完整藏文原文 · 德格版页 当前仅加载第 83 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
བྲི། །འོད་ཀྱི་ཕྲེང་བ་མཉམ་འཕྲོ་བའི། །རིན་པོ་ཆེ་ནི་ལྷོ་རུ་བྲི། །པདྨ་རཱ་གའི་མདངས་འདྲའི་འོད། །པདྨ་ནུབ་ཀྱི་ཕྱོགས་སུ་བྲི། །འོད་ཟེར་ལྔ་དང་མཉམ་ལྡན་པའི། །ཤར་གྱི་མཚམས་སུ་འཁོར་ལོ་བྲི། །ལྷོ་རུ་རྡོ་རྗེ་བྲི་བར་བྱ། །ནུབ་ཏུ་པདྨའི་མེ་ཏོག་ནི། །ཡུ་བ་དང་བཅས་
D467.083.0136b01.01ཁ་བྱེ་གསལ། །འོད་ཀྱི་ཕྲེང་བ་མཉམ་འཕྲོ་བའི། །ཨུཏྤ་ལ་ནི་བྱང་ནུབ་བྲི། །ཤར་གྱི་སྒོར་ནི་ཐོ་བ་སྟེ། །དབྱིག་པ་དེ་བཞིན་ལྷོ་ཡི་སྒོར། །འདམ་ལས་སྐྱེས་པ་ནུབ་ཀྱི་སྒོར། །བྱང་དུ་རྡོ་རྗེ་རལ་གྲིའོ། །ཤེས་པས་དཀྱིལ་འཁོར་རྫོགས་པ་ལ། །མཆོད་པ་ཁྱད་པར་འཕགས་པ་ནི། །
D467.083.0136b02.01འདོད་པའི་ཡོན་ཏན་ལྔ་དག་གིས། །འཇིགས་པ་མེད་པར་མངོན་པར་མཆོད། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་དཀྱིལ་འཁོར་ཆེན་པོའི་རིམ་པར་ཕྱེ་བ་སྟེ་ལེའུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་
D467.083.0136b03.01པ་ཐམས་ཅད་ཀྱིས་བསྟོད་པའི་རྒྱལ་པོ་འདིས་བསྟོད་ནས་གསོལ་བ་བཏབ་པ། སྡིག་པ་ཐམས་ཅད་འཇོམས་པ་ཡི། །འཇིགས་པའི་གཤིན་རྗེ་འཇོམས་དཀྱིལ་འཁོར། །དཀྱིལ་འཁོར་ཐམས་ཅད་ཀྱི་གཙོ་བོ། །མགོན་པོ་དཀྱིལ་འཁོར་བྲི་བར་མཛོད། །དེ་ནས་བཅོམ་ལྡན་འདས་རྡོ་རྗེ་
D467.083.0136b04.01འཛིན་ཆེན་པོས་ཉིད་ཀྱི་སྐུ་གསུང་ཐུགས་རྣམས་ལས་བདུད་རྩི་མྱང་བའི་ཆོ་ག་ངེས་པར་ཕྱུང་བ། ཨོཾ་ཨཱཿཧཱུྃ། རྡོ་རྗེ་མེ་ལྕེ་སྦྱོར་བ་ཡིས། །རྡོ་རྗེ་ཅན་ཀུན་མཉེས་པ་དང་། །རྫོགས་པའི་སངས་རྒྱས་ཐམས་ཅད་བཞུགས། །ཡེ་ཤེས་འབྱུང་གནས་ངོ་བོ་ཉིད། །དགུག་པ་དང་ནི་གཞུག་པ་
D467.083.0136b05.01དང་། །བཅིང་དང་དེ་བཞིན་དབང་བྱ་ཉིད། །ཐོ་བ་ལ་སོགས་སྔགས་བཞི་ཡིས། །མཉམ་པར་བཞག་པས་རྣམ་པར་བསྒོམ། །མ་ཧེ་རྡོ་རྗེ་རྣམ་བསྒོམས་ལ། །དཀྱིལ་འཁོར་གཙོ་བོ་རྣམ་བསྒོམ་བྱ། །ཟླ་བའི་དཀྱིལ་འཁོར་དབུས་གནས་པར། །གཏི་མུག་རྡོ་རྗེ་རྣམ་བསྒོམ་
D467.083.0136b06.01བྱ། །རྟ་བདུན་ལྡན་པའི་དབུས་གནས་པ། །ཕྲ་མ་ཞེས་བྱ་རྣམ་བསམ་བྱ། །དཀྱིལ་འཁོར་དམ་པའི་དབུས་གནས་པ། །འདོད་ཆགས་རྡོ་རྗེ་རྣམ་བསྒོམ་བྱ། །ལས་ཀྱི་དཀྱིལ་འཁོར་དབུས་གནས་པ། །རྡོ་རྗེ་ལས་ནི་བསྒོམ་པར་བྱ། །ཞི་བའི་གཏི་མུག་རྡོ་རྗེ་སྟེ། །རྒྱས་པ་དེ་
D467.083.0136b07.01