完整藏文原文 · 德格版页 当前仅加载第 88 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཚབས་ཆེ་ཆུང་ཚོད་བརྟགས་ནས། །ཚིགས་སུ་བཅད་པའི་བཟླས་བརྗོད་ལ། །མང་ཉུང་ནད་དང་སྦྱར་ནས་ཀྱང་། །ལུ་ལ་བྱབ་ཅིང་བཟླས་ན་ཕན། །འཁྲུ་བག་ནད་ཀྱིས་བཏབ་པ་ལ། །སྨན་ནམ་རིལ་བུ་ཁ་ཟས་ལ། །བདུན་ནམ་ཉི་ཤུ་བཟླས་ནས་ཀྱང་། །ཁོང་
D519.088.0057a01.01དུ་བཏང་ན་ཕན་པར་འགྱུར། །དེ་ཡི་བཟླས་བརྗོད་སྔ་མ་སྟེ། །འདི་དག་རབ་ཏུ་བཟླས་པར་བྱ། །ན་མོ་ར་ཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎཿསྭཱ་ཧཱ། དེ་དག་བཟླས་ན་ནད་རྣམས་འཚོ། །དེ་ནི་ནད་རྣམས་འཚོ་
D519.088.0057a02.01བའོ། །དེ་ནས་ཡང་ནི་བཀའ་སྩལ་པ། །ནས་དང་གྲོ་དང་སྲན་མ་དང་། །འབྲས་དང་སྲན་ཆུང་མོན་སྲན་དང་། །ཤིང་ཏོག་རྒུན་འབྲུམ་ཨ་རུ་ར། །དེ་དག་ཀུན་ལ་ཟ་བ་ཡི། །སྲིན་བུ་སྦུར་བུ་ཕྱེ་མ་ལེབ། །བྱེའུ་དང་བྱི་བ་ནེ་ཙོ་དང་། །ལོ་ཏོག་ཟ་བ་ཁ་བཅིང་ན། །ཞིང་གི་ཁྱོན་དང་
D519.088.0057a03.01སྦྱར་ནས་ཀྱང་། །བྱེ་མ་ས་དང་ཐལ་བ་དང་། །བཟླས་བརྗོད་བརྒྱ་ནི་རྩ་བརྒྱད་བཟླས། །ཞིང་དང་ཤིང་ཏོག་གཏོར་བྱས་ན། །དེ་དག་ཀུན་ཀྱང་ཁ་བཅིངས་འགྱུར། །ཧ་ཅང་ཆར་པ་ཆེས་པ་ན། །བཅོམ་ལྡན་འདས་ལ་ཕུལ་བ་ཡི། །མེ་ཏོག་དམན་མ་རེ་རེ་ལ། །བཟླས་བརྗོད་ཉི་ཤུ་
D519.088.0057a04.01རྩ་གཅིག་བྱ། །གཙང་ཞིང་བདེ་བའི་གནས་དག་ཏུ། །དཀྱིལ་འཁོར་ཆེན་པོའི་དབུས་དག་ཏུ། །བུམ་པ་གང་བའི་སྟེང་དག་ཏུ། །ཁམ་ཕོར་གཙང་མའི་ནང་དུ་ཡང་། །མེ་ཏོག་གཙང་མ་བཟླས་པ་དེ། །བསྲེགས་ན་ཆར་པ་འཆད་པར་འགྱུར། །སེར་བ་དྲག་པོ་འོང་བ་ན། །
D519.088.0057a05.01སེ་བ་ཉ་མིག་ལྕུག་མ་ལ། །བཟླས་བརྗོད་བརྒྱ་ནི་རྩ་བརྒྱད་བཟླས། །སེར་བ་གང་ནས་གཡོ་ངོས་སུ། །ཀླད་ལ་བསྐོར་ཞིང་བྱབས་ན་འཆད། །ཡང་ན་ཐལ་ཆེན་ཡུངས་ཀར་ལ། །བཟླས་བརྗོད་བརྒྱ་ནི་རྩ་བརྒྱད་བྱ། །ཐུམ་པོ་བྱས་ཏེ་ལྕུག་མ་ལ། །བཏགས་ཏེ་བཙུགས་ན་སེར་བ་
D519.088.0057a06.01འཆད། །འབྱུང་པོ་ཤ་ཟ་{ཡི་དགས་,ཡི་དྭགས་}དང་། །བརྗེད་བྱེད་གདོན་གྱིས་ཟིན་པ་ལ། །དཀྱིལ་འཁོར་འདོམ་གང་གྲུ་བཞི་ལ། །བུམ་པ་གཙང་མ་ལྔ་བཞག་སྟེ། །གུ་གུལ་དུད་པས་བདུགས་ནས་ཀྱང་། །ཡུངས་ཀར་ག་པུར་ཙནྡན་དང་། །གླ་རྩི་ལ་སོགས་སྨན་སྦྱར་ཏེ། །བཟླས་བརྗོད་
D519.088.0057a07.01