完整藏文原文 · 德格版页 当前仅加载第 85 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀུན་ལ་འཁྱུད་པར་བྱ། །ཆགས་པའི་ལྟ་བས་བྱམས་པ་སྟེ། །ཐུགས་རྗེའི་ཆོས་ནི་སྨྲ་བ་དང་། །ཀུན་ལ་མི་འཇིགས་སྦྱིན་པ་དང་། །སངས་རྒྱས་ཐམས་ཅད་མཉེས་བྱ་བའོ། །རྣལ་འབྱོར་སྦྱིན་ལས་རབ་དགའ་སྟེ། །ཚུལ་ཁྲིམས་ལྡན་
D481.085.0004a01.01ལས་དྲི་མེད་འགྱུར། །བཟོད་པ་ལས་ནི་འོད་བྱེད་པ། །བརྩོན་ལས་འོད་འཕྲོ་ཅན་དང་ལྡན། །བསམ་གཏན་ལས་ནི་སྦྱང་དཀའ་བ། །ཤེས་རབ་ཀྱིས་ནི་མངོན་གྱུར་མཐོང་། །ཐབས་ཆེན་ལས་ནི་རིང་དུ་སོང་། །སྟོབས་དང་ལྡན་ལས་མི་གཡོ་འགྱུར། །སྨོན་ལམ་
D481.085.0004a02.01གྱིས་ནི་ལེགས་བློ་ལྡན། །ཡེ་ཤེས་ལྡན་ལས་ཆོས་ཀྱི་སྤྲིན། །རྒྱལ་བ་དེ་བཞིན་གཤེགས་པ་ནི། །རང་རིག་བདག་ཉིད་བཅུ་གཅིག་འགྱུར། །ཕ་རོལ་ཕྱིན་པ་བཅུ་རྣམས་དང་། །སྟོབས་དང་དབང་ནི་རྫོགས་གྱུར་ཅིང་། །ས་བཅུ་ལས་ནི་འདས་གྱུར་པ། །མཚན་མ་
D481.085.0004a03.01བརྟན་གྱུར་དེ་ལས་ནི། །རྡོ་རྗེའི་ཆུ་ནི་རྫོགས་སངས་རྒྱས། །ཆོས་ཀྱི་བདུད་རྩི་བཅུད་ལེན་ཡིན། །སངས་རྒྱས་ཀུན་གྱི་མཐའ་ཡས་པ། །གཟུང་དང་འཛིན་པ་སྤོངས་པ་ཡིན། །ཆོས་ཀྱི་བདུད་རྩི་བཅུད་ཀྱིས་ལེན། །རྡོ་རྗེའི་ཆུ་ནི་དག་འཐུངས་པས། །རྡོ་རྗེ་སློབ་དཔོན་
D481.085.0004a04.01རྣལ་འབྱོར་པ། །གདོད་ནས་དག་པར་དེ་ཚེ་འགྱུར། །གདོད་ནས་དག་པར་གནས་གྱུར་པ། །དེ་ནས་བྱང་ཆུབ་སེམས་སུ་འགྱུར། །བྱང་ཆུབ་སེམས་ཀྱི་བདག་ཅན་འགྱུར། །བྱང་ཆུབ་སེམས་དཔའ་དེ་བཞིན་གཤེགས། །རྣམ་པར་གྲོལ་བའི་རས་ཀྱིས་གཡོགས། །
D481.085.0004a05.01བྱང་ཆུབ་སེམས་ནི་བླ་ན་མེད། །ཡང་དག་བསྐྱེད་གྱུར་རྣལ་འབྱོར་པ། །རྡོ་རྗེ་སེམས་དཔའ་སྙིང་ལ་འདུག །སེམས་ཅན་ཁམས་ནི་མཐའ་ཡས་པའི། །མ་གྱུར་དམ་ཚིག་འཛིན་བྱེད་པ། །རྡོ་རྗེ་དམ་ཚིག་གིས་སྤྱོད་ན། །རྟག་ཏུ་དམ་ཚིག་གནས་པར་འགྱུར། །
D481.085.0004a06.01ཁམས་གསུམ་ལམ་ནི་ཉམས་དགའ་བར། །བུད་མེད་ཅེས་བཤད་ཇི་སྙེད་པ། །ཆོ་ག་བཞིན་དུ་ཀུན་སྤྱོད་ཅིང་། །ཐུགས་ཀྱི་རྡོ་རྗེ་སྨད་མི་བྱ། །རྡོ་རྗེ་གསུམ་གྱི་སྐུ་ལ་གནས། །དམ་ཚིག་ཕྱག་རྒྱ་ཇི་སྙེད་པ། །རྡོ་རྗེ་དམ་ཚིག་གསུམ་གྱིས་བྱ། །གསུང་གི་རྡོ་རྗེ་སྨད་
D481.085.0004a07.01