完整藏文原文 · 德格版页 当前仅加载第 91 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྱ་དྷརྨ་སཱ་ག་ར་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཆོས་ཀྱི་རྒྱ་མཚོ་
D654.091.0146a01.01ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་དགེ་སློང་ལྔ་བརྒྱ་ཐམ་པའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་
D654.091.0146a02.01བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ་དང་། དགེ་སློང་དེ་དག་གིས་བཅོམ་ལྡན་འདས་ལ་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དགེ་སློང་དག་ངས་ནི་ཆོས་ཟབ་མོ་མཐོང་བར་དཀའ་བ། རྟོགས་པར་དཀའ་བ། ཆ་
D654.091.0146a03.01ཕྲ་བ། བརྟགས་པ། མཁས་ཤིང་ཤེས་པས་རིག་པར་བྱ་བ་རྟོགས་སོ། །ངས་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེའི་དོན་དང་། ལྷ་དང་། མི་རྣམས་ལ་ཕན་པ་དང་བདེ་བའི་ཕྱིར་ཆོས་ཀྱི་འཁོར་ལོ་བསྐོར་རོ། །
D654.091.0146a04.01ངས་ཐོགས་པ་མེད་པའི་ཆོས་ཀྱི་འཁོར་ལོ་བསྐོར་བའི་ཕྱིར་ངེས་པ་ཁོ་ནར་བསྒྲུབ་པར་བྱའོ། །དགེ་སློང་དག་ཆོས་ཀྱི་རྒྱ་མཚོའི་གཟུངས་ཞེས་བྱ་བའི་ཆོས་ཀྱི་རྣམ་གྲངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པའི་བློ་དང་ལྡན་པ། བློ་གྲོས་ཀྱི་བློ་དང་ལྡན་
D654.091.0146a05.01པ། རྟོགས་པའི་བློ་དང་ལྡན་པ། བརྟན་པའི་བློ་དང་ལྡན་པ། ཤེས་རབ་ཀྱི་བློ་དང་ལྡན་པ། གསུང་གི་མཆོག་དང་ལྡན་པ། སྤོབས་པ་མཆོག་དང་ལྡན་པ། མཁྱེན་ཅིང་གཟིགས་པ་དག་གིས་བསྟན་ཅིང་བཤད་པ་ཡོད་དེ། གང་དག་དེ་ཤེས་པ་དང་། གང་དག་དེ་འཛིན་པ་དེ་དག་གིས་ནི་
D654.091.0146a06.01མྱུར་བ་ཁོ་ནར་ཆོས་ལྔ་ཐོབ་པར་འགྱུར་རོ། །ལྔ་གང་ཞེ་ན། འདི་ལྟ་སྟེ། ཐོས་པ་འཛིན་པའི་དྲན་པ་དང་ལྡན་བར་འགྱུར་བ་དང་། བརྗེད་ངས་པ་མེད་པའི་དྲན་པ་དང་ལྡན་ཞིང་ཆོས་བཟུང་བ་རྣམས་ཆུད་ཟ་བར་མི་འགྱུར་བའི་བློ་གྲོས་དང་ལྡན་པར་འགྱུར་བ་དང་། རྣོན་པོ་ཐོབ་པའི་རྟོགས་པ་
D654.091.0146a07.01