完整藏文原文 · 德格版页 当前仅加载第 90 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
སེར་པོ་དར་སྔོན་པོའི་ཤང་འགག་དང་སྟོད་གཡོགས་ཅན། ཕག་པའི་ཞལ་དང་། ཕག་པ་ནག་པོ་ལ་ཞོན་པ། སྤྱན་གསུམ་པ། རྒྱན་ཐམས་ཅད་ཀྱིས་བརྒྱན་པ། གཡོན་པའི་ཕྱག་ན་སྡིགས་མཛུབ་དང་བཅས་པའི་ཞགས་པ་དང་མེ་ཏོག་དང་བཅས་པའི་ཡལ་གའོ། །
D566.090.0178b01.01གཡས་སུ་ནི་ལྕགས་ཀྱུ་དང་བཅས་པའི་ཁབ་བསྣམས་པའི་ཕྱག་གོ། །ཨོཾ་བ་དཱ་མ་སི་སྭཱ་ཧཱ། ཞེས་བྱ་བ་ནི་ནུབ་ཏུ་གནས་པའི་ལྷ་མོ་ཕྱག་བཞི་མ་དམར་བ་དང་བཅས་པའི་སྔོན་པོའི་གོས་འཆང་བ། སྣ་ཚོགས་པའི་ཤང་འགག་དང་། སྟོད་གཡོགས་ཅན། སྣ་ཚོགས་པའི་ཕག་
D566.090.0178b02.01གི་ཞལ། སྤྱན་གསུམ་པ། རྒྱན་ཐམས་ཅད་ཀྱིས་བརྒྱན་པ། གཡོན་པའི་ཕྱག་ན་གཞུ་དང་། མྱ་ངན་མེད་པའི་ཡལ་གའོ། །གཡས་པ་ན་མདའ་དང་། ལྕགས་སྒྲོག་གི་ཕྱག་རྒྱའོ། །ཨོྃ་ཨནྟརྡྷཱ་ན་མ་སི་སྭཱ་ཧཱ། ཞེས་བྱ་བས་བྱང་ཕྱོགས་སུ་གནས་པའི་ལྷ་མོ་མརྒད་ཏ་
D566.090.0178b03.01ལྗང་གུ་ལྟ་བུའི་འོད་ན་བཟའ་དམར་པོ་དང་། ཤང་འགག་དང་། སྟོད་གཡོགས་དམར་པོ་འཆང་བ། སྦྲུལ་གྱིས་བརྒྱན་པའི་སྐ་རགས་ཅན། སྤྱན་གསུམ་པ་ཕག་གི་ཞལ། ཕྱག་བཞི་པ། གཡོན་པའི་ཕྱག་ཏུ་རྡོ་རྗེ་དྲིལ་བུ་འཁྲོལ་ཞིང་། སྐུད་པ་དང་ཁབ་ཀྱི་ཕྱག་
D566.090.0178b04.01གོ། གཡས་པར་ཞགས་པ་དང་ལྕགས་ཀྱུ་སྟེ། ལྷ་མོ་བཞིས་བསྐོར་བའི་ཐམས་ཅད་ལ་ཀླུའི་དབང་པོ་རལ་པ་བཅིངས་ཤིང་མཆོད་རྟེན་གྱིས་མགོ་སྐྱེས་བརྒྱན་པའོ། །ཨོཾ་མཱ་རཱི་ཙྱཻ་སྔོན་དུ་སོང་བའི་རང་གི་སྔགས་ལས་སྐྱེས་པའི་གསེར་ལྟ་བུའི་ཕག་པ་ལ་ཞོན་པ་བསམ་པར་བྱའོ། །
D566.090.0178b05.01དེ་ནས་ཤར་དུ་ཀླུའི་རྒྱལ་པོ་ཆེན་པོ་དགའ་བོ་ནག་པོ་འོད་འབར་བ། སྦྲུལ་མགོ་གདེངས་ཀ་བདུན་པ། གདེངས་ཀ་གསུམ་གྱི་ཀླུ་མོ་དང་གཉིས་ཀ་གནས་ཞིང་པདྨ་བསྣམས་པའི་ཕྱག་གོ། །ལྷ་མོ་ཞལ་འགྱུར་བའི་འོག་ཏུ་བྱིན་པ་ལ་མགོ་སྐྱེས་འཕྱང་བ། ཐམས་ཅད་ཀྱང་མཐོང་བའི་དུག་
D566.090.0178b06.01ཅན། རིན་པོ་ཆེའི་དབུ་རྒྱན་ཅན། རྒྱན་སྣ་ཚོགས་ཀྱིས་བརྒྱན་པ། སྦྲུལ་མགོའི་གདེངས་ཀའི་ནོར་བུའི་འོད་ཀྱིས་མུན་པ་ཐམས་ཅད་འཇོམས་པ། སྙིང་གར་པདྨའི་ཐལ་མོ་སྦྱར་བ། སེམས་མི་དགའ་ཞིང་འཇིགས་པས་སྐྲག་ནས་སྐྱུག་ཅིང་སྦྲུལ་མགོ་ནས་ཆུའི་རྒྱུན་འབབ་པ། ལྷོ་
D566.090.0178b07.01