完整藏文原文 · 德格版页 当前仅加载第 88 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་ནི་རྩ་བརྒྱད་བཟླས། །གོས་དང་ཟས་ནི་དཀར་པོ་སྦྱར། །དཀྱིལ་འཁོར་དེ་ཡི་ནང་དུ་གཞུག །བུམ་པའི་ཆུ་ཡིས་བཀྲུ་བར་བྱ། །སངས་རྒྱས་སྐུ་བསིལ་བྱས་པའི་ཆུས། །བཀྲུ་ཞིང་བླུད་ན་རབ་ཏུ་ཕན། །ནད་དང་གནོད་པ་ཀུན་ལས་ཐར། །འབྱུང་པོ་བརྗེད་བྱེད་ཤ་ཟ་ཡིས། །
D519.088.0057b01.01གླགས་ཀྱང་རྙེད་པར་མི་འགྱུར་རོ། །བྱིས་པ་གདོན་གྱིས་འཇིགས་པ་ལ། །གི་ཝང་ལ་ནི་སྔགས་བཟླས་ནས། །སྙིང་པོ་སྟོབས་ཆེན་འདི་བྲིས་གདགས། །ཨོཾ་བཛྲ་ཀྲོ་དྷ་མ་ཧའ་བ་ལ། ཧ་ནད་ཧ། པ་ཙ་བི་དྷྭ་ན་ས་ཡ། ཛ་ཊི་ལཾ་རྦྷོ་དྷ་ར། ཨུ་ཙྪུཥྨ་ཀྲོ་དྷ་ཧུྃ་ཕཊ་སྭཱ་ཧཱ། གཙང་སྦྲ་
D519.088.0057b02.01བྱས་ཏེ་མགུལ་པར་གདགས། །དེ་བཞིན་ཡུངས་ཀར་དག་ལ་ཡང་། །བཟླས་བརྗོད་བྱས་ཏེ་གཏུམས་ལ་གདགས། །མཁའ་འགྲོའི་གདོན་གྱིས་ཟིན་པ་ན། །ཡུངས་ཀར་དང་ནི་གུ་གུལ་ལ། །སྔགས་གཉིས་ལན་ནི་བདུན་བདུན་བཟླས། །དུད་པས་བདུགས་ན་འཚོ་བར་འགྱུར། །
D519.088.0057b03.01དེ་ལ་ཐེ་ཙོམ་མི་ཟའོ། །བྱིས་པ་གདོན་དང་ནད་ལས་ཐར། །བུད་མེད་བུ་ནི་ཐོགས་གྱུར་ན། །ཆུ་ལ་བཟླས་བརྗོད་ལྔ་བདུན་བྱས། །བླུད་ན་ལེགས་པར་བཙས་པར་འགྱུར། །བུད་མེད་མོ་གཤམ་བུད་མེད་ལ། །སངས་རྒྱས་སྐུ་བསིལ་བྱས་པའི་ཆུ། །དེ་ལ་སྔགས་བརྗོད་ཉི་ཤུ་བྱ། །
D519.088.0057b04.01ཁྲུས་བྱས་ལུས་ནི་གཙང་མ་ལ། །ཆུ་དེ་བླུད་ན་བུ་ཚ་འཕེན། །རིགས་རྒྱུད་དག་ནི་འཕེལ་བར་འགྱུར། །ལམ་དུ་ཞུགས་ཏེ་འགྲོ་བ་ན། །སྐུད་པ་དང་ནི་གོས་ཀྱི་གྲྭར། །བཟླས་བརྗོད་བདུན་བཟླས་མདུད་པ་བདུན། །མདུད་བཅིང་བཟླས་ཏེ་སོང་བ་ན། །བདེ་བར་འགྲོ་ཞིང་དོན་ཡང་འགྲུབ། །
D519.088.0057b05.01དགྲ་དང་ཉེ་ཞོ་མེད་པར་འགྱུར། །ཡིད་ནི་གཞུངས་པར་འདོད་པ་ན། །ཤུ་དག་ཚོན་གང་ཙམ་པ་དང་། །མར་སྲང་སུམ་བརྒྱ་དྲུག་ཅུ་ལ། །བཟླས་བརྗོད་བྱས་ཏེ་བསྲེས་ནས་ཀྱང་། །བུམ་པ་ཅིག་ཏུ་བླུག་ལ་དཀྲུགས། །ཉི་མ་རེ་རེ་ལོ་གཅིག་ཏུ། །ཤུ་དག་གི་ནི་དུམ་རེ་དང་། །མར་སྲང་
D519.088.0057b06.01དག་ནི་རེ་རེ་ལ། །བཟླས་བརྗོད་རེ་རེ་བྱ་ཞིང་བཟའ། །དེས་ནི་ཡིད་གཞུངས་བློ་ལྡན་འགྱུར། །དེ་བཞིན་པ་ནི་སེར་སྐྱ་མའི། །མར་དང་འོ་མ་དག་ལ་ཡང་། །བཟླས་བརྗོད་བརྒྱ་ནི་རྩ་བརྒྱད་དུ། །བཟླས་ཏེ་འོ་ཐུག་དཀྲུག་ཅིང་བཟའ། །ཡིད་གཞུངས་པ་ཡི་མཆོག་ཏུ་འགྱུར། །མི་དང་འགྲོགས་
D519.088.0057b07.01