完整藏文原文 · 德格版页 当前仅加载第 81 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བསྒོམས་པའི་གཟུགས། །གཟུགས་སོགས་སྤྱོད་ཡུལ་མཚན་ཉིད་རྣམས། །རང་བཞིན་མེད་ཅིང་དམིགས་མེད་ལ། །དམིགས་པ་དང་བཅས་ཇི་ལྟར་ལགས། །དེ་དག་ངོ་མཚར་ཆེན་པོ་ནི། །བདག་གི་ཐེ་ཚོམ་ལྷས་བཀའ་སྩོལ། །དེ་ལྟར་
D446.081.0278a01.01ཞུས་མ་ཐག་ཏུ་ནི། །བཅོམ་ལྡན་རྡོ་རྗེ་སེམས་དཔས་གསུངས། །ཤེས་རབ་ཟབ་པ་ཟད་མེད་ནི། །ཉོན་ཅིག་སྤྱན་མ་བཤད་པར་བྱ། །དཔྱད་དུ་མེད་ཅིང་ཤེས་བྱ་མིན། །དེ་བཞིན་དཔྱད་མཁན་གྱིས་ཤེས་དཀའ། །སངས་རྒྱས་ཀུན་གྱི་གསང་ཆེན་ནི། །ནམ་
D446.081.0278a02.01མཁའ་ནམ་མཁའི་སྤྱོད་ཡུལ་ལོ། །མི་ཤེས་མུན་པས་བསྒྲིབས་པས་ན། །ཉན་ཐོས་རྣམས་ཀྱིས་ཤེས་པ་མིན། །སྤྱོད་ཡུལ་བག་ཆགས་ཤེས་མཁན་ནི། །རང་སངས་རྒྱས་སུ་སྤྲུལ་པ་སྟེ། །དེ་དག་ཀུན་གྱིས་ཀྱང་མི་ཤེས། །ཤེས་མེད་སོ་སོའི་སྐྱེ་གནས་དང་། །
D446.081.0278a03.01མ་འོངས་པ་དང་འདས་པ་དང་། །ད་ལྟར་བྱུང་བའི་དུས་གསུམ་ལ། །བྱོལ་སོང་བག་ཆགས་ལས་བྱུང་བའི། །དུད་འགྲོ་{ཡི་དགས་,ཡི་དྭགས་}སྐྱེ་བ་རྣམས། །དེ་ཀུན་གྱིས་ཀྱང་མི་ཤེས་ཏེ། །སངས་རྒྱས་སྤྱོད་ཡུལ་གསང་ཆེན་ནོ། །སྙིང་པོ་ཤིན་ཏུ་སྙིང་པོའི་མཆོག །གང་དེ་
D446.081.0278a04.01ཀུན་བདག་ལ་གནས་པའི། །སངས་རྒྱས་ཀུན་གྱི་གསང་ཆེན་ནི། །ལྷ་མོ་ཁྱོད་ལ་བཤད་པར་བྱ། །བྱང་ཆུབ་སེམས་དག་འོད་གསལ་བ། །ཟླ་བ་ཤེལ་དང་མཉམ་པའི་འོད། །དེ་ཉིད་ཡེ་ཤེས་ལྔ་ཡི་དངོས། །ཡུངས་ཀར་ཆེ་བའི་ཚད་ཙམ་མོ། །དེ་ཡི་དབུས་
D446.081.0278a05.01སུ་བཞུགས་པའི་ལྷ། །མི་གསལ་གསལ་བའི་གཟུགས་ཅན་ཏེ། །ཕྱེད་ཚད་ཙམ་གྱི་ཕྲ་མོའི་མཆོག །ཡིད་ཀྱི་དངོས་པོའི་ཐིག་ལེའི་གཟུགས། །རྟག་ཏུ་སྙིང་གི་དབུས་གནས་པ། །འོད་ཟེར་ཆེན་པོ་འབར་བ་ཅན། །ཇི་སྙེད་དགུ་བའི་བར་དུ་ནི། །དཔྲལ་བར་ལ་
D446.081.0278a06.01གནས་རྐང་མཐིལ་བར། །ཐིག་ལེ་དེ་ཁོ་ནར་བསྡུས་ཏེ། །ལྟེ་བའི་དབུས་སུ་རྣམ་པར་གནས། །ཆ་ཤས་ལྔ་པ་ཙམ་ཡིན་ཏེ། །བཅུ་གཉིས་ཀྱི་ནི་ཐ་མ་ལ། །ཆ་ཤས་དྲུག་གིས་མཚན་པ་ཉིད། །ང་རོ་ཐིག་ལེས་བརྒྱན་བྱེད་པ། །རྡོ་རྗེ་ཁོང་ནས་ཕྱུང་ནས་སུ། །ས་
D446.081.0278a07.01