完整藏文原文 · 德格版页 当前仅加载第 90 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་གྱུར་པར་མཐོང་ནས་ཡ་མཚན་ཆེར་བཟུང་སྟེ་རབ་ཏུ་དགའ་ནས། ཨ་ལ་ལ་སངས་རྒྱས། ཨ་ལ་ལ་རིག་སྔགས། ཨ་ལ་ལ་ཆོས། འབྲས་བུ་འཕྲལ་དུ་སྟོན་པ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ། ཐུགས་རྗེ་མཆོག་ཏུ་ཆེ་བ་ཡིད་བཞིན་
D599.090.0255b01.01གྱི་ནོར་བུ་ལྟ་བུ་དེ་ལ་ཕྱག་འཚལ་ལོ། །ཕྱག་འཚལ་ལོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་ལྷའི་བུ་དེ་རང་གི་གནས་སུ་སོང་ནས་ལྷའི་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་སྣ་ཚོགས་བླངས་ཏེ། ལྷའི་གོས་
D599.090.0255b02.01དང་། སྤུད་པ་དང་། རྒྱན་ཀྱང་བླངས་ནས་གཡོག་འཁོར་ཐམས་ཅད་དང་། ལྷའི་བུ་མོ་དང་། ལྷའི་ཚོགས་དང་། ལྷའི་དབང་པོ་བརྒྱ་བྱིན་ལ་སོགས་པ་དང་། དགའ་ལྡན་གྱི་གནས་སུ་དོང་སྟེ། བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་།
D599.090.0255b03.01བཅོམ་ལྡན་འདས་ལ་མཆོད་པ་ཆན་པོ་བྱས་ཏེ་ལན་བརྒྱ་སྟོང་དུ་བསྐོར་བ་བྱས་ནས་ཆོས་མཉན་པའི་ཕྱིར་དེ་ཉིད་དུ་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་རྒྱལ་པོ་ཆེན་པོ་བཞི་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། གནོད་
D599.090.0255b04.01སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སུག་ལས་གང་གིས་ལྷའི་བུ་ནོར་བུའི་སྙིང་པོ་དྲི་མ་མེད་པ་ལ་མི་བཟད་ཅིང་ཤིན་ཏུ་ཚ་བའི་
D599.090.0255b05.01འབྲས་བུ་རྣམ་པར་སྨིན་པ་རྣམས་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་དམ་པ་དག་ལེགས་སོ་ལེགས་སོ། །སྐྱེས་བུ་དམ་པ་དག་ལེགས་པར་དྲིས་སོ། །དེའི་ཕྱིར་ཉོན་ཅིག་དང་བཤད་པར་བྱའོ། །ལག་ན་རྡོ་རྗེ་སྔོན་བྱུང་བ་
D599.090.0255b06.01འདས་པའི་དུས་ན་ལྷོ་ཕྱོགས་ཀྱི་རྒྱུད་ན་ཡངས་པ་འཁྱིལ་བ་ཞེས་བྱ་བའི་གྲོང་ཁྱེར་ཡོད་དེ། དེ་ན་བྲམ་ཟེ་དྲི་མ་མེད་པ་ཞེས་བྱ་བ་མཁས་པ། བྱང་བ། གསལ་བ། ཡིད་གཞུངས་པ། གཟུགས་བཟང་ཞིང་མཛེས་པ། བལྟ་ན་སྡུག་པ། མདོག་བཟང་པོ་རྒྱས་པ་མཆོག་དང་ལྡན་པ།
D599.090.0255b07.01