完整藏文原文 · 德格版页 当前仅加载第 90 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྲོད་པ་ལ་ནི་དུ་བའི་མདོག་ཅན་ཕྱག་གཉིས་པ་ཞགས་པ་དང་དགྲ་སྟའི་ཕྱག་གོ། །དབྱེ་བ་ལ་ནི་སྔོན་མོ་ཕྱག་བཞི་པ། གཡས་ན་རལ་གྲི་དང་དབྱུག་པ། གཡོན་ན་ཐོད་པ་དང་མྱ་ངན་མེད་དོ། །རེངས་པ་ལ་མདོག་སེར་ལ་ཕྱག་དྲུག་པ་གཡས་ན་རྡོ་རྗེ་དང་ཁབ་དང་མདའ། གཡོན་ན་ཞགས་པ་དང་
D566.090.0185b01.01གཞུ་དང་མྱ་ངན་མེད་པའི་ཡལ་གའོ། །གཞན་གྱི་དཔུང་རེངས་པར་བྱེད་པ་ལ་གཟུགས་འབར་ཞིང་འཁྲུགས་པ་མི་བཟད་པ། ཕྱག་བཅུ་གཉིས་པ། སྣ་ཚོགས་པའི་ཕྱག་མཚན་འཆང་བ་ཞལ་དྲུག་པ། ཞབས་དྲུག་པ་དང་པོའི་ཞལ་དམར་པོ་གཡས་ནག་པོ། གཡོན་པ་དཀར་པོ་ཅུང་ཞིག་ཁྲོ་བ་
D566.090.0185b02.01དང་བཅས་ཤིང་མཆེ་བ་གཙིགས་པའི་ཞལ་ལོ། །གཡོན་པ་སེར་པོ་ཅུང་ཞིག་བཞད་པའི་ཞལ་སངས་རྒྱས་ཀྱི་ཞལ་གཡོན་པའོ། །སྟེང་དུ་ནི་ཕག་པའི་ཞལ་ལོ། །གཡས་ན་ནི་མདུང་ཐུང་དང་། རྡོ་རྗེ་དང་། མདའ་དང་། དབྱུག་པ་དང་། དགྲ་སྟ་དང་། རལ་གྲི་བསྣམས་པའོ། །གཡོན་
D566.090.0185b03.01གྱི་དང་པོ་ན་སྡིགས་མཛུབ་དང་། མྱ་ངན་མེད་ཀྱི་ཡལ་ག་དང་། ཁ་ཊྭཱཾ་ག་དང་། ཐོད་པ་དང་། རྩེ་གསུམ་པ་དང་། མི་མགོ་འཆང་བའོ། །དགུག་པ་ལ་ནི་དཀར་པོ་ཕྱག་བཞི་པ། ཞལ་གསུམ་པ་གཡས་པ་ན་ལྕགས་ཀྱུ་དང་མདའ། གཡོན་ན་ཞགས་པ་དང་ཐོད་པའོ། །དབུ་མ་ནི་
D566.090.0185b04.01གསེར་ལྟ་བུའི་མདོག །གཡས་པ་ནི་གནག་པ། གཡོན་དམར་བ་ཕན་ཚུན་མི་མཐུན་པར་བྱེད་པའི་དུས་སུ་ཞལ་གཉིས་ནི་ནག་པོ་སྟེ་རྟ་དང་ཕག་གི་ཞལ་ལོ། །གཡས་ན་རལ་གྲི་དང་རྩེ་གསུམ་རྡོ་རྗེའོ། །གཡོན་ན་{ཡི་དགས་,ཡི་དྭགས་}དང་ཐོད་པའོ། །དེ་ལྟར་གཉི་ག་ཡང་སྟེ་གཞན་གྱི་རིག་སྔགས་
D566.090.0185b05.01གཅོད་པ་ནི་ཏིང་ངེ་འཛིན་གྱི་ཕྱག་རྒྱ་དང་མྱ་ངན་མེད་ཀྱི་སྡོང་པོ་ལ་བརྟེན་པའོ། །ན་མོ་རཏྣ་ཏྲ་ཡཱ་ཡ། མ་ས་ཙིཏྟེ། བ་ཏཱ་ཡེ། ཧྲྀ་ད་ཡ་བརྟྟ་བྱ་བ་མེ། ཏདྱ་ཐཱ། བཏྟྭ་ལི། བ་དཱ་ལི། བ་རཱ་ལི། བཱ་རཱ་ཧཱ་མུ་ཁི། སརྦ་དུཥྚཱ་ནཱཾ། ཙཀྵུརྨུ་ཁཾ། བནྡྷ་བནྡྷ། ཛམྦྷ་ཡ་ཛམྦྷ་ཡ། སྟམྦྷ་ཡ་སྟམྦྷ་ཡ། མོ་ཧ་ཡ་མོ་ཧ་ཡ། ཧྲཱིཿ
D566.090.0185b06.01ཧཱུཾ་ཕཊ་སྭཱ་ཧཱ། མའི་ཡི་གེ་ལས་ཁ་རུ་ཟླུམ་པོ་ཉི་མའི་དཀྱིལ་འཁོར་རོ། །སའི་ཡི་གེ་ལས་མགོ་བོ་དང་རྒྱབ་ཏུ་ཟླ་བའི་དཀྱིལ་འཁོར་རོ། །ཙའི་ཡི་གེ་སྙིང་གར་བསྒོམ་པར་བྱའོ། །བཏྟྭ་ལི་ནི་དཔུང་པ་གཡས་པ་ལའོ། །བ་དཱ་ལི་ནི་གཡོན་པའི་དཔུང་པ་ལའོ། །བ་རཱ་ལི་ནི་གཡས་པའི་པུས་མོ་ལའོ། །
D566.090.0185b07.01