完整藏文原文 · 德格版页 当前仅加载第 85 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱ། །རྡོ་རྗེ་སེམས་དཔའ་ལས་བྱུང་བའི། །ཕྱག་རྒྱ་ཀུན་ནི་བུད་མེད་བཟང་། །དེ་རྣམས་སྟེན་པའི་རྣལ་འབྱོར་པ། །ཕྱག་རྒྱ་ཐམས་ཅད་དབང་དུ་འགྱུར། །འཇིག་རྟེན་ཁམས་ནི་ཐམས་ཅད་ན། །བུད་མེད་ཅེས་བྱ་ཇི་སྙེད་པ། །ཕྱག་རྒྱ་ཆེན་པོའི་སྦྱོར་བ་
D481.085.0004b01.01ཡིན། །དེ་དག་ཀུན་ལ་ཉེ་བར་སྦྱོར། །གསང་བ་མཆོག་གི་རྣལ་འབྱོར་པ། །ཏིང་འཛིན་ཡེ་ཤེས་དམ་པ་ཡིན། །གལ་ཏེ་དངོས་གྲུབ་མཆོག་འདོད་ན། །ང་རྒྱལ་མ་ཡིན་ཧཱུྃ་མ་ཡིན། །རིག་པ་མ་ཡིན་སྔགས་རིག་མིན། །ལག་པའི་ཕྱག་རྒྱའང་མི་བཅའོ། །
D481.085.0004b02.01མཆོད་རྟེན་གྱི་ནི་ལས་མི་བྱ། །གླེགས་བམ་དག་ཀྱང་བཀླག་མི་བྱ། །དཀྱིལ་འཁོར་དག་ནི་མི་བྱ་ཞིང་། །རྡོ་རྗེ་མཆོག་གསུམ་ཕྱག་མི་བཙལ། །སློབ་དཔོན་སྨད་པར་མི་བྱ་སྟེ། །བླ་མ་སངས་རྒྱས་ཀུན་དང་མཉམ། །ཁྱོད་ཀྱིས་སྲོག་ཆགས་གསད་པར་བྱ། །
D481.085.0004b03.01{བརྫུན་,རྫུན་}གྱི་ཚིག་ཀྱང་སྨྲ་བར་བྱ། །ཁྱོད་ཀྱིས་མ་བྱིན་བླང་བྱ་ཞིང་། །གཞན་གྱི་བུད་མེད་བསྟེན་པར་བྱ། །སྦྱིན་སྲེག་ཡང་ན་བསམ་གཏན་མིན། །ལུས་ངག་ཡིད་ནི་མི་ཕྱེད་པ། །གཞན་མིན་སེམས་ཀྱིས་བྱ་བ་སྟེ། །འདི་ནི་གསང་བའི་མཆོག་ཡིན་ནོ། །སྔགས་
D481.085.0004b04.01རྣམས་ཐམས་ཅད་རབ་ཏུ་འགྲུབ། །རྣལ་འབྱོར་ཀུན་ཀྱང་རྣམ་ཀུན་ཏུ། །དེ་བས་འབད་པ་ཐམས་ཅད་ཀྱིས། །སངས་རྒྱས་ཆོས་ནི་བསྒོམ་པར་བྱ། །མ་འདྲེས་ཆོས་ནི་{བཅྭ་,བཅོ་}བརྒྱད་པོ། །སངས་རྒྱས་ཆོས་ཞེས་བཤད་པ་ཡིན། །དེ་རྣམས་རྟག་ཏུ་བསྒོམ་པ་ནི། །
D481.085.0004b05.01སངས་རྒྱས་ཆོས་ནི་སྒྲུབ་བྱད་ཡིན། །བསམ་གཏན་བཞི་དང་གཟུགས་མེད་བཞི། །རྟག་ཏུ་ཐོབ་པར་བྱས་པ་དང་། །འགོག་པའི་སྙོམས་འཇུག་དེ་ཡིས་ནི། །སངས་རྒྱས་བྱང་ཆུབ་རབ་ཏུ་བསྒྲུབ། །བྱང་ཆུབ་ཕྱོགས་ནི་སུམ་ཅུ་བདུན། །ཆོས་སུ་ཡང་དག་
D481.085.0004b06.01བཤད་པ་གང་། །དེ་རྣམས་བསྒོམས་པས་དག་པ་དང་། །བྱང་ཆུབ་སེམས་དཔའ་འགྲོ་ཕན་ཡིན། །འགྲོ་བ་རྣམས་ལ་སྤྲོ་བའི་སེམས། །བརྟན་ཞིང་སྙིང་པོ་རབ་བསྒོམས་པ། །སྟོང་པའི་དེ་ཉིད་ལས་བྱུང་བ། །རྡོ་རྗེ་ཡེ་ཤེས་ཞེས་བྱ་བ་བཤད། །ཆོས་བདག་
D481.085.0004b07.01