完整藏文原文 · 德格版页 当前仅加载第 91 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྱ་བཛྲ་པཱ་ཎི་ཨཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ། བོད་སྐད་དུ། འཕགས་པ་ལག་ན་རྡོ་རྗེའི་མཚན་བརྒྱ་རྩ་བརྒྱད་པ་
D638.091.0116a02.01གཟུངས་སྔགས་དང་བཅས་པ། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་རང་གི་སྙིང་པོ་སྨྲས་པ། ཨོཾ་བཛྲ་ཙཎྜ་སརྦ་དུཥྚཱན་ཏ་ཀ །ཧ་ན་ད་ཧ། པ་ཙ་ཧཱུཾ་ཕཊ། དེ་ནས་གཟུངས་སྔགས་
D638.091.0116a03.01འདི་བཤད་མ་ཐག་ཏུ་ས་ཆེན་པོ་གཡོས་པར་གྱུར་ཏེ། བགེགས་དང་ལོག་འདྲེན་ཐམས་ཅད་ཀྱང་སྐྲག་ནས་ཉམ་ཐག་པའི་སྐད་ཕྱུང་ངོ་། །དཀྱིལ་འཁོར་ཆེན་པོར་འདུས་པ་ཐམས་ཅད་ཀྱང་ཧ་ཧ་ཞེས་འཛེར་ཏོ། །ལྷ་ལ་སོགས་པ་རིག་སྔགས་འཆང་ཆེན་པོ་རྣམས་ཀྱིས་ཀྱང་
D638.091.0116a04.01རྒྱན་གྱི་ཆར་ཆེན་པོ་ཕབ་བོ། །བཅོམ་ལྡན་འདས་ཀྱིས་ཀྱང་ཞལ་འཛུམ་བཞིན་དུ་རྡོ་རྗེ་འཆང་ལ་གཟིགས་ནས་བཀའ་སྩལ་པ། སྡང་བ་སེལ་བ་འཁོར་འདི་དག་ཧ་ཅང་སྐྲག་པར་མ་བྱེད་ཅིག །རྡོ་རྗེ་འཆང་གིས་གསོལ་པ། བཅོམ་ལྡན་འདས་བདག་གི་གཟུངས་འདི་ནི་མཆོག་
D638.091.0116a05.01ཏུ་གསང་བ་ལགས་སོ། །རིག་སྔགས་ཐམས་ཅད་ཀྱི་མཆོག་དང་། བགེགས་ཐམས་ཅད་ཟློག་པ་དང་། སྡང་བ་ཐམས་ཅད་སེལ་བ་དང་། དམ་པ་སྩོལ་བ་དང་། འབྱོར་པ་སྩོལ་བ་དང་། སྡང་བ་རྣམས་དགའ་བར་བགྱིད་པ་དང་། ཐོས་ན་དོན་མཆིས་པ་དང་། བརྗོད་
D638.091.0116a06.01ན་དོན་མཆིས་པ་དང་། བསྙེན་བཀུར་བགྱིས་ན་དོན་མཆིས་པ་དང་། སྟོབས་སྐྱེད་པ་དང་། གཟུགས་བཟང་བར་བགྱིད་པ་དང་། སྤོབས་པ་སྐྱེད་པ་དང་། དབང་ཕྱུག་ཐོབ་པར་བགྱིད་པ་དང་། ནོར་དང་ལྡན་པར་བགྱིད་པ་དང་། དབང་བགྱིད་པ་དང་། སྡང་བ་འཇོམས་པ་
D638.091.0116a07.01