完整藏文原文 · 德格版页 当前仅加载第 87 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་ཐོས་ཀྱི་བུ་ཆེན་པོ་ལེགས་སོ། །ཤིན་ཏུ་རབ་ཏུ་ལེགས་སོ། །མ་འོངས་པའི་གང་ཟག་གི་དོན་དུ་རང་གི་གསང་བ་སྨྲས་པ་ནི་དོན་ཆེན་པོ་དང་ལྡན་ནོ། །ངས་ཀྱང་དེ་རྣམས་ཀྱི་དོན་ངེས་པར་འགྲུབ་པར་བྱ་བའི་ཕྱིར་སྔགས་འདི་བཤད་ཀྱིས་ཉོན་ཅིག །བཅོམ་ལྡན་འདས་ལ་ལེགས་སོ་
D498.087.0162b01.01ཞེས་རྣམ་ཐོས་ཀྱི་བུ་ལ་སོགས་པ་རྣམས་ལྟར་ཉན་ནོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་བཛྲ་པཱ་ཎི་ནཱི་ལཱྃ་བ་རདྷ་ར་བཛྲ་སྥོ་ཊ་ཧཱུྃ་ཕཊ་སྭཱ་ཧཱ། རིག་པ་འདི་ནི་ལས་ཐམས་ཅད་དབང་དུ་སྡུད་པའི་སྔགས་སོ། །རྣམ་ཐོས་ཀྱི་བུ་ཆེན་པོས་ཇི་ལྟར་ཁས་བླངས་པ་ལྟར་གསང་བ་
D498.087.0162b02.01དང་ལྡན་པར་བྱེད་པའོ། །དེ་བཞིན་གྱུར་ཞེས་སྨྲས་ནས་གནོད་སྦྱིན་མི་སྣང་བར་གྱུར་ཏོ། །རྡོ་རྗེ་ས་འོག་གི་རྒྱུད་ལས་རྣམ་ཐོས་སྲས་ཀྱི་ལེའུ་སྟེ་གསུམ་པའོ།། །།དེ་ནས་ཡང་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D498.087.0162b03.01ལྡན་འདས་མ་འོངས་པའི་སེམས་ཅན་རྣམས་ཀྱི་དོན་དུ་གདུག་པ་ཅན་ལ་བསྣུན་པའི་འཁོར་ལོ་བཤད་དུ་གསོལ་ཞེས་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་ཅང་མི་གསུང་བར་ཐུགས་ཀྱིས་གནང་ནས་རང་གི་ཐུགས་ཀ་ནས་འོད་ཟེར་ཀུན་ཏུ་ཁྱབ་པར་སྤྲོས་ཏེ། སེམས་ཅན་
D498.087.0162b04.01ཐམས་ཅད་འཁྱམས་པས་ཁྱབ་པར་མཛད་ནས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ངས་ས་འོག་གི་བགེགས་ལ་བསྣུན་པའི་འཁོར་ལོ་བཤད་ཀྱིས་ཁྱོད་རྩེ་གཅིག་ཏུ་ཉོན་ཅིག་དེ་ལྟར་འཚལ་ལོ་ཞེས་ལྟར་ཉན་ནོ། །བཅོམ་ལྡན་འདས་ཀྱིས་བཀའ་སྩལ་པ། གང་ཞིག་
D498.087.0162b05.01འཁྲུལ་འཁོར་བྱེད་འདོད་པས། །ཉམས་དགའ་དབེན་པའི་གནས་དག་ཏུ། །ཕྱག་ན་རྡོ་རྗེའི་རྣལ་འབྱོར་བྱ། །སྣོད་བཅུད་རྡོ་རྗེ་གཏུམ་པོར་བསྒོམ། །རླུང་ནས་རི་རབ་མཐར་ཐུག་པ། །རྡུལ་སྙེད་གྲངས་ཀྱི་སྐུ་རུ་བསམ། །དབུས་ན་ཕྱག་རྡོར་རྣལ་འབྱོར་བསྒོམ། །རི་བོང་
D498.087.0162b06.01འཛིན་པ་ཞབས་ཀྱིས་བརྡེབས། །སྟོང་གསུམ་ཚད་ཀྱི་ཟླ་བ་ལ། །བགེགས་ཆེན་ཀུན་ཏུ་འདར་བར་བསྒོམ། །སྐུ་ལ་ཉི་མ་སྟོང་ལྡན་པའི། །གཟི་བརྗིད་བཟོད་དཀའི་འོད་ཟེར་གྱིས། །བགེགས་རྣམས་མ་ལུས་འཚིག་པར་བསྒོམ། །ལྗགས་ལས་བཟླས་པའི་སྔགས་ཕྲེང་
D498.087.0162b07.01