完整藏文原文 · 德格版页 当前仅加载第 90 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏེ། འཆི་བའི་དུས་བྱས་པ་དང་གཟུངས་སྔགས་འདིའི་མཐུས་སུམ་ཅུ་རྩ་གསུམ་པའི་ལྷའི་ནང་དུ་སྐྱེས་ཏེ། གཞལ་མེད་ཁང་ཆེན་པོའི་ནང་ན་ལྷའི་བུ་མོའི་ཚོགས་ཀྱིས་བསྐོར་ཅིང་ལྷའི་ལོངས་སྤྱོད་ཆེན་པོ་མྱོང་བར་གྱུར་ཏོ། །དེའི་ཚེ་དེའི་དུས་ན་ཁྱིམ་བདག་དམུས་
D599.090.0256b01.01ལོང་དུ་གྱུར་བ་དེ་གཞན་ཞིག་ཡིན་སྙམ་དུ་ཁྱོད་དོགས་ཤིང་ཐེ་ཚོམ་ཟ་འམ་ཡིད་གཉིས་སུ་གྱུར་ན་དེ་ལྟར་མི་བལྟ་སྟེ། ལྷའི་བུ་ནོར་བུའི་སྙིང་པོ་དྲི་མ་མེད་པ་འདི་ཉིད་དོ། །ལག་ན་རྡོ་རྗེ་དེ་ལྟ་བས་ན་སྡོམ་པ་གསུམ་གྱིས་བསྡམ་པར་བྱའོ། །ལག་ན་རྡོ་རྗེ་ལས་དེས་འབྲས་
D599.090.0256b02.01བུ་རྣམ་པར་སྨིན་པ་སྡུག་བསྔལ་གྱི་ཚོར་བ་འདི་ལྟ་བུ་མྱོང་ངོ་། །ལྷའི་བུ་འདིས་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་ལས་ཀྱི་འབྲས་བུ་ཐ་མ་འདི་མྱོང་ངོ་། །ལག་ན་རྡོ་རྗེ་དེའི་ཚེ་དེའི་དུས་ན་བྲམ་ཟེ་དྲི་མ་མེད་པར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་དོགས་
D599.090.0256b03.01ཤིང་ཐེ་ཚོམ་མམ་ཡིད་གཉིས་སུ་གྱུར་ན། དེ་ལྟར་མི་བལྟ་སྟེ། ལག་ན་རྡོ་རྗེ་ཁྱོད་ཉིད་དོ། །དམུས་ལོང་ལ་གཟུངས་སྔགས་འདི་སྒྲོགས་པའི་དགེ་སློང་དེ་ནི་འཇམ་དཔལ་གཞོན་ནུར་གྱུར་པ་འདི་ཉིད་ཡིན་ཏེ། དེའི་ཚེ་དེའི་དུས་ན་དགེ་སློང་དུ་གྱུར་ཏོ། །
D599.090.0256b04.01དེ་ནས་ལྷའི་འཁོར་མང་པོ་དེས་སྔོན་བྱུང་བ་འདི་ཐོས་ནས་རྨད་དུ་བྱུང་བར་གྱུར། དགའ་བ་ཐོབ་པར་གྱུར་ཏེ། ཅ་ཅོ་དང་ག་ཞའི་སྒྲ་ཆེན་པོ་ཕྱུང་ནས། ཨ་ལ་ལ་དེ་བཞིན་གཤེགས་པའི་དམ་ཚིག་རིག་སྔགས་འདིའི་མཐུ་ནི་ཡིད་བཞིན་གྱི་ནོར་བུ་རིན་པོ་ཆེ་ལྟ་བུའོ་ཞེས་
D599.090.0256b05.01ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་འཁོར་དེ་ལས་ལྷའི་བུ་ཁྲི་ཉིས་སྟོང་ནི་ཕྱིར་མི་ལྡོག་པར་གྱུར་ཏོ། །ལྷའི་བུ་མོ་བྱེ་བ་ཕྲག་འབུམ་ནི་བུད་མེད་ཀྱི་དབང་པོ་དང་བྲལ་ནས་སྐྱེས་པའི་དབང་པོ་བྱུང་སྟེ་ཕྱིར་མི་ལྡོག་པ་ཉིད་ལ་གནས་སོ། །དེ་ནས་བཅོམ་ལྡན་
D599.090.0256b06.01འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་ཀྱི་ཚིག་རིག་སྔགས་ཀྱི་རྒྱལ་མོ་འདི་ནི་མཐུ་ཆེ་བ། ཕན་ཡོན་ཆེ་བ་ལགས་སོ། །བཅོམ་ལྡན་འདས་ཇི་ལྟར་སླད་མའི་ཚེ་སླད་མའི་དུས་
D599.090.0256b07.01