完整藏文原文 · 德格版页 当前仅加载第 83 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
རླུང་གི་ས་བོན་དང་། །གཉིས་པ་ཡི་ནི་དང་པོ་དང་། །དེ་ནི་གཉིས་འགྱུར་ལྡན་པར་བྱ། །བཞི་པ་ཡི་ནི་ལྔ་པ་ལ། །དབྱངས་ཡིག་གསུམ་པ་དང་ལྡན་པ། །དེ་ནས་མེ་ཡི་ས་བོན་དང་། །ལྔ་པ་ཡི་ནི་ལྔ་པ་དང་། །དེ་ནས་རླུང་གི་ས་བོན་སྦྱིན། དང་པོར་རྣམ་པར་
D468.083.0156b01.01སྣང་མཛད་སྦྱིན། །མཆོག་གི་དབང་ཕྱུག་དང་སྦྱར་བ། །ལྔ་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོ་ནི། །མཁས་པས་ལན་གཉིས་བརྗོད་པར་བྱ། །འདི་ནི་འཇམ་དཔལ་ཞེས་བྱ་བའི། །འཇིགས་བྱེད་ཆེན་པོ་རྒྱུད་འཁོར་ལོ། །མ་ཧེ་གདོང་ཅན་རྩ་
D468.083.0156b02.01སྔགས་ཏེ། །འབུམ་བཟླས་པ་ཡིས་ལས་ཀུན་བྱེད། །འདི་ནི་སྔགས་ཀྱི་རྒྱལ་པོ་སྟེ། །མ་བྱུང་འབྱུང་བར་མི་འགྱུར་རོ། །བདུད་པ་ཡི་ནི་བཞི་པ་ལ། །དབྱངས་ཡིག་བཞི་པ་དང་ལྡན་པ། །མེ་ཡི་ས་བོན་འོག་ཏུ་སྦྱིན། །དེ་ནས་མངའ་བདག་བཅུ་དྲུག་མཐའ། །
D468.083.0156b03.01བདུན་པ་ཡི་ནི་གཉིས་པ་ལ། །དབྱངས་ཡིག་བཞི་པ་དང་ལྡན་ཞིང་། །གསུམ་པ་ཡི་ནི་དང་པོ་ལ། །འོག་ཏུ་མེ་ཡི་ས་བོན་གདགས། །མངའ་བདག་བཅུ་དྲུག་མཐའ་མ་སྟེ། །དྲུག་པ་ཡི་ནི་བཞི་པ་ལ། །དབྱངས་ཡིག་གསུམ་པ་དང་ལྡན་པ། །དང་པོ་ཡི་ཡང་དང་པོ་
D468.083.0156b04.01དང་། །དབྱངས་ཡིག་བདུན་པ་དང་ལྡན་པ། །འོག་ཏུ་མེ་ཡི་ས་བོན་སྦྱིན། །བཞི་པ་ཡི་ནི་དང་པོ་ལ། །དབྱངས་ཡིག་གཉིས་པ་དང་ལྡན་པ། །བཞི་པ་ཡི་ནི་ལྔ་པ་ནི། །མཁས་པ་ཡིས་ནི་ལན་གཉིས་བརྗོད། །དང་པོར་རྣམ་པར་སྣང་མཛད་སྦྱིན། །ཡ་ཚོགས་
D468.083.0156b05.01བརྒྱད་པའི་ས་བོན་ལ། །དབྱངས་ཡིག་དྲུག་པ་དང་ལྡན་ལ། །སྤྱི་བོ་རུ་ནི་ཐིག་ལེས་བརྒྱན། །ལྔ་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོའོ། །འདི་ནི་སྔགས་ཀྱི་རྒྱལ་པོ་སྟེ། །མ་ཧེའི་གདོང་ཅན་སྦྱོར་བ་ཡིན། །ཐམས་ཅད་ལས་ནི་བྱེད་པའོ། །
D468.083.0156b06.01ལས་ཀྱི་སྔགས་སུ་གྲགས་པ་སྟེ། །སུམ་འབུམ་བཟླས་ན་ལས་ཀུན་བྱེད། །དྲུག་པ་ཡི་ནི་དང་པོ་དང་། །ལྔ་པ་ཡི་ཡང་ལྔ་པ་ལ། །དབྱངས་ཡིག་གཉིས་པ་དང་ལྡན་པ། །བཞི་པ་ཡི་ནི་དང་པོ་སྟེ། །དེ་ཡི་ལྔ་པ་ཀླད་དུ་གཞག །དང་པོ་ཡི་ནི་དང་པོ་དང་། །
D468.083.0156b07.01