完整藏文原文 · 德格版页 当前仅加载第 83 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ན་མར་ཁུ་ཆེན་པོའི་མར་མེ་དབུལ་ལོ། །མི་དང་། བོང་བུ་དང་། རྔ་མོ་དང་། ཁྱི་དང་། ཝ་དང་། མ་ཧེ་དང་། གླང་པོ་ཆེ་དང་། བ་ལང་དང་། བ་མེན་དང་། ལུག་དང་། {རི་དགས་,རི་དྭགས་}དང་། ཕག་པ་ལ་སོགས་པའི་ཤ་རྣམས་དབུལ་བར་བྱའོ། །གཞན་ཡང་བྱ་རྒོད་དང་། འུག་
D468.083.0152b01.01པ་དང་། བྱ་རོག་དང་། ཁྲ་དང་། ཆུ་སྐྱར་དང་། མཐིང་རིལ་དང་། བཞད་དང་། རྨ་བྱ་དང་། ཁྱིམ་བྱ་དང་། རི་སྐེགས་དང་། ལྟས་ངན་ཆེན་པོ་ལ་སོགས་པའི་ཤ་རྣམས་དབུལ་བར་བྱའོ། །ཤིན་ཏུ་མཉམ་པར་བཞག་པས་བཟའ་བ་དང་། སྟོན་མོ་དང་།
D468.083.0152b02.01སྦྱིན་སྲེག་དང་། གཏོར་མའི་ལས་བྱའོ། །དཀྱིལ་འཁོར་གྱི་གྲྭ་ཐམས་ཅད་དུ་ཁྲག་གིས་ཆག་ཆག་བྱའོ། །དཔལ་རྡོ་རྗེ་འཇིགས་བྱེད་མ་ཧེའི་གདོང་གི་སྦྱོར་བ་ལ་གནས་པས་ལྷ་བཤོས་ཐམས་ཅད་དབུལ་བར་བྱའོ། །དེ་ནས་སྔགས་པས་སྔོན་དུ་སྤྱད་པ་བྱས་ཏེ། བདག་
D468.083.0152b03.01ཞི་བར་གྱུར་པའི་ཤིན་ཏུ་མཐུན་པའི་གྲོགས་སམ། བདག་གཅིག་པུ་རྣམ་པར་སྣང་མཛད་ཀྱིས་ལུས་བྱུགས་ཏེ། གཅེར་བུར་ཕུད་ནས་སྐྲ་བསིལ། མཚན་ཕྱེད་ནས་ཅང་ཏེའུ་དཀྲོལ་ལ་ཧ་ཧ་ཞེས་བྱ་ཞིང་མཉམ་པར་གཞག་སྟེ། རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་དུ་དངོས་གྲུབ་
D468.083.0152b04.01འདོད་པས་འཇུག་པར་བྱའོ། །རབ་ཏུ་ཞིམ་པའི་ཆང་ལ་སོགས་པ་བཏུང་བ་དང་། བཟའ་བའི་རོ་རྣམས་དབུལ་ལོ། །ཕྱི་ནས་དངོས་གྲུབ་དང་། དངོས་གྲུབ་མ་ཡིན་པ་ལ་དམིགས་ལ་དེའི་སྟེང་དུ་དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་བསམ་པར་བྱའོ། །དེའི་
D468.083.0152b05.01མདུན་དུ་གཡས་བསྐུམ་དུ་གནས་ལ་ང་རྒྱལ་དང་བཅས་པས་སེམས་རྩེ་གཅིག་ཏུ་ཤིན་ཏུ་མཉམ་པར་བཞག་པས་ཡི་གེ་བཅུ་པའི་སྔགས་བཟླ་བར་བྱའོ། །དེ་ནས་འཇིགས་པ་ཆེན་པོ་བྱུང་ན། དེ་ལ་སྔགས་པས་འཇིགས་པར་མི་བྱ་སྟེ། གལ་ཏེ་འཇིགས་པར་གྱུར་ན། དེ་ལ་བགེགས་
D468.083.0152b06.01ཆེན་པོའི་བར་ཆད་འགྱུར་རོ། །བར་ཆད་བྱུང་ན་དངོས་གྲུབ་མི་འགྲུབ་པོ། །དེ་བས་ན་སྔགས་པས་འཇིགས་པར་མི་བྱ་སྟེ། དེ་ལ་དཔལ་རྡོ་རྗེ་འཇིགས་བྱེད་ཆེན་པོ་དགྱེས་སོ། །དགྱེས་ནས་ཁྱོད་ཅི་འདོད་ཅེས་གསུང་པ་དང་། དེ་ལ་རིག་འཛིན་གྱིས་སྨྲ་བར་བྱ་སྟེ། རལ་གྲི་དང་།
D468.083.0152b07.01