完整藏文原文 · 德格版页 当前仅加载第 85 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་ཕྱོགས། །དབང་པོའི་ཕྱོགས་སུ་གདུགས་དཀར་པོ། །རྣམ་པར་འཐོར་བ་རླུང་གི་ཕྱོགས། །རྣམ་པར་འཇོམས་པ་ནཻ་རི་ཏྱར། །བྲིས་ནས་ཕྱི་རོལ་བྲི་བྱི་སྟེ། །གྲུ་བཞི་པ་ལ་སྒོ་བཞི་པ། །སེང་གེ་རྟ་བབས་བརྒྱན་པར་བྱ། །དཔའ་བོས་ལྕགས་ཀྱུ་ཞགས་པ་དང་། །
D483.085.0071b01.01ལྕགས་སྒྲོག་དྲིལ་བུ་སྙན་རྣམས་གཞག །གྲྭ་ཡི་ཕྱོགས་ནི་ཐམས་ཅད་དུ། །བདུག་པ་ལ་སོགས་བྲི་བར་བྱ། །དེ་ནས་དྲི་ཞིམ་དྲི་ལ་སོགས། །རང་གི་ལུས་ནི་བསྐུས་ནས་ཀྱང་། །རྡོ་རྗེ་འཛིན་མས་ཞུགས་ནས་ནི། །ཨོྃ་ཛཿཧཱུྃ་བྃ་ཧོཿ བྷ་ག་བཱན། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ་དྲྀ་ཤྱ་
D483.085.0071b02.01ཧོཿས་མ་ཡ་སྟྭྃ་ཞེས་པས་ལྷ་རྣམས་ཐམས་ཅད་སྤྱན་དྲང་ངོ་། །དེ་ནས་གཤེགས་པར་མོས་པ་བསྐྱེད་དེ་མཆོད་པ་བྱས་ནས། དེ་བཞིན་དུ་བཅུག་སྟེ་དབང་བསྐུར་ན་ངན་སོང་ཐམས་ཅད་ལས་རྣམ་པར་གྲོལ་ཏེ། བདེ་འགྲོ་མཐོ་རིས་ཀྱི་འཇིག་རྟེན་དང་། གོང་ནས་གོང་དུ་ས་རྣམས་སུ་
D483.085.0071b03.01ཡང་སྐྱེ་བར་འགྱུར་རོ། །དངོས་གྲུབ་ཐམས་ཅད་ཀྱང་འགྲུབ་པར་འགྱུར་རོ། །སངས་རྒྱས་སུ་ཡང་གདོན་མི་ཟ་བར་འགྲུབ་པར་འགྱུར་རོ། །སྔ་མ་བཞིན་དུ་ལས་ཐམས་ཅད་ཀྱང་བྱེད་ཅིང་ཐམས་ཅད་ལ་ཐོགས་པ་མེད་པར་འགྱུར་རོ། །བྱ་བ་པ་བྱས་པས་ནི་རིམས་ནད་ཐམས་ཅད་དང་།
D483.085.0071b04.01གདོན་དང་དུག་ལ་སོགས་པ་ལས་ཐར་བར་འགྱུར་རོ། །ཕྱག་ན་རྡོ་རྗེའི་ཧཱུྃ་ཞེས་བྱ་བས་ལས་ཐམས་ཅད་ཕྱེད་པར་འགྱུར་རོ། །བརྟག་པ་གཞན་གྱི་ཆོ་ག་ཐམས་ཅད་ཀྱང་སྒྲུབ་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། སྲིན་པོ་ལ་སོགས་པ་ངན་སོང་གི་རྒྱུད་ཀྱི་དབང་དུ་
D483.085.0071b05.01གྱུར་པ་རྣམས་ཀྱི་ཤི་བའི་རོའམ། གཟུགས་བརྙན་ནམ། མིང་ལ་སོགས་པ་བྲིས་ཏེ་བཟླས་པ་དང་། སྦྱིན་སྲེག་དང་། དབང་རྣམས་ཀྱིས་སྔ་མ་བཞིན་དུ་ངན་སོང་ཐམས་ཅད་ལས་ཡོངས་སུ་གྲོལ་བར་བྱེད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་སེང་གེའི་ལྟ་སྟངས་ཀྱིས་བཅོམ་
D483.085.0071b06.01ལྡན་འདས་ཀྱི་ཞལ་དུ་བལྟས་ཏེ། ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཕྱག་རྒྱ་དམ་པའི་མཚན་ཉིད་བཤད་པར་བགྱིའོ། །ཐུགས་རྗེས་བསྐུལ་བའི་ཐུགས་མངའ་བའི། །རྒྱལ་བ་ཀུན་གྱིས་བྱིན་གྱིས་རློབས། །མཉམ་པར་གཞག་པས་དཔྲལ་བར་ནི།
D483.085.0071b07.01