完整藏文原文 · 德格版页 当前仅加载第 89 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ན་དབྱངས་ཅན་འགྲུབ་པར་འགྱུར། །ར་ཡི་འོ་མ་བྲེ་བཞི་དང་། །སྨན་རྣམས་སྲང་གཅིག་ཙམ་གྱི་ཚད། །མར་བྲེ་གང་དང་མཁས་པ་ཡིས། །རིམ་གྱིས་མེ་ཆུང་ལ་བསྐོལ་བྱ། །ཟླ་གཅིག་ཙམ་ཞིག་རབ་སྦྱར་ན། །བླ་མེད་ཚིག་ནི་ཐོབ་འགྱུར་ཞིང་། །ཟླ་དྲུག་ཉེ་བར་ལོངས་སྤྱོད་
D544.089.0010b01.01པས། །ངག་གི་དབང་ཕྱུག་མངོན་སུམ་འགྱུར། །ཤུ་དག་ཤིང་མངར་སེན་དྷ་པ། །ཨ་རུ་བཅའ་ལྒ་ལ་ལ་ཕུད། །རུ་རྟ་པི་པི་ཟི་རར་བཅས། །རྣམ་བཏགས་ངག་ནི་དག་པར་བྱེད། །ལྷ་ལ་མེ་ཏོག་དྲི་{བཟངས་སོ,བཟང་ངོ་}གས། །ནང་པར་ཡང་དག་མཆོད་ནས་ནི། །ལན་བདུན་
D544.089.0010b02.01སྔགས་བྱས་ཟོས་ནས་ནི། །ཟླ་བ་དྲུག་གིས་ཐོས་འཛིན་བྱེད། །ཟླ་བ་གསུམ་གྱིས་ཚིག་བདག་འགྱུར། །ཟླ་བ་གཅིག་གིས་བློ་ལྡན་ཞིང་། །ཁུ་བྱུག་གཞོན་ནུའི་སྐད་བཞིན་དུ། །དབྱངས་སྙན་པ་ནི་སྐྱེ་བར་འགྱུར། །གངས་ཅན་སྐྱེས་པའི་ཨ་རུའམ། །གངས་ཅན་སྐྱེས་པའི་
D544.089.0010b03.01ཤུ་དག་ལ། །ཐོ་རངས་ལན་བདུན་མངོན་བསྔགས་ནས། །ཟླ་གཅིག་ཟོས་ནས་ཟླ་དེ་ལ། །ཚིག་བདག་པོ་དང་ཡིད་གཞུངས་དང་། །དབྱངས་སྙན་ཤེས་རབ་ལྡན་པ་ཡང་། །སྐྱེ་བར་འགྱུར་ཞིང་ཟླ་དྲུག་གིས། །ཐོས་པ་འཛིན་པར་ཡང་འགྱུར་རོ། །ཨོཾ་བཱགྡཱ་དི་ནི།
D544.089.0010b04.01བཱ་ཙརྨ་ནི་ཡཙྪ་ས་ར་སྭ་ཏཱི་མ་ཧཱ་ཤྭེ་ཏེ་སྭཱ་ཧཱ། པདྨ་ལས་སྐྱེས་པའི་དཀར་མོ་ཆེན་མོའི་སྙིང་པོ་འདི་ནི། གོང་དུ་བཤད་པའི་ལས་ཐམས་ཅད་བྱེད་པར་འགྱུར་རོ། །ཨོཾ་ཨརྐ་མཱ་ལི་ནི། ཀི་ཎི་ཀི་ཎི་ཁི་ཎི་ཁི་ཎི་སྭཱ་ཧཱ། བཅོམ་ལྡན་འདས་དཔའ་བོ་གཅིག་པུ་གྲུབ་པ་གསུང་གི་རང་བཞིན་
D544.089.0010b05.01མ་ལུས་པའི་པོ་ཏི་བསྣམས་པ། ཕྱག་གཡས་ཀྱིས་ཤེས་རབ་ཀྱི་རལ་གྲི་ཕྱར་བ། གཞོན་ནུའི་གཟུགས་ཅན་འཇམ་པའི་རྡོ་རྗེར་བདག་ཉིད་བསམས་ལ། མདུན་དུ་ཉི་མའི་ཕྲེང་བ་དབྱངས་ཅན་ཆེན་པོ་དང་རྒྱབ་ཏུ་དཔལ་ཆེན་མོ་དང་གཡས་སུ་སྐྲ་ཅན་མ་དང་གཡོན་དུ་ཉེ་བའི་སྐྲ་ཅན་མ་རྣམ་པར་
D544.089.0010b06.01བསམ་པར་བྱ་སྟེ། སྟོན་ཀའི་ཟླ་བ་ལྟར་དཀར་བ་བསྒོམ་པར་བྱའོ། །དེ་ལྟར་བསྒོམས་པ་ལ་གནས་ཤིང་ངེས་པར་གནས་པས་ཅི་འབྱོར་པའི་མཆོད་པ་བྱས་ཏེ། སྔོན་དུ་བསྟན་པའི་ཆོ་གས་སྔགས་འདི་གོང་དུ་སྨོས་པའི་རིམ་པས། འབུམ་ཕྲག་བཞི་བཟླས་ལ། དེ་ནས་དབྱངས་ཅན་གྱི་མར་རམ།
D544.089.0010b07.01