完整藏文原文 · 德格版页 当前仅加载第 81 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་པ་མཛད་པ་སངས་རྒྱས་ཀྱིས་གཟིགས་ཤིང་། །དེ་ཡིས་རྣལ་འབྱོར་དབང་ཕྱུག་མ་ཀུན་མཐོང་། །ལྷ་ཡི་དམ་ཚིག་གི་ལེའུ་སྟེ་དང་པོའོ།། །།རྟག་ཏུ་མཆོག་ལྡན་ཁྱོད་ཀྱི་ནི། །དམ་ཚིག་ལྷ་མོ་ཐམས་ཅད་ཀྱི། མཆོག་ཏུ་གྱུར་པའི་ལྷ་མོ་ནི། །དུ་མཆིས་བདག་ཅག་
D441.081.0087b01.01ཞུ་བར་འཚལ། །དེ་ལ་གླུ་བཞི་གསུངས་པ་སྟེ། །སྟེང་དང་དབྱེར་མེད་བྱས་པའི་ཆོས་མཉམ་རང་སྣང་མ། །ཞི་ལ་ཐར་པ་མ་དང་མཆོག་ཏུ་མཉམ་བྱེད་མ། །གང་ཕྱིར་སྒྱུ་མའི་མཛད་པས་སངས་རྒྱས་རྣམས་དང་མཉམ། །མཁའ་མཉམ་ཐམས་ཅད་རོལ་པ་ཞི་བ་མེད་པའོ། །
D441.081.0087b02.01རུ་ལུ་རུ་ལུ་བྷྱོ་རུ་དྷ། མཁའ་དང་མཉམ་པའི་ཆོས་རྣམས་ཀུན་དུ་རོལ་པ་སྟེ། །སྒྱུ་མའི་རང་བཞིན་དང་ནི་སྒྲ་བརྙན་ཆོས་མཉམ་སྣང་། །ལྷན་ཅིག་གནས་མིན་ཆ་སྟེ་རང་ཉིད་པི་ཝང་མཚུངས། །བྱས་པའི་སྣང་བ་དང་ནི་མཉམ་པར་གྱུར་པའོ། །གང་ཞིག་ཆོས་རྣམས་སྣང་
D441.081.0087b03.01བ་ནམ་མཁའ་དང་མཉམ་པ། །དེར་ནི་རྡོ་རྗེ་མཛད་པ་གཟུགས་ཅན་ལྟ་བུ་སྟེ། །རྡོ་རྗེའི་ཐེག་པ་དེར་ནི་གཟུགས་སོགས་འདོད་ཡོན་གྱི། །བདེ་བ་མི་ཟད་སྣ་ཚོགས་དང་མཉམ་སྩོལ་མཛད་པའོ། །རྣལ་འབྱོར་གནས་ནི་དུ་མའི་རྡོ་རྗེའི་ཚུལ་འདི་ནི། །དུ་མའི་གཟུགས་
D441.081.0087b04.01འཛིན་དེར་ནི་རྡོ་རྗེ་དང་མཉམ་ཞིང་། །ཉིད་དང་འདྲ་བའི་སེམས་དཔའ་རྣམས་ནི་སྤྲོ་མཛད་པའི། །རྡོ་རྗེ་དབྱིངས་དང་ལྷན་ཅིག་མཆོག་སྩོལ་མཛད། །རང་བདག་མཁའ་མཉམ་བཞུགས་ལ་བསྐུལ་བ་ནི། །གང་ཞིག་རྩེ་གཅིག་སེམས་ཀྱིས་འདི་ཉན་ཅིང་། །བརྗོད་
D441.081.0087b05.01བཅས་སེམས་ཀྱི་གླུ་འདི་འཛིན་པའོ། །གླུ་འདི་ནམ་མཁའ་དང་ནི་མཉམ་པ་སྟེ། །དེར་ནི་གཟུགས་བཅས་རྡོ་རྗེ་ལེན་པའི་ཕྱིར། །རྡོ་རྗེའི་བདག་ཉིད་ཐུགས་ནི་སད་བྱེད་ཅིང་། །རང་བཞིན་གཅིག་པའི་ཕྱིར་ནི་རྒྱུད་ཀྱང་ལེན་པར་འགྱུར། །འདི་ནི་རྡོ་རྗེའི་ཚིག་སྟེ་རྡོ་རྗེ་
D441.081.0087b06.01གཞན་རང་བཞིན། །སྔགས་པས་ཐུགས་ཆུད་དཀྱིལ་འཁོར་ཀུན་བསྒོམས་ཤིང་། །ཆོས་ཀྱི་དཀྱིལ་འཁོར་དབུས་གནས་པད་མཆོག་དེར་བསྒོམ་པ། །དཀྱིལ་འཁོར་དབུས་གནས་ཆོས་ནི་ཧཱུྃ་གི་དབྱེ་བ་ཅན། །གཟུགས་རྣམས་ཐམས་ཅད་སྒྱུ་མའི་ངོ་བོར་ངེས་པར་བརྟག །
D441.081.0087b07.01