་སྟེ། །ཆོས་འདི་འཇིག་པ་མེད་པའི་རང་བཞིན་ཅན། །འཇིག་རྟེན་པས་ནི་རང་བཞིན་གཞན་དུ་བྱས། །འདི་
D441.081.0086b06.01ནི་སྐུ་དང་གསུང་དང་ཐུགས་དག་ནི། །ཆོས་འདི་ཡི་ནི་དང་པོ་འབྱུང་བ་སྟེ། །རྣལ་འབྱོར་གནས་ནི་ལྷ་མོ་སྐུལ་བྱེད་མ། །དེར་ནི་དང་པོར་ཆོས་རྣམས་འབྱུང་འགྱུར་བའོ། །དེར་ནི་སྔགས་རྣམས་རྡོ་རྗེ་གཅིག་དངོས་བསྒོམ། །ཆོས་ཀྱི་རང་བཞིན་རྡོ་རྗེ་དངོས་དམིགས་སམ། །
D441.081.0086b07.01