完整藏文原文 · 德格版页 当前仅加载第 91 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷ་མོ་ཚོགས་ཅན་མ་དང་ནི། །མེ་ལྕེའི་རྩེ་འདྲ་འཆི་ལྟས་ཅན། །ཞི་བ་མོ་དང་དཀའ་ཟློག་
D653.091.0141b01.01མ། །མེ་ཏོག་གོས་ཅན་འོངས་གྱུར་ཅིང་། །རྒྱུ་བ་མོ་དང་མཚན་མཆིངས་བཟང་། །འཆི་མེད་རྣམ་པ་དུ་མ་དང་། །གང་ཞིག་ཕྱོགས་སུ་ཆར་འབེབས་པ། །འདོད་ལྷའི་དབྱངས་ཅན་མ་ཡང་འོངས། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །སེར་
D653.091.0141b02.01སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དག། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་དྲག་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་
D653.091.0141b03.01ཚལ་དུ་མངོན་པར་ཞུགས། །སྔོ་བསངས་སྔོ་བསངས་ཆེན་མོ་དང་། །མི་འདྲ་མི་འདྲ་དམ་པ་དང་། །རྩེད་མོས་མྱོས་དང་དེ་བཞིན་དུ། །ཡིད་རབ་འཁྲུག་མའང་འོངས་གྱུར་ཅིང་། །ཕག་མོ་ཕག་མོ་ཆེན་མོ་དང་། །སློང་མ་ངེས་མ་ལྷན་ཅིག་ལྷགས། །བཅུ་ཚན་ཚོགས་བཅུ་
D653.091.0141b04.01དེ་དག་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །
D653.091.0141b05.01དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དཀར་མོ་རྒྱགས་བྱེད་སྙིང་རྗེ་དང་། །གོས་སྔོན་མོ་ཡང་འོངས་གྱུར་ཅིང་། །སྐྲ་དཀར་མོ་ལ་སོགས་པ་དང་། །གོས་སེར་མོ་ཡང་འོངས་པར་གྱུར། །འཕྲོག་མ་རྟག་ཏུ་མྱོས་པ་དང་། །སྤེལ་
D653.091.0141b06.01མ་རྣམ་པ་དུ་མདར། །དག་པ་དང་ནི་འོད་ཅན་མ། །ལྷ་མོ་གྲགས་ལྡན་རྣམས་ཀྱང་ལྷགས། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་
D653.091.0141b07.01