完整藏文原文 · 德格版页 当前仅加载第 85 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། སརྦ་དུརྒ་ཏི་པ་རི་ཤོདྷ་ན་ཏེ་ཛོ་རཱ་ཛ་ཏ་ཐཱ་ག་ཏཱ་རྷ་ཏེ་སཾ་མྱཀྶཾ་བུདྡྷ་སྱ་ཀལྤ་ནཱ་མ། བོད་སྐད་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་
D483.085.0058b01.01རྒྱལ་པོའི་བརྟག་པ་ཞེས་བྱ་བ། བམ་པོ་དང་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷའི་ཚོགས་ཐམས་ཅད་ཀྱི་དགའ་བའི་ཚལ་མཆོག་ཏུ་ཡིད་དུ་འོང་བ་ན། ནོར་བུ་དང་།
D483.085.0058b02.01གསེར་དང་། གསེར་གྱི་ཤིང་ཡལ་ག་དང་། ལྕུག་མར་བཅས་པ་དང་། ཤིང་གེལ་པ་དང་། སྨན་དང་། མེ་ཏོག་ཀ་མ་ལ་དང་། ཨུཏྤལ་དང་། ཀརྞི་ཀ་དང་། བཀྐུ་ལ་དང་། ཏི་ལ་ཀ་དང་། ཨ་ཤོ་ཀ་དང་། མན་དཱ་ར་བ་དང་། མན་དཱ་
D483.085.0058b03.01ར་བ་ཆེན་པོ་ལ་སོགས་པ་སྣ་ཚོགས་པ་དང་། དཔག་བསམ་གྱི་ཤིང་རྣམས་ཀྱིས་མཛེས་པར་བྱས་ཤིང་། །རྒྱ་སྣ་ཚོགས་ཀྱིས་བརྒྱན་པ། བྱ་སྣ་ཚོགས་མང་པོ་སྐད་སྙན་འབྱིན་པ། རྔ་དང་། ཅང་ཏེའུ་དང་། ཀེར་ཀོ་དང་། གླིང་བུ་དང་། རྔ་བོ་ཆེ་ལ་
D483.085.0058b04.01སོགས་པའི་སྒྲ་གྲག་པ། བརྒྱ་བྱིན་དང་། ཚངས་པ་ལ་སོགས་པའི་ལྷ་དང་། ལྷའི་བུ་མོ་སྣ་ཚོགས་རྣམ་པར་རྩེན་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ་ན། བརྒྱ་བྱིན་དང་། ཚངས་པ་ལ་སོགས་པ་ལྷ་
D483.085.0058b05.01དང་། རིག་པ་འཛིན་པ་དང་། ལྷའི་བུ་མོ་འཁོར་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ཀླུ་ལ་སོགས་པ་འཁོར་དུ་མ་དང་། བྱང་ཆུབ་སེམས་
D483.085.0058b06.01དཔའ་སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ལ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཚད་མེད་པ་དང་། བློ་གྲོས་མི་གཡོ་བ་དང་། བློ་གྲོས་ཡངས་པ་དང་། ཀུན་ཏུ་བློ་གྲོས་དང་། བློ་གྲོས་མཐའ་ཡས་
D483.085.0058b07.01