完整藏文原文 · 德格版页 当前仅加载第 90 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེའུ་རིགས་ཕྱིར་ནི་རྣམ་ཐོས་བུ། །ལྷ་ཡི་དབང་ཕྱུག་དབང་པོ་བྲི། །ཁྱེའུ་ཡི་ཕྱིར་ནི་སྐྱེ་དགུའི་བདག །བློ་གྲོས་ཆེན་པོ་བྲི་བར་བྱ། །སྔོ་བསངས་མདོག་ནི་གང་ཡིན་པ། །དེ་ཡི་ཆེད་དུ་ཁྲོས་པ་བྲི། །དཀར་མོའི་ཕྱིར་ནི་གྲགས་ལྡན་པ། །ཕུན་སུམ་ཚོགས་པའི་
D561.090.0133a01.01གཟུགས་སུ་བྲི། །སྦོམ་མོའི་ཕྱིར་ནི་ནོར་བུ་བཟང་། །རབ་ཏུ་བསྒྲིམས་ཏེ་བྲི་བར་བྱ། །སྐེམ་མོའི་ཕྱིར་ནི་གང་བ་བཟང་། །རང་འབྱུང་ང་ཡིས་བསྟན་པར་བྲི། །སྦྲུམ་མའི་ཕྱིར་ནི་ནག་མོ་ཆེ། །ཚངས་ལྷ་རྣམས་ཀྱང་བྲི་བར་བྱ། །གཞན་ཡང་ཅི་ལྟར་ཆོ་ག་ལས། །གོང་
D561.090.0133a02.01དུ་བཤད་པ་བཞིན་དུ་བྲི། །ལས་ཀྱི་ཆོ་ག་མཐོང་ནས་ནི། །རབ་ཏུ་བསྒྲིམས་ཏེ་དེ་བཞིན་བྲི། །རྟག་ཏུ་མགུལ་དུ་བཏགས་ན་ནི། །དེ་ནི་བདེ་བར་འགྱུར་བ་ཡིན། །རྒྱལ་མཚན་རྩེ་མོའི་པདྨ་ལ། །ཡིད་བཞིན་ནོར་བུ་འབར་བ་བྲི། །པདྨའི་སྙིང་པོར་ཞགས་པ་དང་། །དེ་
D561.090.0133a03.01བཞིན་འཁོར་ལོའང་བྲི་བར་བྱ། །པདྨའི་སྟེང་དུ་རྡོ་རྗེ་དང་། །པདྨའི་སྙིང་པོ་ཐོ་བ་བྲི། །ཆོ་ག་ལས་ནི་འབྱུང་བ་བཞིན། །པདྨའི་སྟེང་དུ་མདུང་ཐུང་བྲི། །ཆོ་ག་ལས་ནི་བརྗོད་པ་བཞིན། །ནོར་བུ་ཐམས་ཅད་རྩེ་མོ་འབར། །འོད་ཟེར་འཕྲོ་བས་རྒྱས་པ་དང་། །དར་གྱིས་
D561.090.0133a04.01བཅིངས་པ་བྲི་བར་བྱ། །ཀླུ་མགོ་གདེངས་ཀ་དགུ་ཡོད་ལ། །ནོར་བུ་རབ་ཏུ་འབར་བ་དང་། །དེ་དག་ཀུན་གྱི་སྙིང་གར་ཡང་། །རྡོ་རྗེ་གནས་པར་བསྒྲིམས་ཏེ་བྲི། །རྒྱལ་པོ་རྣམས་ཕྱིར་སྟོབས་ཅན་དང་། །དེད་དཔོན་མཁས་པས་རྟག་ཏུ་བྲི། །རིག་པ་འཛིན་པ་ཐམས་ཅད་ཀྱི། །
D561.090.0133a05.01རིག་པའི་ལྷ་མོ་རྣམས་ཀྱང་བྲི། །ཟླ་བ་ཉི་མ་རྒྱུ་སྐར་བཅས། །སྒྲ་གཅན་མཇུག་{རིངས་,རིང་}གཟའ་བརྒྱད་བྲི། །ཆོ་ག་བཞིན་དུ་ངེས་བྲིས་ལ། །བློ་གྲོས་ལྡན་པའི་མིས་བསྲེལ་ན། །ཟ་མ་དང་ནི་མ་ནིང་ཡང་། །བུ་ཕོ་རྙེད་པར་འགྱུར་བ་ཡིན། །འདིས་ནི་ཐམས་ཅད་འགྲུབ་པར་བྱེད། །
D561.090.0133a06.01ཤིས་ཤིང་སྡིག་པ་ཞི་བར་བྱེད། །རང་བྱུང་གི་ནི་བཀའ་བཞིན་དུ། །གནས་ཀྱི་དམ་པ་ཐོབ་པར་འགྱུར། །འཇིག་རྟེན་འདི་ནའང་མཆོག་ཏུ་བདེ། །འཇིག་རྟེན་ཕ་རོལ་ཤིན་ཏུ་བདེ། །སུམ་ཅུ་རྩ་གསུམ་གནས་ལ་སོགས། །ལྷ་གནས་དེ་ཡི་གནས་སུ་འགྱུར། །འཛམ་
D561.090.0133a07.01