完整藏文原文 · 德格版页 当前仅加载第 89 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་སྔགས་མདུད་བཅིངས་ན་ཞི་བར་བྱེད་དོ། །རྟག་ཏུ་བཟླས་ན་ཚེ་ཟད་པ་ཡང་ཚེ་ལོ་བརྒྱ་ཐུབ་པར་འགྱུར་རོ། །མར་དང་ཏིལ་གྱི་སྦྱིན་སྲེག་གིས་ཐམས་ཅད་ཞི་བར་བྱེད་དོ། །མངོན་པར་བསྔགས་པའི་སྨན་གྱི་བཏུངས་པས་ནད་ཐམས་ཅད་ལས་ཡོངས་སུ་ཐར་བར་
D544.089.0005a01.01བྱེད་དོ། །ལན་བརྒྱ་བཀྲུས་པའི་མར་ལ་མངོན་པར་བསྔགས་པས་ན་བའི་ཡན་ལག་ལ་བསྐུས་ན་རང་བཞིན་དུ་གནས་པར་འགྱུར་རོ། །མགོའི་ནད་ལ་ཏིལ་མར་ལ་བསྔགས་ཏེ་བསྐུས་པས་རང་བཞིན་དུ་གནས་པར་འགྱུར་རོ། །གདུག་པའི་རྨ་ལ་ཆུ་ལ་བསྔགས་ནས་གཏོར་
D544.089.0005a02.01བས་སོས་པར་འགྱུར་རོ། །སྤྲི་ཧའི་ནད་ལ་བེ་དང་ལ་སོགས་པའི་མཚོན་གྱིས་གཏུབས་ན་སྤྲི་ཧ་བཅད་པར་འགྱུར་རོ། །ནི་རྒུན་དྷི་དང་ནིམ་པའི་རྩ་བ་རྨ་བྱའི་མཇུག་སྒྲོ་དང་བཅས་པ་གཅིག་ཏུ་སྦྱར་ལ། བརྒྱ་རྩ་བརྒྱད་མངོན་པར་བསྔགས་པའི་བདུག་པས་བདུགས་ན། རིམས་ཉིན་
D544.089.0005a03.01གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་ལ་སོགས་པ་སེལ་བར་བྱེད་ཅིང་། འབྱུང་པོ་དང་། ཤ་ཟ་དང་། ཚངས་པ་དང་། སྲིན་པོ་ལ་སོགས་པ་སེལ་བར་འགྱུར་རོ། །བུད་མེད་བུ་ཤི་བས་ལན་བརྒྱ་རྩ་བརྒྱད་མངོན་པར་བསྔགས་པའི་བུམ་པས་
D544.089.0005a04.01ཁྲུས་བྱས་ན་བུ་གསོན་པོ་དང་ལྡན་པར་འགྱུར་རོ། །གྲོ་ག་ལ་བྲིས་པའི་སྔགས་རྐེད་པའམ་དཔུང་པ་ལ་བཏགས་པས་མངལ་སྲུང་བར་འགྱུར་རོ། །སྔགས་རྗེས་སུ་དྲན་པས་གཡུལ་ངོགས་སུ་འཇུག་ན་རྒྱལ་བ་རྙེད་པར་འགྱུར་ཞིང་བྱབས་པས་ནད་ཐམས་ཅད་སེལ་བར་བྱེད་དོ། །ཨོཾ་པཱ་
D544.089.0005a05.01ད་ཙཱ་ལ་ནེ་སྭཱ་ཧཱ། སྔགས་ཀྱི་རྒྱལ་པོ་འདི་སྔོན་དུ་བསྙེན་པའི་ཆོ་གས་ལེགས་པར་བསྒྲུབས་ན་ལས་ཐམས་ཅད་བྱེད་དོ། །ཕོལ་མིག་གི་འཇིགས་པ་ལ་མངོན་པར་བསྔགས་པའི་ཆུ་འཐུངས་ན་ཕོལ་མིག་མེད་པར་འགྱུར་རོ། །གྲོ་གའམ་ཤོག་གུ་ལ་བྲིས་ཏེ་སྒོ་ལ་བཏགས་པས་ཕོལ་
D544.089.0005a06.01མིག་མེད་པར་འགྱུར་རོ། །འདི་ནི་འཚེ་བ་ཐམས་ཅད་ལ་མར་ལ་བཏགས་པའི་ཏིལ་གྱི་སྦྱིན་སྲེག་གིས་སྲུང་བ་ཆེན་པོ་ཡིན་ནོ། །ཁྭའི་སྒྲོ་ལག་པས་བཟུང་སྟེ་བཟླས་པ་ཁྲི་བྱས་ལ་གང་གི་ཁང་པའི་སྟེང་གི་ལོགས་སུ་སྦས་པས་དེ་འབྱེར་བར་བྱེད་དོ། །ཨོཾ་པི་ཤཱ་ཙི་པརྞྞ་ཤ་ཝ་རི་སརྦོ་
D544.089.0005a07.01