完整藏文原文 · 德格版页 当前仅加载第 83 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །ཆོ་ག་དག་ནི་སྔ་མ་བཞིན། །འཁོར་ལོ་གཉིས་ནི་བྲི་བྱས་ལ། །ཡི་གེ་ཧཱུྃ་ཕཊ་ཀྱིས་བརྟེན་པ། །ཐོད་པ་ཁ་སྦྱར་ནང་དུ་གཞུག །སྐུད་པ་ནག་པོས་བཅིངས་བྱས་ལ། །ཤ་ཟའི་ཚུལ་དུ་སྦ་བར་བྱ། །གཤིན་རྗེའི་སྦྱོར་བ་ལ་གནས་པས། །མདུན་དུ་བསྒྲུབ་བྱ་བ་སྒོམ་
D467.083.0140a01.01པར་བྱ། །ཡྃ་བྱུང་གཞུ་ཡི་དབྱིབས་འདྲ་བའི། །རླུང་གི་དཀྱིལ་འཁོར་ནག་པོ་ལ། །དེ་སྟེང་མདོག་སྔོན་རྔ་མོ་བསྒོམ། །དེ་ལ་གདུག་པ་ཅན་བསྐྱོན་ལ། །ལྷོ་ཡི་ཕྱོགས་སུ་ཁ་བསྟན་ཏེ། །ཁྲོ་བོའི་ཚོགས་ཀྱིས་དེ་བརྡེག་པ། །སངས་རྒྱས་ཡིན་ཡང་བཟློག་པ་དཀའ། །ཨོཾ་ཧྲཱིཿཥྚྲཱི་ཝིཀྲྀ་
D467.083.0140a02.01ཏཱ་ན་ན་ཧཱུྃ་ཧཱུྃ་ཕཊ་ཕཊ། ཧཱུྃ་ཕཊ་དེ་བ་དཏྟ་ཨུཙྪ་ཊ་ཡ་ནྃ་ཧཱུྃ་ཕཊ། འདི་ནི་བཅོམ་ལྡན་འདས་ཀྱིས་བསྐྲད་པའི་ཆོ་ག་གསུངས་པའོ། །ཁྲོས་པས་རྣལ་འབྱོར་ལྷོར་བལྟས་ལ། །ར་ཁྲག་རོ་བསྲེགས་ཐལ་བ་དང་། །དུག་གི་ཚྭ་དང་སྐེ་ཚེ་དང་། །མར་ཁུ་སྨྱོན་པའི་ཁུ་བ་ཡིས། །དུར་ཁྲོད་རས་ལ་འཁོར་
D467.083.0140a03.01ལོ་གཉིས། །རིམ་པ་འདི་བཞིན་བྲི་བར་བྱ། །བསད་པ་གཤིན་རྗེའི་ལུས་ལ་གནས། །དབྱེ་བ་རྟ་དང་མ་ཧེ་ཡིས། །བསྐྲད་པ་རྔ་མོའི་ལུས་ལ་གནས། །ཞི་བ་ཟླ་བའི་དཀྱིལ་འཁོར་གྱིས། །རྒྱས་པ་ཟླ་བ་སེར་པོ་ལ། །བཙུན་མོ་སྙིང་གར་དབང་དུ་བྱ། །ར་ལ་བསྐྱོན་པས་འགུགས་
D467.083.0140a04.01པར་བྱེད། །རི་བོའི་དཀྱིལ་དུ་རེངས་བྱ་གཞག །ཤ་ར་བྷ་འམ་སེང་གེས་དགུག །དེ་བཞིན་གཞན་ཡང་མཚོན་པར་བྱ། །རོ་ཙ་ན་དང་རྒྱ་སྐྱེགས་དང་། །ཁ་ཆེ་ཡི་ནི་ཁྱད་པར་གྱི། །དབང་དུ་བྱ་བ་གྲོ་གར་བྲི། །དགེ་བའི་སེམས་ཀྱིས་བཟུང་བྱས་ན། །འགྲུབ་པར་འགྱུར་ཏེ་ཐེ་ཚོམ་
D467.083.0140a05.01མེད། །ཁམ་ཕོར་ཁ་སྦྱར་ནང་དུ་གཞུག །ཁྭ་ཡི་སྒྲོ་ཡི་སྨྱུ་གུ་ཡིས། །ཉི་མ་ཕྱེད་ནས་བྲི་བར་བྱ། །པདྨའི་ཁ་སྦྱོར་རོ་བསྲེགས་སར། །གཤིན་རྗེའི་རྣལ་འབྱོར་བདག་ཉིད་ཀྱིས། །ཨོཾ་ཧྲཱིཿཥྚྲཱིཿལ་སོགས་གསང་སྔགས་བཟླས། །ལྷོ་ཕྱོགས་གནས་ཏེ་ཚར་གཅད་བྱ། །མཐའ་ཡི་ཡ་
D467.083.0140a06.01བོར་ཞི་བ་ལ། །ཡི་གེ་ནི་དེ་གཉིས་ཀ་དང་། །ཕྱི་ནས་དཀྱིལ་གྱི་ཡ་སྤངས་ཏེ། །ཡི་གེ་ལྷག་མ་ཇི་བདེ་བར། །སྔོན་དུ་བསྙེན་པ་ཁྲི་ཙམ་བྱ། །འདིས་ནི་ལས་རྣམས་རབ་སྒྲུབ་པ། །ཡེ་ཤེས་རྡོ་རྗེ་བྱ་བ་སྟེ། །གཤིན་རྗེའི་གཤེད་ཀྱི་རྣལ་འབྱོར་པས། །རབ་ཏུ་གྲགས་པའི་འཁོར་
D467.083.0140a07.01