完整藏文原文 · 德格版页 当前仅加载第 81 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ། །སྟབས་ཀྱི་མཐའ་རུ་འགྲོ་བྱེད་པས། །ཐིག་ལེའི་སྦྱོར་བར་རབ་ཏུ་གནས། །སྣོམ་བྱེད་པ་དང་ཐོས་བྱེད་པ། །དེ་ཚེ་མཐོང་བྱེད་ཟ་བྱེད་པ། །རེག་པར་བྱེད་ཀྱང་དེ་ཁོ་ནས། །བདེ་དང་སྡུག་བསྔལ་ཚོར་བྱེད་པའོ། །གང་ལས་བཞད་བྱེད་བཟའ་བྱེད་པ། །
D446.081.0279a01.01དེ་བཞིན་ཆོ་ངེ་དང་ངུ་བ། །འབྱེད་པ་གཅོད་པ་དེ་ཁོ་ནས། །ཆོ་ག་རྣམ་པ་མང་པོ་ཤེས། །རྒྱལ་བོ་དོན་ཡང་བྱེད་པར་འགྱུར། །དབང་ཕྱུག་དོན་ཡང་བྱེད་པར་འགྱུར། །བྲམ་ཟེ་རྒྱལ་པོ་རྗེའུ་རིགས་དང་། །དམངས་རིགས་སྨད་པའི་རིགས་རྣམས་དང་། །བུད་མེད་དུ་མ་སྤྲུལ་
D446.081.0279a02.01པར་བྱེད། །དུད་འགྲོ་{ཡི་དགས་,ཡི་དྭགས་}སྐྱེ་བ་དང་། །གཟུགས་ཅན་རྣམས་དང་གཟུགས་མེད་དང་། །དེ་བཞིན་འདོད་པའི་སྲིད་རྣམས་ལས། །འབྱུང་བ་ཐམས་ཅད་སྐྱེད་བྱེད་མ། །དེ་ཉིད་ཁོ་ན་རྫུ་འཕྲུལ་གནས། །མོ་གཟུགས་དང་ནི་ཕོ་ཡི་གཟུགས། །བདེ་བ་ཆེན་པོ་གོ་འཕང་གནས། །
D446.081.0279a03.01དེ་ལྟར་དེ་བཞིན་ཉིད་ཤེས་པ། །དམ་པའི་ཡིག་འབྲུ་ཤེས་པ་གང་། །དེས་ནི་གསང་ཆེན་ཤེས་པ་སྟེ། །གང་དེས་བདག་ཉིད་ཀུན་གནས་པ། །ཁ་དོག་མེད་ཅིང་ཁ་དོག་དམར། །ཁ་དོག་དཀར་དང་སེར་བ་ཡི། །ཐིག་ལེའི་གཟུགས་སུ་བསྒྱུར་བ་འདི། །འགྲོ་དང་ཕྱིར་འོང་རྣམ་
D446.081.0279a04.01པར་བསྟན། །གང་དེ་རིག་པ་རྫུ་འཕྲུལ་ཆེ། །མཐའ་ཡས་བཅས་པ་སྣ་ཚོགས་གཟུགས། །སྐྱེ་དང་བསྡུས་དང་འཇིག་པ་ལ། །ཐིག་ལེའི་གཟུགས་སུ་རབ་གནས་སོ། །གང་གི་བརྒྱད་ཁྲི་རྩ་བཞིའི་ཆོས། །སྟོང་ཕྲག་བརྒྱ་རུ་ཤེས་ན་ཡང་། །དེ་ཡིས་དེ་ཉིད་མི་ཤེས་ཏེ། །དེ་དག་
D446.081.0279a05.01ཀུན་ཀྱང་འབྲས་མེད་དོ། །བཅུ་གཉིས་ལྔ་ཡི་ལྔ་པ་ཡང་། །བརྒྱད་ཀྱི་མཐའ་རུ་འབྱུང་བ་འདུས། །སྒྲ་ཡིག་དང་པོ་ཡི་གེ་ཨ། །ལྔ་པ་ཡིས་ནི་ཡང་དག་བརྒྱན། །སྙིང་རྗེ་ཆེན་པོ་ལས་བྱུང་བ། །ཁ་མར་བལྟས་པའི་དྲུག་པས་བཏགས། །གདོད་མ་མཐའ་མ་མེད་པའི་ལྷ། །དེ་
D446.081.0279a06.01ནི་སྤྱི་བོར་བསྟན་པ་ཡིན། །དེ་དག་གསང་ཆེན་དམ་པ་ཡིན། །ལྷ་མོ་བདག་གིས་རབ་བསྟན་ཏོ། །ལྷ་མོ་བཞིས་ཡོངས་སུ་ཞུས་པ་ལས་ལྷ་མོ་མཱ་མ་ཀཱིས་ཞུས་པ་སྟེ་ལེའུ་གཉིས་པའོ།། །།དེ་ནས་ལྷ་མོ་གོས་དཀར་མོས། །ཡན་ལག་ཀུན་གྱིས་བཏུད་ནས་སུ། །ཐལ་
D446.081.0279a07.01