完整藏文原文 · 德格版页 当前仅加载第 91 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྡང་བ་འཇིག་པར་བགྱིད་པ་དང་། དུག་སེལ་བ་དང་། རྒྱལ་བར་བགྱིད་པ་དང་། དགའ་བར་བགྱིད་པ་དང་། མཆོག་ཏུ་དགའ་བར་བགྱིད་པ་དང་། དང་བར་བགྱིད་པ་དང་། ང་རྒྱལ་འཇོམས་པ་དང་། ཕ་རོལ་ཕམ་པར་བགྱིད་པ་དང་། སྡིག་པ་ཞི་བར་བགྱིད་
D638.091.0116b01.01པ་དང་། ནོངས་པ་བགྱིས་པ་སྦྱོང་བ་དང་། འདོད་ཆགས་ལ་སོགས་པའི་ཉོན་མོངས་པ་ཞི་བར་བགྱིད་པ་དང་། མཚམས་མ་མཆིས་པ་ཟློག་པ་དང་། རྨི་ལམ་ངན་པ་ཞི་བར་བགྱིད་པ་དང་། བཀྲ་མི་ཤིས་པ་ཞི་བར་བགྱིད་པ་དང་། དཔལ་སྐྱེད་པ་དང་། སྐལ་བ་
D638.091.0116b02.01བཟང་པོ་ར་བགྱིད་པ་དང་། སེམས་ཅན་ཐམས་ཅད་དགའ་བར་བགྱིད་པ་དང་། གཞན་ལ་དབང་བགྱིད་པ་དང་། ཅི་འཚལ་བ་སྩོལ་བ་དང་། ཡོན་ཏན་ཐམས་ཅད་ཕུན་སུམ་ཚོགས་པར་བགྱིད་པ་དང་། ཆར་ཆེས་པ་དང་། ཆར་མི་འབབ་པ་དང་། དུས་ཀྱི་
D638.091.0116b03.01གནོད་པ་རབ་ཏུ་ཞི་བར་བགྱིད་པ་ལགས་ཏེ། གཡུལ་ཆེན་པོ་དང་། མི་ནད་ཆེན་པོ་དང་། རྩོད་པ་ཆེན་པོ་དང་། མི་མ་ལགས་པ་ལ་སོགས་པ་འཇིགས་པ་དང་། སྡང་བ་དང་། བྱད་སྟེམས་དང་། རོ་ལངས་ཀྱི་སྦྱོར་བ་ཆེན་པོ་དང་། སྐྲོད་པ་དང་། སྲོག་
D638.091.0116b04.01འཇིག་པའི་ཚེ་དང་། འཇིགས་པ་ཆེན་པོ་བྱུང་བ་ན་ནང་པར་ལངས་ནས་ལུས་ཁྲུས་བགྱིས་ལ། གོས་དཀར་པོ་འཚལ་ཏེ། ཁ་ཤར་ཕྱོགས་སུ་བལྟས་ལ་བཅོམ་ལྡན་འདས་རྡོ་རྗེ་འཆང་གི་གདོང་དུ་ལྟ་ཞིང་ལན་བདུན་བརྗོད་ན། བརྗོད་པ་ཙམ་གྱིས་འཇིགས་པ་ཐམས་ཅད་
D638.091.0116b05.01ལས་ཐར་བར་འགྱུར་ཞིང་གྲུབ་པ་ཆེན་པོ་ཡང་ཐོབ་པར་འགྱུར་ལ། ཐམས་ཅད་དུ་ཡང་རྒྱལ་བར་འགྱུར་ཏེ། སེམས་ཅན་རྣམས་ལ་སྲུང་བ་དང་། སྐྱོབ་པ་དང་། སྦེད་པ་ནི་གཟུངས་ཆེན་མོ་འདི་ལས་ལྷག་པ་མ་མཆིས་སོ། །དེ་ནས་འཁོར་ཐམས་ཅད་
D638.091.0116b06.01ངོ་མཚར་དུ་གྱུར་ནས་རྡོ་རྗེ་འཆང་ལ་མཚན་བརྒྱ་རྩ་བརྒྱད་ཀྱིས་མངོན་པར་བསྟོད་པ། རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་རྒྱལ་པོ་བདེ་བ་ཆེ། །རྡོ་རྗེ་འཇིགས་པ་དགྱེས་པ་ཆེ། །རྡོ་རྗེ་སྙིང་པོ་སྟོབས་པོ་ཆེ། །རྡོ་རྗེ་འཁྲུགས་པ་ཞགས་པ་ཆེ། །
D638.091.0116b07.01